Vinsamlegast athugið að þetta efni er eldra en 1 árs.
Þetta kort sem birst hefur í erlendum fjölmiðlum á að gefa hugmynd um fjárfestingar Kínverja í kolaorkuverum víða um heim.
Þetta kort sem birst hefur í erlendum fjölmiðlum á að gefa hugmynd um fjárfestingar Kínverja í kolaorkuverum víða um heim.
Fréttaskýring 25. júní 2020

Kínverjar koma að byggingu fjölda kolaorkuvera víða um heim

Höfundur: Hörður Kristjánsson

Kínverjar hafa verið í hraðri upp­byggingu í orkugeiranum heima ­fyrir á öllum sviðum orku­framleiðslu. Þrátt fyrir allt tal um að draga úr losun gróður­húsalofttegunda, þá eru Kínverjar enn á fullu í að byggja upp kolaorkuver, bæði í Kína, öðrum Asíuríkjum, Mið-Austurlöndum, Afríku og í Evrópu samhliða uppbyggingu í vistvænni orku.

Reyndar eru fleiri þjóðir m.a. innan Evrópusambandsins, líka að byggja ný kolaorkuver.

Fylgja fordæmi vesturlanda

Kína hefur á liðnum árum stigið ákveðin skref í að koma sér á sama stall í iðnvæðingu og helstu iðnaðarríki Vesturlanda. Þessu fylgir m.a. gríðarleg loftmengun sem mjög hefur verið gagnrýnd, en Kínverjar eru samt ekki að gera neitt annað en það sem vesturlandaþjóðirnar voru þegar búnar að gera á liðnum áratugum.

Samkvæmt frétt Global Warming Plicy Forum frá því í apríl 2019 voru Kínverjar þá að byggja eða með á teikniborðinu áætlanir um byggingu á 300 kolaorkuverum, bæði heima fyrir og í 14 löndum í Asíu, Mið-Austurlöndum, Afríku og í Evrópu.

Samkvæmt frétt Energy world hefur Kína verið leiðandi í upp­byggingu kolaorkuvera víða um lönd og einna helst í Bangladesh með byggingu á risastóru14 gíga­vatta kolaorkuveri og um 13 GW kolaorkuveri í Víetnam. Þá hafa þeir komið að mikilli uppbyggingu kolaorkuvera í  Suður-Afríku og í Pakistan.

Styrkir stöðu sína í Afríku

Hefur Kína í sínum uppbyggingar­fasa mjög verið að styrkja tengsl sín við Afríkulönd. Þar er m.a. um að ræða stuðning við uppbyggingu í það minnsta á 13 kolaorkuverum víða í álfunni og níu til viðbótar munu vera á teikniborðinu samkvæmt frétt Bloomberg 6. maí síðastliðinn og er þar vísað í Greenpeace. Miklar kolanámur eru í Afríku, en mest er þar af kolum í Suður-Afríku og síðan í Bótsvana. Fyrir utan það hafa Kínverjar samþykkt að leggja 4,2 milljarða dollara í byggingu stærsta vatnsorkuvers heims, Kariba-stíflunnar, í Simbabve.

Mikil uppbygging í kolaiðnaði á síðustu 20 árum

Þróunarbanki Kína (China Development Bank) og Export-Import Bank of China, hafa einir og sér staðið fyrir 51,8 milljarða dollara fjárfestingum í kolaiðnaði á heimsvísu síðan árið 2000 samkvæmt gögnum Bostonháskóla.

Fram kemur í fréttinni að Kínverjar brenni um helmingi allra kola sem brennt er í heiminum í dag. Þrátt fyrir gríðarlegar fjárfestingar þeirra í endurnýjanlegri orku undanfarinn áratug, þá sé ólíklegt að þeir séu að hverfa frá kolanotkun neitt í náinni framtíð.

Kínverjar hafa verið að gera sig gildandi um allan heim og styrkt þjóðir til uppbyggingar á ýmsum sviðum undir verkefni sínu Belti og braut. Þessi innviða- og fjárfestingaverkefni hafa verið samþykkt af aragrúa þjóða, þar á meðal af nærri 20 Evrópulöndum.  

Orkukostnaður heimila snarhækkar í Evrópu
Fréttaskýring 19. maí 2022

Orkukostnaður heimila snarhækkar í Evrópu

Þróun sameiginlegs innri orku­markaðar Evrópu og innleiðing skortstöðu á raforku...

Veðurfarið hefur úrslitaáhrif
Fréttaskýring 16. maí 2022

Veðurfarið hefur úrslitaáhrif

Kartöflumygla náði talsverðri útbreiðslu á Suðurlandi síðastliðið sumar, ekki sí...

Fjölbreytt fiskeldi til hliðar við laxinn
Fréttaskýring 13. maí 2022

Fjölbreytt fiskeldi til hliðar við laxinn

Styrjuhrogn, lúsétandi hrognkelsi, græn sæeyru, sushi-lostætið gullinrafi og góm...

Dönskum vindorkuframleiðendum er borgað fyrir að stöðva vindmyllurnar
Fréttaskýring 2. maí 2022

Dönskum vindorkuframleiðendum er borgað fyrir að stöðva vindmyllurnar

Mitt í tali um orkuskort í Evrópu og svimandi verð á raforku þykir Dönum sérkenn...

Langtímalosun kolefnis úr framræstu ræktarlandi er líklega margfalt minni en fullyrt hefur verið
Fréttaskýring 11. apríl 2022

Langtímalosun kolefnis úr framræstu ræktarlandi er líklega margfalt minni en fullyrt hefur verið

Fullyrðingar, sem haldið hefur verið á lofti á Íslandi árum saman um losun koltv...

Lífræna byltingin sem er að éta börnin sín
Fréttaskýring 10. apríl 2022

Lífræna byltingin sem er að éta börnin sín

Um ár er síðan Gotabaya Raja­paksa, forseti eyríkisins Sri Lanka, bannaði innflu...

Fiskur með frostlög í blóðinu
Fréttaskýring 8. apríl 2022

Fiskur með frostlög í blóðinu

Ískóð er merkilegur fiskur. Þetta er hánorræn þorskfiskategund sem hefur aðlagas...

Ísland og Noregur eru einu Evrópuríkin sem geta framleitt yfir 100% af raforkuþörf sinni með endurnýjanlegri orku
Fréttaskýring 5. apríl 2022

Ísland og Noregur eru einu Evrópuríkin sem geta framleitt yfir 100% af raforkuþörf sinni með endurnýjanlegri orku

Hlutfall raforku í heiminum sem framleitt er með kolum hefur aldrei verið hærra ...