Vinsamlegast athugið að þetta efni er eldra en 3 ára.
Mitsubishi ASX.
Mitsubishi ASX.
Mynd / HLJ
Á faglegum nótum 25. júní 2020

Fjórhjóladrifinn Mitsubishi ASX, lipur og kraftmikill

Höfundur: Hjörtur L. Jónsson - liklegur@internet.is
Stundum fer ég í leiðangur með vissa tegund bíla í huga til að prufukeyra og var í þannig hugleiðingum að leita að litlum sportlegum fjórhjóladrifnum bíl sem væri brúklegur í nánast alla vegi og vegslóða. 
 
Eftir stutta leit fann ég álitlegan kost í Heklu H/F. Nýr Mitsubishi ASX kom seint á síðasta ári töluvert breyttur frá fyrri bílum með sama nafn.
 
Lipur í akstri og fínn kraftur
 
Mitsubishi ASX er gott að keyra, fótapláss með ágætum, útsýni fram á við mjög gott og hliðarspeglar með þeim stærstu (allavega miðað við stærð á bíl, vinur lýsti hliðarspeglunum þannig: „Næstum eins og eyrun á Mikka mús.“
 
Sætin þægileg og öllum stjórntækjum komið þannig fyrir að aldrei þarf að taka augun af veginum við notkun þeirra.  
 
Þá skilar 2000 rúmsentímetra (cc) bensínvélin 150 hestöflum, einfaldlega mokar bílnum upp í umferðarhraða á mettíma. 
 
Fjöðrunin er góð, sama hvort ekið er á malbiki eða á holóttum malarvegi. Þó er hann ekki alveg gallalaus því umhverfishljóð inni í bílnum mældist yfir þeim hávaða sem ég set viðmiðið, sem er 72db. Samkvæmt mínum mælingum þá mældist hávaðinn inni í bílnum 73,2db. á 90 km hraða.
 
Hliðarspeglarnir eru þægilega stórir.
 
Með því að læsa drifinu fær maður „rallígrip“
 
Fyrir nokkrum árum prófaði ég eins bíl og munurinn er mikill, vélin hefur stækkað úr 1.6 í 2.0 l vél, er nú 150 hestöfl í stað 122 hö og dráttargetan hefur aukist um 100 kg og nú 1300 kg. 
 
ASX kemur með fimm gíra beinskiptingu eða sex þrepa stiglausri CVT (Continuous Variable Transmission) sjálf­skiptingu og fæst bæði með fram- og fjórhjóladrifi.
 
Þegar maður setur fjórhjóladrifna bílinn í gang er hann í sídrifi, en með því að ýta tvisvar á takkann sem er fyrir drifið þá er bíllinn komin í framhjóladrifið. Þar með ætti hann að eyða aðeins minna eldsneyti. Munurinn er það mikill í fjórhjóladrifi og ekki sama hvort það er á malbiki eða malarvegi að persónulega mundi ég alltaf hafa bílinn í fjórhjóladrifinu. Vilji maður hámarksgrip á möl þá læsir maður bílnum í fjórhjóladrifinu og maður er þá komin með „rallígrip“.
 
Öryggisbúnaður góður og fáir mínusar
 
Í bílnum er akreinalesari, blindhorns­vari, viðvörun ef ekið er of nálægt næsta bíl á undan og ýmis annar öryggisbúnaður.
 
Þakglugginn kemur vel út (en muna að loka fyrir sólarljós ef það er mikil sól því annars verður óþægilega heitt þegar sest er inn í bílinn. Þessu gleymdi ég og hitinn var óbærilegur eftir upphitun sólarinnar. 
 
Til að vera löglegur í umferð þarf að snúa ljósatakkanum og stilla á ljós til að fá afturljósin á, en þegar maður yfirgefur bílinn segir mælaborðið manni að slökkva ljósin. Þessi skilaboð á að hunsa því þegar maður lokar hurðinni slokkna ljósin eftir nokkrar sekúndur. 
 
Stærsti mínusinn er að í bílinn vantar varadekkið, en undir hleranum er gert ráð fyrir varadekki og því óskiljanlegt að þar sé bara eitthvert hringlaga frauðplast með fullt af litlum hólfum en ekki varadekk.
 
Með ljósin kveikt allan hringinn má hunsa þessa skipun því ljós slokkna þegar hurðinni er lokað.
 
Gott verð á skemmtilegum sportlegum jeppling
 
Uppgefin eyðsla er 6,3–6,5 lítrar á hundrað kílómetra, en ég var ekki í neinum sparakstri þessa rúmlega 100 km sem ég ók bílnum. Samkvæmt aksturstölvu var hann að eyða 9,1 lítra á hundraðið.
 
Verðið er breytilegt eftir hvort tekinn er Mitsubishi ASX eindrifs eða fjórhjóladrifinn og val á innréttingu. Verðið er frá 3.990.000 og upp í 5.490.000 krónur, sem er verðið á bílnum sem var prófaður.
 
Fyrir þá sem vilja fræðast meira um Mitsubishi ASX er best að fara inn á vefsíðu Heklu á vefslóðina www.hekla.is eða að hafa beint samband við sölumenn Mitsubishi.
 
Helstu mál og upplýsingar:
 
Þyngd 1.498 kg
Hæð 1.640 mm
Breidd 1.770 mm
Lengd 4.350 mm
 

 

„Spjallað“ við kýr
Á faglegum nótum 9. janúar 2023

„Spjallað“ við kýr

Atferli, hegðun, útlit og ástand nautgripa getur gefið gríðarlega mikilvægar upp...

Skógarbændur og Bændasamtök Íslands
Á faglegum nótum 5. janúar 2023

Skógarbændur og Bændasamtök Íslands

Á aðalfundi Landssambands skógareigenda (LSE) sem haldinn var í Borgarnesi í maí...

Lífræn framleiðsla – nú er lag
Á faglegum nótum 5. janúar 2023

Lífræn framleiðsla – nú er lag

Á undanförnum árum hefur VOR látið til sín taka með ýmsum hætti til að hvetja ti...

Eitur á alltaf að vera síðasta úrræðið
Á faglegum nótum 3. janúar 2023

Eitur á alltaf að vera síðasta úrræðið

Meindýr eru skaðvaldar í garð- og skógrækt og óvelkomnir gestir sem flestir vild...

Ýmsir vankantar við smíði nýju norrænu næringarráðanna
Á faglegum nótum 2. janúar 2023

Ýmsir vankantar við smíði nýju norrænu næringarráðanna

Vinna við norrænu næringarráðin (NNR), sem Norræna ráðherra­nefndin heldur utan ...

Um niðurstöður lambadóma haustið 2022
Á faglegum nótum 30. desember 2022

Um niðurstöður lambadóma haustið 2022

Í heildina var útkoma lamba í haust góð. Meðalfallþungi á landinu var 16,6 kg og...

Lífrænn úrgangur: höfuðverkur eða tækifæri?
Á faglegum nótum 28. desember 2022

Lífrænn úrgangur: höfuðverkur eða tækifæri?

Hér á landi fellur til gríðarlegt magn af lífrænum úrgangi á öllum stigum samfél...

Skýrsluhald – heimarétt WorldFengs
Á faglegum nótum 27. desember 2022

Skýrsluhald – heimarétt WorldFengs

Nú þegar líður að áramótum og allir eru búnir að skila haustskýrslu til matvælar...