Vinsamlegast athugið að þetta efni er eldra en 11 mánaða.
Ekki er full samstaða í Akrahreppi um hvort tímabært sé að hefja formlegar viðræður um hugsanlega sameiningu við Sveitarfélagið Skagafjörð. Varaoddvitinn segir að pólitískir hagsmunir snúist ekki eftir því hvernig vindar blási í Blönduhlíð. Þessar kýr undu sér bærilega í logni í Blönduhlíðinni í fyrrasumar.
Ekki er full samstaða í Akrahreppi um hvort tímabært sé að hefja formlegar viðræður um hugsanlega sameiningu við Sveitarfélagið Skagafjörð. Varaoddvitinn segir að pólitískir hagsmunir snúist ekki eftir því hvernig vindar blási í Blönduhlíð. Þessar kýr undu sér bærilega í logni í Blönduhlíðinni í fyrrasumar.
Mynd / MÞÞ
Fréttir 26. maí 2021

Formlegt boð um sameiningarviðræður Sveitarfélagsins Skagafjarðar og Akrahrepps

Höfundur: Margrét Þóra Þórsdótttir

Byggðarráð Sveitarfélagsins Skagafjarðar bauð nýverið hreppsnefnd Akrahrepps til formlegra viðræðna um sameiningu sveitarfélaganna tveggja í Skagafirði. Í greinargerð með tillögu Sveitarfélagsins Skagafjarðar varðandi boðið til Akrahrepps segir að mikilvægt sé að vinna faglegt mat á kostum, göllum og tækifærum sem felast í sameiningu sveitarfélaganna tveggja og sýn um þá uppbyggingu sem þarf að ráðast í til að styrkja samkeppnishæfni og búsetuskilyrði samfélagsins í Skagafirði.

Lagt var til að hvort sveitarfélag fyrir sig tilnefndi fimm fulltrúa í viðræðurnar og að sótt yrði um fjárframlag úr Jöfnunarsjóði sveitarfélaga vegna þeirrar vinnu. Eins er lagt til að niðurstaða liggi fyrir í lok ágúst og að íbúar fái þannig tækifæri til að koma afstöðu sinni á framfæri við alþingiskosningar í lok september.

Verið að skoða næstu skref

Innan hreppsnefndar Akrahrepps var ekki full samstaða um að tímabært væri að hefja formlegar samningaviðræður. Þó telur nefndin það grundvöll fyrir allri ákvarðanatöku að farið verði í að meta hugsanlegan ávinning og veikleika mögulegrar sameiningar á forsendum sveitarfélagsins og með hag samfélagsins alls að leiðarljósi.

„Slík vinna yrði unnin í víðtæku samráði við íbúa og niðurstaðan lögð fyrir þá til ákvörðunar um framhaldið“, segir í bókun frá fundi hreppsnefndar Akrahrepps þar sem þessi mál voru til umræðu.

„Ekki náðist samstaða um málið innan hreppsnefndar en eins og önnur sveitarfélög þá er Akrahreppur sífellt að leita leiða til þess að auka velferð og þjónustu við íbúa á sama tíma og það skiptir máli að sveitarfélagið sé vel rekið fjárhagslega. Það er of snemmt að segja meira á þessu stigi málsins annað en að verið er að skoða næstu skref,“ segir Hrefna Jóhannesdóttir, oddviti Akrahrepps.

Sjáum þessa þróun víða í kringum okkur

Sigfús Ingi Sigfússon, sveitarstjóri í Sveitarfélaginu Skagafirði, segir að sú hugsun hafi búið að baki að sameinuð væru sveitarfélögin enn öflugri og gætu veitt íbúum sínum enn betri þjónustu en nú er en jafnframt verið öflugur málsvari héraðsins alls í hinum fjölmörgu hagsmunamálum sem það snerta.

„Þessa þróun í átt til stærri og öflugri sveitarfélaga sjáum við víða í kringum okkur, m.a. eru nágrannar okkar í Austur-Húnavatnssýslu í formlegum sameiningarviðræðum, einnig Skútustaðahreppur og Þingeyjarsveit, auk fjögurra sveitarfélaga á Suðurlandi sem stefna á atkvæðagreiðslu í september nk. um sameiningu þeirra. Önnur sveitarfélög eru einnig í startholunum og má nefna að Svalbarðshreppur og Langanesbyggð ætla að ákveða í sumar hvort þau hefji formlegar sameiningarviðræður, auk þess sem Dalabyggð hefur greint frá því að sveitarstjórn þar ætli að bjóða kollegum sínum í Húnaþingi vestra og Stykkishólmsbæ og Helgafellssveit til fundar til að ræða mögulegar sameiningar,“ segir Sigfús Ingi.

„Við sjáum af viðbrögðum nágranna okkar í Akrahreppi að það er vilji þar til að vinna faglegt mat á kostum, göllum og tækifærum sem felast í sameiningu sveitarfélaganna tveggja. Við fögnum því auðvitað og teljum það farsælt skref. Í kjölfar þess og samtals við íbúana er hægt að taka ákvörðun um hvort gengið verður til formlegra viðræðna um sameiningu Skagafjarðar í eitt heildstætt og öflugt sveitarfélag.“

Hvernig vindar blása í Blönduhlíð

Varaoddvitinn í Akrahreppi, Einar Gunnarsson, bókaði á fundi hreppsnefndar Akrahrepps að leiði sú vinna sem hreppsnefnd hafi ákveðið, þ.e. að hefja vinnu á kostum og göllum sameiningar flytjist öll ákvarðanataka um stærstu hagsmunamál íbúa Akrahrepps til pólitísks kjörinna fulltrúa í öðru sveitarfélagi, „en eins og kunnugt er snúast pólitískir hagsmunir ekki eftir því hvernig vindar blása í Blönduhlíð,“ segir í sérbókun Einars frá fundinum. Nefnir hann að á borði hreppsnefndar sé uppbygging skólanna í Varmahlíð, þar sem Akrahreppur eigi 25% eignarhlut og þá sé vinna við endurskoðun aðalskipulags nýhafin. „Samstarf sveitarfélaga, kaup og sala á þjónustu þeirra á milli án þess að staðsetning þeirra skipti máli verður sífellt auðveldari. Rafræn stjórnsýsla og störf án staðsetningar eiga eftir að auðvelda rekstur smærri sveitarfélaga. Akrahreppur hefur sjálfur fjárhagslegt bolmagn, mannauð og þekkingu til að reka gott samfélag áfram.“

Óeining innan ESB um að framfylgja algjöru viðskiptabanni á Rússa með olíu og gas
Fréttir 20. maí 2022

Óeining innan ESB um að framfylgja algjöru viðskiptabanni á Rússa með olíu og gas

Klofningur er innan Evrópu­sam­bandsins varðandi kaup á gasi og olíu frá Rússlan...

Bankar og stórfyrirtæki óttast samdrátt efnahagslífsins
Fréttir 20. maí 2022

Bankar og stórfyrirtæki óttast samdrátt efnahagslífsins

Þýski stórbankinn Bundesbank varar Evrópusambandið við að allsherjar viðskiptaba...

Umsóknarfrestur um styrki til aðlögunar að lífrænum framleiðsluháttum framlengdur
Fréttir 20. maí 2022

Umsóknarfrestur um styrki til aðlögunar að lífrænum framleiðsluháttum framlengdur

Matvælaráðuneytið vekur athygli á að umsóknarfrestur vegna styrkja til aðlögunar...

Tæplega 80 þúsund gistinætur og  Íslendingar í miklum meirihluta
Fréttir 19. maí 2022

Tæplega 80 þúsund gistinætur og Íslendingar í miklum meirihluta

„Við trúum því að veðrið verði áfram með okkur í liði og að við eigum gott og fe...

Tillögur matvælaráðherra til fæðuöryggis Íslands
Fréttir 18. maí 2022

Tillögur matvælaráðherra til fæðuöryggis Íslands

Í gær lagði Svandís Svavarsdóttir matvælaráðherra fram tillögur fyrir ríkisstjór...

Auglýsing um tollkvóta vegna innflutnings á blómum
Fréttir 18. maí 2022

Auglýsing um tollkvóta vegna innflutnings á blómum

Umsóknar- og tilboðsferli vegna úthlutunar tollkvótans fer fram með rafrænum hæt...

Eftirspurnin eftir liþíum talin vaxa um 4.000% til 2040
Fréttir 18. maí 2022

Eftirspurnin eftir liþíum talin vaxa um 4.000% til 2040

Ört vaxandi verð á liþíum, sem notað er m.a. í bíla- og tölvu­rafhlöður, er fari...

Miðaldaminjar fundnar í Grímsey
Fréttir 17. maí 2022

Miðaldaminjar fundnar í Grímsey

Nú er unnið að undirbúningi kirkjubyggingar í Grímsey en smíði hennar mun hefjas...