Vinsamlegast athugið að þetta efni er eldra en mánaðar gamalt.
Esther Sigfúsdóttir og Dagrún, dóttir hennar, hafa unnið að fjölmörgum verkefnum á Sauðfjársetrinu og alltaf þótt gaman að takast á við skemmtilegar áskoranir saman í starfi safnsins.
Esther Sigfúsdóttir og Dagrún, dóttir hennar, hafa unnið að fjölmörgum verkefnum á Sauðfjársetrinu og alltaf þótt gaman að takast á við skemmtilegar áskoranir saman í starfi safnsins.
Mynd / Aðsend
Fréttir 21. febrúar 2024

Esther hættir eftir tólf ára starf

Höfundur: Magnús Hlynur Hreiðarsson

Esther Sigfúsdóttir, sem gegnt hefur starfi framkvæmdastjóra Sauðfjársetursins á Ströndum síðustu tólf ár, hefur sagt upp störfum.

Hún hættir þó ekki formlega fyrr en í haust að ósk stjórnar setursins. „Ákvörðunin um að hætta var alls ekki auðveld og ég vildi gjarnan að hún hefði verið tekin á öðrum forsendum. Forsvarsfólk sveitarfélagsins Strandabyggðar hefur staðið á bak við mjög neikvæða umræðu sem beinist að mínu fólki. Ég er búin að velta mikið fyrir mér hvort það að ég sé framkvæmdastjóri bitni á Sauðfjársetrinu, en það vil ég síst af öllu. Síðasta árið hugsaði ég hundrað sinnum um að segja upp starfinu og hætti jafnoft við, en nú hefur endanleg ákvörðun verið tekin,“ segir Esther.

Fyrir þá sem ekki vita þá er Sauðfjársetrið á Ströndum sjálfstæð sjálfseignarstofnun, sem starfar í þágu samfélagsins, menningarmiðstöð og viðurkennt safn. Esther segist hafa sagt upp á stjórnarfundi núna eftir áramótin en að stjórn setursins hafi beðið hana að vinna fram á haust og það samþykkti hún. „Ég hef þannig tækifæri til að klára ýmis verkefni sem eru á dagskránni og vinn áfram við móttöku gesta í sumar,“ segir hún.

Náttúrubarnahátíð og Íslandsmót í hrútadómum

Fjöldi viðburða er á dagskrá í vor og sumar hjá Sauðfjársetrinu eins og undanfarin ár enda hlakkar Esther til næstu mánaða. „Stærstu viðburðirnir verða Náttúrubarnahátíð í júlí og Íslandsmótið í hrútadómum í ágúst. Mér finnst líka ótrúlega gaman að hitta allt fólkið sem kemur í heimsókn til okkar og spjalla við gestina um allt mögulegt. Það er skemmtilegt sumar fram undan með mínum góðu og skemmtilegu starfskonum, Laufeyju, Gullu og Dagrúnu.“

Þegar Esther er spurð hvað standi upp úr hjá henni eftir þessi 12 ár er hún fljót til svars.

„Gleðin hefur yfirleitt verið við völd og alltaf verið meira en nóg að gera. Við höfum haldið fjölmarga skemmtilega viðburði, tekið á móti fjölda gesta, bakað óteljandi kökur fyrir kaffihlaðborð, ferðast landshorna á milli með bingóvél í farteskinu, sinnt safnastarfinu, sett upp sýningar, málað og lagað og margt fleira. Ég veit að ég verð dálítið fegin að losna við sum verkefnin, en ég mun líka sakna góðu stundanna og félagsskaparins gífurlega mikið.“

Sauðfjársetrið er í Sævangi á Ströndum en þangað koma um sjö til átta þúsund gestir á ári til að skoða sýningu um íslenska sauðkindina og allt það helsta sem henni tengist. Mynd / mhh

Sjö til átta þúsund gestir á ári

Gestafjöldi Sauðfjársetursins hefur vaxið með hverju ári en hann var um sex þúsund síðustu árin fyrir heimsfaraldur. Árlegir gestir eftir það hafa verið sjö til átta þúsund.

„Mig langar að nota þetta tækifæri og þakka fyrir þessi 12 ár, sem ég er óendanlega þakklát fyrir. Mig langar líka að þakka öllu samstarfsfólkinu í gegnum tíðina og öllum þeim sem hafa tekið þátt í alls konar skemmtilegum verkefnum með okkur.

Ég vil líka þakka fólki kærlega fyrir þá sjálfboðavinnu sem það hefur lagt af mörkum og unnin hefur verið fyrir safnið og Sævang, til dæmis í tengslum við alls konar viðburði, viðhald á húsinu, tiltekt í umhverfinu og margt fleira. Það hefði verið ómögulegt að halda uppi svona kraftmiklu starfi án sjálfboðastarfs frá vinum safnsins,“ segir Esther, sem hlakkar til að taka á móti gestum setursins í vor og sumar.

Skylt efni: Sauðfjársetrið

Fyrsti umplöntunarróbóti landsins
Fréttir 19. apríl 2024

Fyrsti umplöntunarróbóti landsins

Í maí í fyrra var settur upp umplöntunarróbóti á gróðrarstöðinni Sólskógum í Kja...

Ólöglegur frágangur á dýrahræjum
Fréttir 19. apríl 2024

Ólöglegur frágangur á dýrahræjum

Opinn gámur, yfirfullur af dýrahræjum, stóð á dögunum á steyptu bílastæði við in...

Verslunarrekstur í dreifbýli er samfélagsverkefni
Fréttir 18. apríl 2024

Verslunarrekstur í dreifbýli er samfélagsverkefni

Vegamót á Bíldudal er matvöruverslun og veitingastaður. Gísli Ægir Ágústsson, ve...

„Allt of fáar messur“
Fréttir 18. apríl 2024

„Allt of fáar messur“

Tryggvi Sveinn Eyjólfsson, sem er á sautjánda aldursári, hefur vakið athygli fyr...

Íslenskar sængur um allan heim
Fréttir 18. apríl 2024

Íslenskar sængur um allan heim

Íslenskur dúnn ehf. selur æðardúnsængur beint til viðskiptavina um heim allan. Þ...

Vörðust ásælni ríkisins í jarðareign
Fréttir 17. apríl 2024

Vörðust ásælni ríkisins í jarðareign

Kristín Lárusdóttir og Guðbrandur Magnússon, bændur að Syðri- Fljótum í Meðallan...

Breyttar reglur um flutning líflamba
Fréttir 17. apríl 2024

Breyttar reglur um flutning líflamba

Verklagsreglur hafa verið endurskoðaðar um flutning á lömbum með verndandi eða m...

Gýgjarhólskot ræktunarbú ársins
Fréttir 16. apríl 2024

Gýgjarhólskot ræktunarbú ársins

Á fagfundi sauðfjárræktarinnar sem haldinn var á dögunum var Gýgjarhólskot í Bis...