Vinsamlegast athugið að þetta efni er eldra en 6 ára.
Afrísk svínapest hefur ekki greinst á Íslandi enn sem komið er.
Afrísk svínapest hefur ekki greinst á Íslandi enn sem komið er.
Fréttir 6. mars 2019

Ekki tekist að hefta útbreiðslu afrískrar svínapestar í Evrópu

Höfundur: Vilmundur Hansen

Miklar varúðarráðstafanir eru viðhafðar í Evrópu um þessar mundir til að hefta útbreiðslu afrískrar svínapestar. Þrátt fyrir að ástandið hafi verið nokkuð stöðugt undafarið var tilkynnt um ný og viðvarandi tilfelli í átta löndum í Evrópu nýverið og tveimur í Asíu.

Í heimasíðu Matvælastofnunnar er minnt á að enn hafi ekki tekist að hefta útbreiðslu afrískrar svínapestar í Evrópu, Asíu og Afríku. Auk þess sem Alþjóða dýraheilbrigðisstofnunin hvetur ferðafólk, bændur, veiðimenn, tollverði og fleiri til að gæta árvekni og smitvarna.

Afrísk svínapest er bráðsmitandi drepsótt í svínum, sem getur meðal annars borist með sýktum svínum og sæði, hráu kjöti af sýktum dýrum, farartækjum, búnaði og fatnaði.

Veiran sem veldur sjúkdómnum er ekki hættuleg fyrir fólk eða önnur dýr en veldur svínum þjáningum og tjón svínabænda þar sem sjúkdómurinn kemur upp er gífurlegt.

Miklar varúðarráðstafanir eru viðhafðar í Evrópu til að hefta útbreiðsluna og þar hefur ástandið verið nokkuð stöðugt. Þó var tilkynnt um ný og viðvarandi tilfelli í átta löndum í Evrópu, Belgíu, Ungverjalandi, Búlgaríu, Lettlandi, Moldavíu, Póllandi, Rúmeníu og Úkraínu, frá 1.-14. febrúar. Á sama tímabili bárust tilkynningar um sjúkdóminn frá tveimur stöðum í Asíu, Kína og Mongólíu, og einum í Afríku, Zimbabwe. Sjá hér: African Swine Fever (ASF) - Report N° 10: February 1 - 14, 2019

Alþjóða dýraheilbrigðisstofnunin hefur hafið auglýsingaherferð til að upplýsa fólk um smitleiðir og áminna það um að gæta smitvarna. Skilboðin eru eftirfarandi:


• Ferðafólki er bent á að flytja ekki með sér lifandi svín né svínaafurðir og heimsækja ekki svínabú að nauðsynjalausu.


• Bændur eru hvattir til að viðhafa ýtrustu smitvarnir, sem fela í sér þrjá megin þætti: Aðskilnað, þrif og sótthreinsun. Þeir þurfa að halda aðskilnaði milli þess sem er utandyra og innanhúss, gæta þess að smit berist ekki í fóður og vatn, hafa stranga stjórn á aðgangi og umgangi gesta og starfsfólks á búinu og halda svínum sem koma ný inn á búið aðskildum frá þeim sem fyrir eru. Allt sem fer inn á búið og út af því skal þrifið þannig að öll sjáanleg óhreinindi séu fjarlægð og síðan sótthreinsað. Jafnframt eru bændur minntir á að fóðra ekki svínin með matarúrgangi.


• Veiðimenn sem eru reglulega í snertingu við svín ættu ekki að stunda veiðar á villtum svínum. En tilmæli til þeirra sem fara á veiðar eru m.a. að þrífa og sótthreinsa tæki á staðnum, fara ekki á svínabú að nauðsynjalausu og deila ekki matvælum sem framleidd eru úr kjöti af veiddum dýrum með öðrum né fóðra dýr með þeim.


• Tollverðir eru beðnir um að kynna sér í hvaða löndum afríska svínapestin er til staðar hverju sinni og að vera sérstaklega vel á verði fyrir því hvort fólk komi með matvæli frá þessum löndum. Öllum vörum sem geta innihaldið smitefnið skal fargað á viðeigandi hátt.


Hver sem verður var við einkenni í dýrum sem geta bent til alvarlegra smitandi sjúkdóma, þar á meðal afrískrar svínapestar, skulu án tafar hafa samband við dýralækni eða Matvælastofnun.

 

Ítarefni
Til áminningar fyrir ferðafólk
Veggspjald
 

Til áminningar fyrir bændur
Veggspjald 1
Veggspjald 2
 

Til áminningar fyrir veiðimenn
Veggspjald
 


Til áminningar fyrir tollverði
Veggspjald

 

 

Tíu birkiskógar skuli njóta verndar
Fréttir 4. júlí 2025

Tíu birkiskógar skuli njóta verndar

Land og skógur hefur gefið út fyrstu skrána um sérstæða eða vistfræðilega mikilv...

Súlur 2025 komnar út
Fréttir 4. júlí 2025

Súlur 2025 komnar út

Tímaritið Súlur kom út á dögunum. Súlur er ársrit Sögufélags Eyfirðinga og hefur...

Metfjöldi gesta á Skógardeginum mikla
Fréttir 4. júlí 2025

Metfjöldi gesta á Skógardeginum mikla

Nýr Íslandsmeistari í skógarhöggi og fleiri keppnisgreinum var krýndur í Hallorm...

Útvarp Bændablaðið: Samruni Arla og DMK gefur möguleika á gríðarlegri hagræðingu
Fréttir 4. júlí 2025

Útvarp Bændablaðið: Samruni Arla og DMK gefur möguleika á gríðarlegri hagræðingu

„Kannski sýnir þessi samruni hversu gríðarlega stærðarhagkvæmni er í söfnun og v...

40 þúsund notendur í 24 löndum
Fréttir 4. júlí 2025

40 þúsund notendur í 24 löndum

Smáforritið HorseDay fagnaði þriggja ára afmæli í síðasta mánuði en forritið hef...

Búgreinar misháðar loftslagsbreytingum
Fréttir 4. júlí 2025

Búgreinar misháðar loftslagsbreytingum

Hitabylgjan hér á landi í maí hefði ekki orðið jafnmikil og raun bar vitni nema ...

Ný stefna um líffræðilega fjölbreytni
Fréttir 3. júlí 2025

Ný stefna um líffræðilega fjölbreytni

Í Samráðsgátt stjórnvalda eru nú til umsagnar drög að stefnu um líffræðilega fjö...

Hættir með Klausturkaffi í árslok
Fréttir 3. júlí 2025

Hættir með Klausturkaffi í árslok

Veitingahúsið Klausturkaffi í Skriðuklaustri í Fljótsdal fagnar 25 ára afmæli í ...