Vinsamlegast athugið að þetta efni er eldra en 5 ára.
Egill Sigurðsson, stjórnarformaður Auðhumlu og kúabóndi á Berustöðum.
Egill Sigurðsson, stjórnarformaður Auðhumlu og kúabóndi á Berustöðum.
Fréttir 9. mars 2017

Fátt gott um frumvarpsdrögin að segja

Höfundur: Vilmundur Hansen

Egill Sigurðsson, stjórnarformaður Auðhumlu og kúabóndi á Berustöðum, segist fátt gott geta sagt um frumvarpsdrög Þorgerðar Katrínar Gunnarsdóttur landbúnaðarráðherra til endurskoðunar á samkeppnisstöðu mjólkuriðnaðarins.

„Ráðherra var búinn að gefa út að til stæði að gera breytingar á samkeppnisstöðu mjólkuriðnaðarins. Ég átt því vona á einhverjum breytingum en mér datt ekki í hug að breytingarnar ættu að ganga eins langt og drögin gera ráð fyrir og að það yrði farið rólega í málið.

Ég sé ekki betur en að til standi að setja upp gerbreytt kerfi fyrir mjólkurframleiðslu í landinu með því að fella mjólkuriðnaðinn undir samkeppnislög.

Samkvæmt frumvarpsdrögunum mega afurðastöðvar í mjólkuriðnaði ekki lengur hafa samstarf um eitt eða neitt. Það eitt mun leiða til minni mjólkurframleiðslu í landinu. Eðli framleiðslunnar er að hún er ójöfn yfir árið og meðan hún er mikil safnast upp birgðir sem gengið er á þegar framleiðslan er minni. Til þessa hafa afurðastöðvar haft samstarf um þetta en slíkt verður bannað ef frumvarpið verður samþykkt óbreytt.“

Núverandi kerfi hefur skilað miklu

„Einnig munu koma fram ruðningsáhrif vegna banns á samstarfi afurðastöðva sem ekki hafa verið hugsuð til enda og mér sýnist samkvæmt frumvarpsdrögunum að ætlunin sé að ganga mjög hart fram gagnvart innlendri framleiðslu. Ég sé ekki annað en að útfæra eigi innflutning á tolllausum osti þannig að hann valdi sem mestum skaða fyrir kúabændur og þá væntanlegum ávinningi fyrir aðra.“

Egill segir að núverandi fyrirkomulag á mjólkurframleiðslu og unnið hafi verið eftir hér á landi hafi miklu skilað fyrir neytendur og bændur. „Slíkt sýna allar úttektir og rannsóknir að það fyrirkomulag sem lagt var upp með hefur skilað því sem það átti að skila.“

Samtök afurðastöðva ekki í endurskoðunarnefndinni

„Við munum að sjálfsögðu fara yfir frumvarpsdrögin og veita umsögn og reyna að gera ráðherra grein fyrir þeim afleiðingum sem vanhugsaðar breytingar geta haft á rekstrarskilyrðum mjólkurframleiðslunnar. Að vísu hefur núverandi landbúnaðarráðherra haft forgöngu um að aðilar frá Samtökum afurðastöðva séu útilokaðir frá því samtali en að fulltrúar innflutnings og verslunar hafi verið boðnir velkomnir að þeim viðræðum.“

Stefnir í takmarkanir á veiðum grágæsa
Fréttir 2. desember 2022

Stefnir í takmarkanir á veiðum grágæsa

Þar sem fjöldi skráðra grágæsa á talningastöðum á Bretlandseyjum er 30% færri en...

Minkur til Danmerkur
Fréttir 1. desember 2022

Minkur til Danmerkur

Hópur danskra minkabænda, sem kallast Dansk mink, vinnur nú að því að endurvekja...

Frummenn vildu vel steiktan fisk
Fréttir 30. nóvember 2022

Frummenn vildu vel steiktan fisk

Rannsóknir á beinaleifum vatnakarfa sem fundust þar sem í dag er Ísrael benda ti...

Fyrsti rafmagnssteypubíllinn á leiðinni til landsins
Fréttir 30. nóvember 2022

Fyrsti rafmagnssteypubíllinn á leiðinni til landsins

Steypustöðin gekk nýlega frá samningi við steypudælu og -bílaframleiðandann Putz...

Ný sálmabók tekin í notkun
Fréttir 29. nóvember 2022

Ný sálmabók tekin í notkun

Þann 13. nóvember sl. var ný útgáfa sálmabókarinnar tekin í notkun í kirkjum lan...

Fljúgandi bolabítur
Fréttir 28. nóvember 2022

Fljúgandi bolabítur

Skömmu eftir miðja nítjándu öld lýsti Alfred Russel Wallace, sem var samtímamaðu...

Hjólreiða- og göngustígur milli Hellu og Hvolsvallar?
Fréttir 28. nóvember 2022

Hjólreiða- og göngustígur milli Hellu og Hvolsvallar?

Nú eru uppi hugmyndir um að leggja hjólreiða- og göngustíg á milli Hellu og Hvol...

Sólarorkuver á fjósþaki
Fréttir 25. nóvember 2022

Sólarorkuver á fjósþaki

Á Eystri-Leirárgörðum var nýlega sett upp raforkuver á útihús. Þetta er hluti af...