Vinsamlegast athugið að þetta efni er eldra en 9 ára.
Horft til suðurs og yfir fjósið í Gunnbjarnarholti. Viðbyggingin verður hægra megin við fjósið, þar sem á myndinni mótar fyrir miklum haug.
Horft til suðurs og yfir fjósið í Gunnbjarnarholti. Viðbyggingin verður hægra megin við fjósið, þar sem á myndinni mótar fyrir miklum haug.
Mynd / smh
Fréttir 15. apríl 2015

Framkvæmdir við 240 kúa fjósbyggingu að hefjast - myndskeið

Höfundur: smh
„Þetta er í raun viðbygging við það fjós sem fyrir er – þó hún verði auðvitað talsvert stærri en gamla fjósið. Ég sótti um að fá að reisa fjósið í fyrra, en þurfti að fara með framkvæmdina í deiliskipulag og því frestaðist hún um ár, má segja,“ segir Arnar Bjarni Eiríksson, bóndi og húsasmíðameistari í Gunnbjarnarholti í Skeiða- og Gnúpverjahreppi. 
 

 

Þegar blaðamaður náði tali af honum var hann á leið í fimm daga ferð til Hollands – með íslenskum kúabændum – á námskeið um fjósbyggingar, en að sögn Arnars má margt læra af Hollendingum um fjósbyggingar. Hann á og rekur Landstólpa sem sérhæfir sig meðal annars í fjósbyggingum fyrir bændur. „Það var bara svo mikið að gera hjá mér síðasta sumar að ég komst ekki til þess að byrja þá og þar fyrir utan var hönnunin kannski ekki alveg tilbúin. Ég reikna hins vegar með að byrja að moka fyrir fjósinu þegar ég kem heim úr ferðinni til Hollands. Þessi framkvæmd á sér nokkuð langan aðdraganda – en þar sem maður vill vera sjálfur að mestu með puttana í þessu þá hefur þetta tekið þennan tíma. Það kannski tafði ferlið líka aðeins að ég fór í heilmikla könnun á því hvort það væri hagkvæmt að nýta metangasið frá fjósinu. Það kemur svo í ljós að það myndi ekki vera afgerandi ávinningur af því þannig að ég læt það liggja milli hluta í bili. Hönnunin á fjósinu er hins vegar þannig að ég held þessum möguleika opnum, ef það lítur þannig út að þetta verður vænlegt í framtíðinni. Okkar niðurstaða var sú að stærðin á fjósunum þarf að vera svo gríðarleg til að eitthvað væri upp úr því að hafa.“
 
Mikil áhersla á rýmisþarfir
 
„Ég legg gríðarlega mikla áherslu á allar rýmisþarfir í hönnuninni á byggingunni. Það verður því mjög rúmt á öllum gripum. Heildarstærð á grunnfleti verður um 4.500 fermetrar og að hámarki verða þar 240 mjólkandi kýr og fjórir mjaltarþjónar til að þjóna þeim. Það er ekkert leyndarmál að fyrirmyndin er fengin frá Hollendingum. Við hugsum þetta fjós sem ársstarf fyrir konu og karl í koti sínu.
 
Arnar Bjarni við suðurgaflinn á gamla fjósinu.
Við höfum lagt mjög mikið upp úr því í hönnuninni að sem allra flestir þættir í fjósinu séu á færi einnar manneskju. Við verðum með svokallaðan velferðargang sem er þannig að kýrnar ganga alveg sér fyrst eftir burð. Þær eiga miklu meiri möguleika á að komast klakklaust gegnum burð ef þær eru hafðar á stóru hálmsvæði, geta farið í mjaltir og svo aftur inn á hálmsvæðið. Við spáðum svo talsvert í fóðurkerfin, en enduðum á að fara í sjálfvirkt heilfóðurkerfi.“
 
Farsæll kúabúskapur
 
Kúabúskapurinn gengur vel í Gunnbjarnarholti hjá þeim Arnari og Berglindi Bjarnadóttur, konu hans, og er búið jafnan ofarlega á árslistum um afurðahæstu búin í niðurstöðum skýrsluhalds nautgriparæktarinnar. „Já, það hefur gengið sérstaklega vel þessi síðustu 6–7 ár en það eru um 25 ár síðan við byrjuðum í þessu,“ segir Arnar Bjarni, sem reiknaði með að byrja fjótlega að moka fyrir nýja fjósinu.

12 myndir:

Skylt efni: fjósbygging | kúabú

Hundrað hesta setningarathöfn
Fréttir 12. júlí 2024

Hundrað hesta setningarathöfn

Setningarathöfn Landsmóts hestasmanna er alla jafna hátíðleg.

Til þess var leikurinn gerður
Fréttir 11. júlí 2024

Til þess var leikurinn gerður

Stjórn Búsældar hefur fyrir sitt leyti samþykkt söluna á Kjarnafæði Norðlenska t...

Skammur aðdragandi að sölunni
Fréttir 11. júlí 2024

Skammur aðdragandi að sölunni

Bræðurnir Eiður og Hreinn Gunnlaugssynir hafa sem áður segir samþykkt kauptilboð...

Kaup Skagfirðinga á Kjarnafæði Norðlenska
Fréttir 11. júlí 2024

Kaup Skagfirðinga á Kjarnafæði Norðlenska

Meginmarkmið kaupa Kaupfélags Skagfirðinga (KS) á Kjarnafæði Norðlenska (KN) er ...

Tilþrif á Landsmóti
Fréttir 11. júlí 2024

Tilþrif á Landsmóti

Enginn skortur var á glæsilegum tilþrifum stólpafáka sem komu fram í gæðingakepp...

Verður langstærsta kjötafurðastöð landsins
Fréttir 11. júlí 2024

Verður langstærsta kjötafurðastöð landsins

Kaupfélag Skagfirðinga (KS) hefur gert kauptilboð í allt hlutafé Kjarnafæðis Nor...

Ullarvika á Suðurlandi
Fréttir 10. júlí 2024

Ullarvika á Suðurlandi

Ullarvika á Suðurlandi verður haldin í þriðja sinn dagana 29. september til 5. o...

Mesta hamingjan í Skagafirði, á Snæfellsnesi og á Héraði
Fréttir 10. júlí 2024

Mesta hamingjan í Skagafirði, á Snæfellsnesi og á Héraði

Hamingja íbúa í Skagafirði, á Snæfellsnesi og á Héraði mælist mest á landinu í n...