Vinsamlegast athugið að þetta efni er eldra en 2 ára.
Börn í leikskólanum Álfasteini tóku fyrstu skóflustungu að stækkun leikskólans, en ljóst er að þörf verður fyrir meira rými á leikskólanum samhliða fólksfjölgun í Hörgársveit.
Börn í leikskólanum Álfasteini tóku fyrstu skóflustungu að stækkun leikskólans, en ljóst er að þörf verður fyrir meira rými á leikskólanum samhliða fólksfjölgun í Hörgársveit.
Mynd / Karl Eskil
Fréttir 29. apríl 2019

Framkvæmdir hafnar við nýtt svæði við Lónsbakka í Hörgársveit

Höfundur: Margrét Þóra Þórsdóttir
Framkvæmdir standa yfir við gatnagerð og lagnavinnu á þéttbýlissvæðinu við Lónsbakka í Hörgársveit, skammt norðan Akureyrar, en samkvæmt deiliskipulagi sem samþykkt var á liðnu ári er gert ráð fyrir að það svæði stækki verulega.  Samkvæmt skipulagi verða um 100 íbúðir á þessu nýja byggingarsvæði.
 
Snorri Finnlaugsson, sveitarstjóri Hörgársveitar, segir að áætlun gangi út á að jarðvegsvinnu ljúki  þegar kemur fram á sumar, í júní næstkomandi, og að stefnt sé að því að byggingarhæfar lóðir fyrir um 50 íbúðir verði tilbúnar á þeim tíma. „Það verður byrjað að byggja á svæðinu um leið og lóðir verða tilbúnar,“ segir hann.
 
Framkvæmdir eru hafnar við nýtt íbúðasvæði í þéttbýlinu við Lónsbakka í Hörgársveit. Fyrsta skóflustunga var tekin á dögunum, en frá vinstri eru  Snorri Finnlaugsson sveitarstjóri, Axel Grettisson oddviti, María Albína Tryggvadóttir og Jón Þór Benediktsson, sem sæti eiga í sveitarstjórn. Mynd / MÞÞ
 
Áhuginn var strax mikill
 
Fulltrúar Hörgársveitar kynntu áform um þetta nýja byggingarsvæði síðastliðið haust og fengu að sögn Snorra þá þegar sterk viðbrögð. „Það kom snemma í ljós að áhugi fyrir svæðinu var mikill og við erum ánægð með það,“ segir hann. Þegar er búið að úthluta nokkrum lóðum á svæðinu, öllum til byggingaverktaka, en þar er um að ræða 6 parhúsalóðir með alls 12 íbúðum, þremur raðhúsalóðum með 18 íbúðum og einnig þremur fjölbýlishúsalóðum með 14 til 28 íbúðum. Þá segir Snorri að ein raðhúsalóð fyrir 5 íbúðir sé laus og í auglýsingu á heimasíðu sveitarfélagsins.
 
Á annað hundrað nýir íbúar
 
„Gangi öll okkar áform eftir með 1. áfanga þessa verkefnis má áætla að á annað hundrað nýir íbúar hafi bæst við sveitarfélagið á næstu tveimur árum. Við erum sannfærð um það hér í Hörgársveit að þeir byggingaverktakar sem eru í startholum að hefja hér byggingaframkvæmdir séu með sölulegar íbúðir sem henta breiðum hópi fólks,“ segir Snorri. Mikil íbúafjölgun varð í sveitarfélaginu árið 2018, í upphafi þess árs voru þeir 580 en nú í ársbyrjun 2019 voru þeir 624 talsins, hefur fjölgað um 44 íbúa eða 7,6%, sem er með því mesta hér á landi. Snorri segir að framhaldið, þ.e. hvenær hafist verði handa við næsta áfanga í Lónsbakkahverfinu, ráðist af viðtökum, svæðið sé til staðar og skipulag fyrir fjölbreyttar húsagerðir.
 
Þörf fyrir að stækka leikskólann
 
Snorri segir að byggja þurfi upp þjónustu samhliða fólksfjölgun, en þegar eru hafnar framkvæmdir við viðbyggingu við leikskólann Álfastein. „Það er ljóst að þörf fyrir meira rými á leikskóla verður fyrir hendi strax núna í sumar og við erum að bregðast við því,“ segir hann, en jafnvel gera menn ráð fyrir að ráðast þurfi í aðra stækkun á leikskólanum á árinu 2020. „Það mun fara eftir íbúasamsetningu í nýju götunum.“ Snorri segir að húsnæði í Þelamerkurskóla sé á hinn bóginn nægjanlegt og þar þurfi ekki að grípa til ráðstafana, í það minnsta ekki fyrst um sinn.
 
Skoða breytingar á skipulagi á Hjalteyri
 
Tveir þéttbýlisstaðir eru í Hörgársveit, sá við Lónsbakka sem er við bæjarmörkin við Akureyri og annar á Hjalteyri. Á liðnu ári var einnig gengið frá nýju deiliskipulagi fyrir Hjalteyri og þar er að sögn Snorra talsvert af nýjum einbýlishúsalóðum sem hafa verið auglýstar. 
 
Eftirspurn hefur verið mjög dræm og segir hann því að verið sé að skoða breytingar á skipulaginu svo auka megi úrval húsagerða á þessu svæði. „Við erum líka að skoða hvort þetta svæði á Hjalteyri geti fallið að átaki sem hrinda á af stað í samvinnu Íbúðalánasjóðs og Hörgársveitar auk 6 annarra sveitarfélaga um að efla íbúðabyggingar á landsbygginni,“ segir Snorri. Í þeim efnum er líka til skoðunar hvort að nýta megi heimavistarhús að Laugarlandi á Þelamörk sem staðið hefur nær ónotað undanfarin misseri. „Við sjáum fyrir okkur að þar sé möguleiki á að koma fyrir nokkrum smærri íbúðum á mjög góðum og glæsilegum stað,“ segir hann. 

Skylt efni: Hörgársveit

Vinstri grænir stýra ráðuneyti matvæla, sjávarútvegs og landbúnaðar
Fréttir 27. nóvember 2021

Vinstri grænir stýra ráðuneyti matvæla, sjávarútvegs og landbúnaðar

Samkvæmt heimildum Bændablaðsins mun þingmaður Vinstri grænna vera með ráðuneyti...

Bitbein um áburðarnotkun
Fréttir 26. nóvember 2021

Bitbein um áburðarnotkun

Lífrænir bændur í Danmörku geta nýtt sér húsdýraáburð frá ólífrænum búum í meira...

Nær 36 milljónir íbúa ESB geta ekki kynt heimili sín sómasamlega
Fréttir 26. nóvember 2021

Nær 36 milljónir íbúa ESB geta ekki kynt heimili sín sómasamlega

Í síðasta Bændablaði var greint frá því að samkvæmt könnun sem kynnt var af Euro...

Kolefnissporið kortlagt
Fréttir 26. nóvember 2021

Kolefnissporið kortlagt

Skútustaðahreppur hefur samið við nýsköpunarfyrirtækið Greenfo um að kortleggja ...

Flestir bílaframleiðendur veðja á efnarafala fremur en rafhlöður í þung ökutæki
Fréttir 25. nóvember 2021

Flestir bílaframleiðendur veðja á efnarafala fremur en rafhlöður í þung ökutæki

Vetnisvæðing, sem nú er rekin áfram af mikilli ákefð hjá öllum stærstu iðnríkjum...

Rekstur vindorkugarða sagður brjóta á mannréttindum Sama
Fréttir 25. nóvember 2021

Rekstur vindorkugarða sagður brjóta á mannréttindum Sama

Norðmenn hafa upplifað spreng­ingu í uppsetningu vindorkustöðva á undanförnum ár...

Rúlluplast í plastgrindur í göngu­stígum og bílaplönum slær í gegn
Fréttir 24. nóvember 2021

Rúlluplast í plastgrindur í göngu­stígum og bílaplönum slær í gegn

Fyrirtækið Ver lausnir í Garðabæ hefur verið að vinna að athyglisverðu verkefni ...

Leiðbeiningar um hvernig hámarka megi gæði nautakjöts
Fréttir 24. nóvember 2021

Leiðbeiningar um hvernig hámarka megi gæði nautakjöts

Nýr upplýsingabæklingur hefur verið gefinn út undir merkjum Íslensks gæðanauts. ...