Vinsamlegast athugið að þetta efni er eldra en 7 ára.
Verðlaunahafar í Íslandsmeistaramóti í rúningi 2014, Hafliði Sævarsson, Fossárdal, Julio Cesar Gutierrez, Hávarsstöðum og Þórarinn Bjarki Benediktsson frá Breiðavaði.
Verðlaunahafar í Íslandsmeistaramóti í rúningi 2014, Hafliði Sævarsson, Fossárdal, Julio Cesar Gutierrez, Hávarsstöðum og Þórarinn Bjarki Benediktsson frá Breiðavaði.
Mynd / Alexandra Rut Jónsdóttir
Fréttir 20. janúar 2015

Hyggjast gera Íslandsmeistaramót í rúningi að alvöru landsmóti

Höfundur: Hörður Kristjánsson
Félag sauðfjárbænda í Dalasýslu (FSD) hefur staðið fyrir öflugu félagslífi og hefur Haustfagnaður FSD með hrútasýningum og tilheyrandi vakið athygli.  Stöðugt fleiri sækja þann viðburð. Einn  af forsprökkum í þeim félagsskap, Guðmundur Guðmundsson á  Kjarlaksvöllum í Saurbæjarhreppi, segir að nú séu hugmyndir uppi um að efla þennan viðburð enn frekar. 
„Okkur langar til að útvíkka þetta meira með því að það verði haldnar rúningskeppnir í hverju héraði fyrir sig og síðan komi þeir bestu saman í Dölunum og keppi þar um sjálfan Íslandsmeistaratitilinn,“ segir Guðmundur. 
 
Vísar hann þar til álíka viðburða erlendis þar sem settar séu upp viðamiklar sýningar á keppnisstöðunum.
 
Gert að skoskri fyrirmynd
 
„Allt sem við höfum verið að gera hér varðandi rúningskeppnina síðastliðin níu ár er byggt á skoskri fyrirmynd varðandi stigagjöf og annað. Svo fóru nokkrir íslenskir rúningsmenn til Skotlands á heimsmeistaramót í rúningi ásamt Guðmundi Hallgrímssyni á Hvanneyri. Þegar þeir komu til baka gáfu þeir okkur verðlaunabikar sem við munum keppa um í framtíðinni.“
 
Guðmundur segir að eftir hvern haustfagnað hafi menn velt fyrir sér hvernig mætti setja þetta betur upp til að gera keppnina skemmtilegri fyrir keppendur og áhorfendur. Smám saman hafi aðstaðan verið bætt og lagt upp úr að keppnin gangi hratt og vel fyrir sig. Haustfagnaðurinn stendur yfir í tvo daga, föstudag og laugardag, þar sem fram fer hrútasýning með hrútadómum. Þá er á föstudagskvöldinu efnt til heljarmikillar sviðaveislu þar sem hagyrðingar hafa gjarnan stolið senunni. 
 
Sprengdu utan af sér húsnæðið 
 
„Á þessu hagyrðingakvöldi er boðið upp á venjuleg svið, reykt svið og söltuð, sviðalappir og fleira. Við byrjuðum á þessu í félagsheimilinu Árbliki í Suður-Dölum og sprengdum strax utan af okkur húsnæðið. Þar var ekki lengur borðpláss fyrir alla og endaði það með því að setið var á bekkjum með veggjum og sat þá hver og einn bara með kjamma í hendi og hníf.  Þá færðum við okkur í Dalabúð og sprengdum það hressilega utan af okkur líka og neyddumst þá til að koma 60–70 manns fyrir uppi á sviði fyrir aftan hagyrðingana.  
 
Á þessum árum létum við fólk ekkert panta miða fyrirfram, heldur mættu bara þeir sem vildu mæta. Þannig að við vissum aldrei hvað kæmu margir, en samt var alltaf nóg að borða fyrir alla og sviðin dugðu. Eftir þetta fórum við með sviðaveisluna í íþróttahúsið á Laugum í Sælingsdal sem tekur 400 manns í sæti. Það er ekki enn búið að sprengja það og við gætum svo sem komið hundrað manns fyrir í viðbót uppi í áhorfendastúku með hníf og kjamma í hendi.“
 
Guðmundur segir ánægjulegt hvað aðsóknin hafi aukist mikið. Það gefi mönnum tækifæri til að bjóða upp á veglegri skemmtiatriði sem sé ekki á færri fámennrar samkomu. Þannig var Gissur Páll Gissurarson fenginn í haust til að syngja og vakti það mikla lukku. Þá hafa Álftagerðisbræður einnig komið á þessa samkomu Dalamanna.
 
Í 20. tölublaði Bændablaðsins í október sl. gerði Jón Viðar Jónmundsson hrútasýningum Dalabænda ítarleg og góð skil. Þar við hliðina var sagt frá haustfagnaði FSD. Af einhverjum ástæðum slæddist þar að hluta inn gamall texti og m.a. sagt frá rúningskeppni og fleiru sem átti við árið áður. Er beðist velvirðingar á þessu, en hér koma réttu úrslitin í Íslandsmeistarakeppninni í rúningi 2014. 
 
Hafliði Sævarsson, Fossárdal.
Julio Cesar Gutierrez, Hávarsstöðum
Þórarinn Bjarki Benediktsson, Breiðavaði.
Í fjórða sæti var svo Jón Ottesen, í fimmta sæti var Arnar Freyr Þorbjarnarson, Jakob Arnar Eyjólfsson var í sjötta sæti, Guðmundur Þór Guðmundsson í sjöunda, Þórður Gíslason í áttunda, Baldur Stefánsson  í níunda, Steinar H. Kristbjörnsson var í tíunda sæti, Hermann Jóhann Bjarnason í ellefta sæti og Unnsteinn Kristinn Hermannsson í tólfta sæti. 
 
Efnt var til glæsilegrar ljósmyndasamkeppni
 
Á haustfagnaðinum 2014 var einnig efnt til ljósmyndasamkeppni rétt eins og árið áður. Þar komu fram fjölmargar mjög skemmtilegar myndir. Úrslit keppninnar í haust voru eftirfarandi:
 
Berglind Vésteinsdóttir  með myndina Hjalti og Kátur á Villingadal
Valdís Einarsdóttir  með myndina Stund milli stríða.
 
Kristján Einvarður Karlsson með myndina Berglind Vésteinsdóttir, bóndi á Sauðafelli, stendur vaktina í sauðburði.

9 myndir:

Skylt efni: rúningur

Markmið um að 12 mánaða börn fái leikskólapláss í Sveitarfélaginu Skagafirði
Fréttir 21. janúar 2022

Markmið um að 12 mánaða börn fái leikskólapláss í Sveitarfélaginu Skagafirði

Sveitarfélagið Skagafjörður hefur um nokkurt skeið unnið að því að koma til móts...

Gat á sjókví í Reyðarfirði
Fréttir 21. janúar 2022

Gat á sjókví í Reyðarfirði

Matvælastofnun barst tilkynning frá Löxum Fiskeldi fimmtudaginn 20. janúar um ga...

Skoða alla möguleika til að mæta mikilli eftirspurn eftir lóðum
Fréttir 20. janúar 2022

Skoða alla möguleika til að mæta mikilli eftirspurn eftir lóðum

„Við erum hvergi nærri hætt með okkar uppbyggingu, en stefnan er að íbúar í svei...

„Fyrir okkur öll“ er nýtt slagorð Rangárþings ytra
Fréttir 19. janúar 2022

„Fyrir okkur öll“ er nýtt slagorð Rangárþings ytra

Rangárþing ytra efndi nýlega til slagorðakeppnis um slagorð fyrir sveitarfélagið...

Mikilvægt skref í uppbyggingu Akureyrarflugvallar
Fréttir 19. janúar 2022

Mikilvægt skref í uppbyggingu Akureyrarflugvallar

Samningur um smíði á 1.100 fermetra viðbyggingu við Flug­stöðina á Akureyri var ...

Byggðasaga Skagafjarðar tók 26 ár í vinnslu og í verkið fóru um 50 starfsár
Fréttir 19. janúar 2022

Byggðasaga Skagafjarðar tók 26 ár í vinnslu og í verkið fóru um 50 starfsár

Hjalti Pálsson frá Hofi, ritstjóri og aðalhöfundur Byggðasögu Skagafjarðar, skil...

Vinna hefst við gerð reglna um raforkuöryggi
Fréttir 19. janúar 2022

Vinna hefst við gerð reglna um raforkuöryggi

Umhverfis-, orku- og loftslagsráðherra, hefur skipað starfshóp um raforkuöryggi....

Ný reglugerð um velferð alifugla
Fréttir 19. janúar 2022

Ný reglugerð um velferð alifugla

Sjávarútvegs- og landbúnaðarráðherra hefur undirritað reglugerð um velferð alifu...