Vinsamlegast athugið að þetta efni er eldra en 8 ára.
H2O eftirsótt á svarta markaðnum
Fréttir 16. júní 2015

H2O eftirsótt á svarta markaðnum

Höfundur: Vilmundur Hansen

Gull, peningar, kreditkort og eldsneyti er ekki lengur það sem þjófar sækjast helst eftir í von um skjótfenginn auð. Nú er það hið merkilega og lífsnauðsynlega efni H2O, eða vatn sem er að verða heitasta „stuffið“ í undirheimunum.

Í grein sem M.L. Nestel ritar á vefsíðunni thedailybeast.com fjallar hann um afleiðingarnar af áralangri þurrkatíð í Kaliforníuríki í Bandaríkjunum. Greinilegt sé að þjófar í ríkinu séu að verða ansi þyrstir. Ein sagan greinir frá ráni á tankbíl, fullum af vatni.

Það var árla morguns, fimmtudaginn 28. maí síðastliðinn, að tankbíl frá fyrirtækinu Marina landscaping þokaðist eftir þjóðveginum. Þurfti hann að aka um veggöng í Oakland þegar lunknir þjófar stöðvuðu hann og rændu hreinlega bílnum að sögn lögreglu. Segir Nestel að þetta sé aðeins eitt dæmi af mörgum um vaxandi tíðni vatnstengdra glæpa í Kaliforníu.

Jerry Brown, ríkisstjóri Kaliforníu, hefur fyrirskipað að íbúar dragi úr vatnsnotkun sinni um fjórðung. Hefur það leitt til að garðeigendur hafa neyðst til að hætta að vökva garða sína. Einnig hafa íbúar þurft að draga úr þvotti á bílum og takmarka sturtun niður úr klósettum aðeins við það þegar fólk þarf að „gera númer tvö“, eins og það er orðað.

Bill McClanhan, doktorsnemi í háskólanum í Essex í Englandi, segir að þurrkar geti mögulega verið að skapa svartan markað fyrir vatn. Hann hefur framkvæmt viðamikla rannsókn um svokallaða „græna glæpi“ og hvernig breytingar í náttúrunni hafa áhrif á glæpastarfsemi. Er hann sannfærður um að einfalt lögmál framboðs og eftirspurnar knýi þjófa á þurrkasvæðum til að falast eftir nýrri verslunarvöru eins og vatni til að selja á svörtum markaði. Þannig eru brunahanar fyrir slökkvilið orðnir að skotmarki vatnsþjófa. Í lok maí var verktaki t.d. staðinn að verki á tankbíl sem hann hafði tekið á leigu. Gómaði lögregla hann við að fylla á tankinn með vatni úr brunahana. Var hann langt kominn með dælinguna þegar lögreglan stöðvaði hann.

Vaxandi hneturækt í Central-dalnum í Kaliforníu hefur einnig leitt til stóraukinnar vatnsnotkunar sem aukið hefur á vandann. Sömuleiðis bætir vatnsátöppunarverksmiðja Nestlé ekki úr málum, en hún lifir á uppdælingu á miklu af grunnvatni.  Ört er farið að ganga á grunnvatnið og hefur því verið spáð að það valdi hreinlega vatnsþurrð í ríkinu strax á næsta ári ef ekki fer að rigna hressilega. Þurrkarnir eru nú þegar farnir að hafa umtalsverð áhrif á efnahagslífið í Kaliforníu.

Skylt efni: vatn | Umhverfismál

Gýgjarhólskot ræktunarbú ársins
Fréttir 16. apríl 2024

Gýgjarhólskot ræktunarbú ársins

Á fagfundi sauðfjárræktarinnar sem haldinn var á dögunum var Gýgjarhólskot í Bis...

Verulegur samdráttur í innflutningi á áburði
Fréttir 16. apríl 2024

Verulegur samdráttur í innflutningi á áburði

Matvælastofnun hefur birt leiðrétta skýrslu yfir áburðareftirlit síðasta árs.

Ísteka í yfirburðastöðu
Fréttir 15. apríl 2024

Ísteka í yfirburðastöðu

Í nýrri ályktun Samkeppniseftirlitsins kemur fram að Ísteka beiti sterkri stöðu ...

Hverfandi líkur á riðusmiti árið 2032
Fréttir 15. apríl 2024

Hverfandi líkur á riðusmiti árið 2032

Í nýrri landsáætlun verður stefnt að því að hverfandi líkur verði að upp komi ri...

Hrútaverðlaun fyrir Gullmola og Blossa
Fréttir 15. apríl 2024

Hrútaverðlaun fyrir Gullmola og Blossa

Á fagfundi sauðfjárræktarinnar sem haldinn var í Ásgarði Landbúnaðarháskóla Ísla...

Sláturhús brann til grunna
Fréttir 12. apríl 2024

Sláturhús brann til grunna

Sláturhúsið í Seglbúðum í Landbroti brann til grunna þann 1. apríl.

Ekki farið að lögum um útivist nautgripa
Fréttir 12. apríl 2024

Ekki farið að lögum um útivist nautgripa

Matvælastofnun lagði stjórnvaldssektir á þrjú kúabú á Vesturlandi á dögunum vegn...

Dregur úr kaupvilja
Fréttir 12. apríl 2024

Dregur úr kaupvilja

Niðurstöður tilboðsmarkaðar fyrir greiðslumark mjólkur í byrjun apríl sýna að ja...