Vinsamlegast athugið að þetta efni er eldra en 6 ára.
Horfið frá ákvæðum um leyfilegan meiri þéttleika í alifuglaeldi
Mynd / smh
Fréttir 6. mars 2015

Horfið frá ákvæðum um leyfilegan meiri þéttleika í alifuglaeldi

Höfundur: smh
Hinn 11. febr­úar síðastliðinn var ný reglu­gerð um velferð alifugla birt. Þann 1. janúar 2014 tóku gildi ný lög um velferð dýra og ljóst var að uppfæra þurfti reglugerðir um aðbúnað og velferð dýra – til samræmis við hin nýju lög. 
 
Skipaðir voru sjö starfshópar til að vinna tillögur til ráðuneytisins fyrir allt búfé og gæludýr. Með útgáfu reglugerðar um velferð alifugla er einungis reglugerð um velferð gæludýra óbirt. 
 
Nokkur styr stóð um ýmis atriði sem komu fram í drögum að reglugerð um velferð alifugla og þótti ekki vera í samræmi við ný lög. Til að mynda átti að heimila í undanþáguákvæðum enn meiri þrengsli í alifuglaeldi eða allt að 42 kg á fermetra. Horfið hefur verið frá því undanþáguákvæði og er almennt miðað við 33 kg á fermetra og  í undanþágutilfellum 39 kg á fermetra. Þess skal getið að í gömlu reglugerðinni var kveðið á um 32 kg á fermetra eða 19 fugla.
 
Fögnum breytingum en erum ekki sátt
 
Hallgerður Hauksdóttir er formaður Dýraverndarsambands Íslands (DÍS), en DÍS átti einn af þremur fulltrúum í starfshópnum sem vann tillögurnar til ráðuneytisins. 
 
Hallgerður Hauksdóttir.
Hún segir til bóta að búið sé að taka út ákvæði um 19 fugla, sá tiltekni fjöldi hafi í raun í langan tíma gefið ræktendum færi á meiri þéttleika í sínum búum en 32 kg segja til um, enda séu fuglar þyngri í dag við sláturaldur en þeir voru þegar fyrri reglugerð var sett. Miðað við 33 kg í dag eru þetta 15–16 fuglar á fermetra.  
„Við fögnum því auðvitað líka að það sé búið að fjarlægja þetta undanþáguákvæði með heimild fyrir 42 kg á fermetra. Það er einnig til bóta, með nýjum lögum, að Matvælastofnun hefur fengið betri úrræði til að koma í veg fyrir að reglur um þéttleika séu brotnar – eins og brögð voru að áður.
 
Engu að síður erum við ekki sátt við þessa útkomu, því við gerðum kröfu um 25 kg á fermetra að hámarki sem í samræmi við niðurstöðu úr rannsókn vísindanefndar Evrópuráðsins um heilsu og velferð dýra frá árinu 2000. Núverandi fyrirkomulag er í raun þauleldi, þar sem verið er að hámarka afkomu ræktendanna á kostnað velferðar dýranna,“ segir Hallgerður. 
 
„Þá gagnrýni ég að ekki er minnst á þvingaða fiðurfellingu í hinni nýju reglugerð. Með því að hafa ekki skýrar starfsreglur um fiðurfellingu þá hangir það dálítið í lausu lofti. Betra hefði verið að það hefði einfaldlega verið bannað.
 
Þá gerði Dýraverndarsambandið kröfu um merkingu eggja eftir framleiðsluaðferð, svo neytendur gætu tekið upplýsta ákvörðun við sín kaup – og mun fylgja því eftir, enda tíðkast slík merking um alla Evrópu.“
 
Í nýju reglugerðinni er kveðið á um að notkun á hefðbundnum búrum varphæna skuli verða hætt eftir 31. desember 2021, sem er tveimur árum styttri aðlögunartími en tiltekið var í drögunum.  

2 myndir:

Rökstuddur grunur um blóðþorra
Fréttir 3. desember 2021

Rökstuddur grunur um blóðþorra

Veira sem getur valdið sjúkdómnum blóðþorra í laxi, Infectious salmon anaemia, h...

Nýsköpunar- og þróunarsetur verði byggt upp á Vesturlandi
Fréttir 3. desember 2021

Nýsköpunar- og þróunarsetur verði byggt upp á Vesturlandi

Landbúnaðarháskóli Íslands og Háskólinn á Bifröst hafa tekið höndum saman um að ...

Ísland er enn í sérflokki þegar kemur að lítilli notkun sýklalyfja í landbúnaði
Fréttir 3. desember 2021

Ísland er enn í sérflokki þegar kemur að lítilli notkun sýklalyfja í landbúnaði

Samkvæmt skýrslu European Medicine Agency, sem kom út í síðustu viku, er sýklaly...

Landselastofninn við sögulegt lágmark
Fréttir 3. desember 2021

Landselastofninn við sögulegt lágmark

Hafrannsóknastofnun leggur til að beinar veiðar á landsel verði áfram takmarkaða...

Innflutningur á dönskum jólatrjám dregst saman en sala íslenskra eykst
Fréttir 2. desember 2021

Innflutningur á dönskum jólatrjám dregst saman en sala íslenskra eykst

Fyrsta helgin í sölu íslenskra jólatrjáa er nú fram undan í íslenskum jólaskógum...

Fjármálaráðherra vill skoða kaup á Hótel Sögu
Fréttir 2. desember 2021

Fjármálaráðherra vill skoða kaup á Hótel Sögu

Í frumvarpi fjármálaráðherra til fjárlaga fyrir árið 2020 er lagt til að skoða m...

Sauðfjárbændum hefur fækkað um ríflega þriðjung á 40 árum
Fréttir 2. desember 2021

Sauðfjárbændum hefur fækkað um ríflega þriðjung á 40 árum

Á síðasta ári voru sauðfjárbændur í landinu 2.078 samkvæmt haustskýrslum og höfð...

Sóknarmöguleikar sem verðskulda athygli og uppbyggingu
Fréttir 2. desember 2021

Sóknarmöguleikar sem verðskulda athygli og uppbyggingu

„Mér finnst ég standa inni í málaflokki sem er bæði tengdur sterkt inn í fortíð ...