Vinsamlegast athugið að þetta efni er eldra en 6 ára.
Hadda Borg Íslandsmeistari í hrútadómum
Fréttir 30. ágúst 2016

Hadda Borg Íslandsmeistari í hrútadómum

Höfundur: Vilmundur Hansen

Íslandsmeistaramótið í hrútadómum fór fram um síðustu helgi á Sauðfjársetrinu á Ströndum. Hadda Borg Björnsdóttir á Þorpum við Steingrímsfjörð sigraði mótið að þessu sinn fyrst kvenna. Alls tóku 75 keppendur þátt í mótinu að þessu sinni.

Keppt er í tveimur flokkum, vanir hrútadómarar sem kunna að stiga hrúta eftir öllum kúnstarinnar reglum keppa í öðrum flokknum og þar er keppt um Íslandsmeistaratitil. Í hinum flokknum keppa óvanir og hræddir hrútaþuklarar sem eiga að raða fjórum veturgömlum hrútum í gæðaröð og rökstyðja matið. Áður en keppnin hefst er dómnefnd búin að velja fjóra dálítið misjafna hrúta úr stærri hópi fyrir keppendur að leggja mat á, en í henni voru að  þessu sinni Jón Viðar Jónmundsson og Svanborg Einarsdóttir ráðunautur.

Karlavígið í hrútaþukli fallið

Hadda Borg Björnsdóttir á Þorpum við Steingrímsfjörð, 23ja ára Strandamær, var sigurvegari mótsins að þessu sinni og Íslandsmeistari. Hún er fyrsta konan sem vinnur Íslandsmeistaratitilinn í þessari keppni frá því hún var fyrst haldin fyrir þrettán árum og jafnframt langyngsti sigurvegarinn. Í öðru sæti í flokki vanra varð Jón Jóhannsson, bóndi á Þverfelli í Saurbæ í Dölum, og jafnir í þriðja sæti urðu Haraldur V.A. Jónsson á Hólmavík, Elfar Stefánsson í Bolungarvík og Kristján Albertsson á Melum í Árneshreppi, en sá síðastnefndi hefur sigrað 4 sinnum í þessari skemmtilegu og sérstæðu keppni.

Í flokki óvanra hrútaþuklara sigruðu mæðgurnar Íris Ingvarsdóttir, Þórdís og Lóa, sem búsettar eru í Reykjavík, en í öðru sæti var drengur sem heitir Halldór Már. Í þriðja sæti voru svo þrír Strandamenn og náttúrubarnaskólateymi sem vann saman, Marinó Helgi Sigurðsson á Hólmavík, Ólöf Katrín Reynisdóttir í Miðdalsgröf og Þórey Dögg Ragnarsdóttir á Heydalsá.

Á hrútadómunum var einnig haldið líflambahappdrætti þar sem í vinninga voru frábær líflömb frá bændum á Ströndum, við Djúp og í Reykhólasveit. Góð þátttaka var í happdrættinu. 

Skylt efni: hrútadómar | Hrútaþukl

Innheimta svæðisgjalda
Fréttir 31. mars 2023

Innheimta svæðisgjalda

Í lok árs 2022 samþykkti stjórn Vatnajökulsþjóðgarðs tillögur um gjaldtöku. Umhv...

Áframhaldandi samstarf
Fréttir 31. mars 2023

Áframhaldandi samstarf

Samtök iðnaðarins (SI) og Samtök smáframleiðenda matvæla (SSFM) /Beint frá býli ...

Fengu ný verkfæri
Fréttir 30. mars 2023

Fengu ný verkfæri

Nemendum og kennurum í pípulögnum í Verkmenntaskólanum á Akureyri voru á dögunum...

Vafi á réttmæti líftölumælinga
Fréttir 30. mars 2023

Vafi á réttmæti líftölumælinga

Auðhumla hefur tekið þá ákvörðun að nýta ekki niðurstöður úr líftölumælingum til...

Frumvarp um friðlýsingu lifandi minja lagt fram
Fréttir 29. mars 2023

Frumvarp um friðlýsingu lifandi minja lagt fram

Fimm þingmenn úr fjórum þingflokkum lögðu á dögunum fram frumvarp til laga um br...

Landbúnaðarráðherra Íraks gæddi sér á lambakjöti
Fréttir 29. mars 2023

Landbúnaðarráðherra Íraks gæddi sér á lambakjöti

Í heimsókn sinni til Íraks á dögunum færði Birgir Þórarinsson alþingismaður land...

Endurheimt vistkerfa
Fréttir 29. mars 2023

Endurheimt vistkerfa

Mossy earth er alþjóðleg hreyfing um endurreisn vistkerfa sem er fjármögnuð með ...

Tillaga um dýravelferðarstofu
Fréttir 29. mars 2023

Tillaga um dýravelferðarstofu

Þann 14. mars stóð Dýraverndarsamband Íslands (DÍS) fyrir málþingi um stöðu dýra...