Vinsamlegast athugið að þetta efni er eldra en 6 mánaða.
Rúllubaggaplast á athafnasvæði Pure North í Hveragerði. Tilgangur samstarfsins er að auka innlenda endurvinnslu sem mun leiða af sér innlenda verðmætasköpun, aukna nýsköpun og minni umhverfisáhrif vegna úrgangsmeðhöndlunar.
Rúllubaggaplast á athafnasvæði Pure North í Hveragerði. Tilgangur samstarfsins er að auka innlenda endurvinnslu sem mun leiða af sér innlenda verðmætasköpun, aukna nýsköpun og minni umhverfisáhrif vegna úrgangsmeðhöndlunar.
Mynd / HKr.
Fréttir 7. júlí 2021

Efla samstarf um úrgangsstjórnun og ráðstöfun endurvinnsluefna

Höfundur: Erla Hjördís Gunnarsdóttir

Samstarfssamningur hefur verið undirritaður milli Pure North Recycling, Bændasamtakanna og nokkurra sveitarfélaga um innlenda endurvinnslu á heyrúllu­plasti.

Verkefninu er ætlað að miðla upplýsingum, þekkingu og reynslu til að hraða framgangi innlendrar endurvinnslu en um er að ræða nýjar lausnir og nálgun í úrgangsstjórnun sveitarfélaga.

Samstarfið hefur þann tilgang að auka innlenda endurvinnslu sem mun leiða af sér innlenda verðmætasköpun, aukna nýsköpun og minni umhverfisáhrif vegna úrgangsmeðhöndlunar. Samstarfið er mikilvægt innlegg í uppbyggingu hringrásarhagkerfisins á Íslandi. Samningurinn er til 5 ára og á þeim tíma verður stefnt að því að það plast sem falli til í innlendum landbúnaði nýtist í vöruframleiðslu fyrir innlendan landbúnað, úrgangur verður að afurð, aftur og aftur.

Samstarfsaðilar verkefnisins leggja mikla áherslu á að ná betri árangri í úrgangsmálum og mun þetta sam­starf styðja við markmið þeirra um endurvinnslu og endurnýtingu úrgangs auk markmiða um minni losun gróðurhúsalofttegunda.

Sigurður Halldórsson, framkvæmdastjóri Pure North, Áslaug Hulda Jónsdóttir frá Pure North, Aldís Hafsteinsdóttir, bæjarstjóri Hveragerðis og formaður Sambands íslenskra sveitarfélaga og Vigdís Häsler, framkvæmdastjóri Bændasamtakanna.

Samfélagsleg ábyrgð í verki

„Það er fagnaðarefni að sveitar­félög sýni frumkvæði og axli meiri ábyrgð á sínum úrgangsmálum,“ segir Aldís Hafsteinsdóttir, bæjar­stjóri í Hveragerði og formaður Sambands íslenskra sveitarfélaga.

„Nú þegar höfum við átt gott samstarf við sveitarfélög, bændur og fyrirtæki í landinu, sem hafa sýnt frumkvæði um söfnun og bætta umgengni á plastefnum. Hugmyndin með samstarfinu er að einfalda og auðvelda aðgengi að innlendri endurvinnslu,“ segir Sigurður Halldórsson, framkvæmdastjóri Pure North Recycling. Fyrirtækið hefur endurunnið plast síðastliðin sex ár í Hveragerði og stefnir í átt að uppbyggingu hringrásarhag­kerfisins með framleiðslu á vörum úr endurunnu plasti.

„Eitt af þeim markmiðum sem bændur hafa sett sér og sem fjallað er um í Umhverfisstefnu landbúnaðarins sem samþykkt var á Búnaðarþingi 2020, er að færa allt plast sem til fellur í landbúnaði og þá sérstaklega heyrúlluplastið, til endurvinnslu.

Losun vegna framleiðslu og flutnings aðfanga á borð við áburð, kjarnfóður og rúlluplast er áætluð um 100.000 CO2 ígilda á ári.

Tækifærin eru því mikil fyrir bændur til að draga úr losun gróðurhúsalofttegunda og er þetta eitt stórt jákvætt skref í þá áttina,“ segir Gunnar Þorgeirsson, formaður Bænda­samtaka Íslands.

Markmið um að 12 mánaða börn fái leikskólapláss í Sveitarfélaginu Skagafirði
Fréttir 21. janúar 2022

Markmið um að 12 mánaða börn fái leikskólapláss í Sveitarfélaginu Skagafirði

Sveitarfélagið Skagafjörður hefur um nokkurt skeið unnið að því að koma til móts...

Gat á sjókví í Reyðarfirði
Fréttir 21. janúar 2022

Gat á sjókví í Reyðarfirði

Matvælastofnun barst tilkynning frá Löxum Fiskeldi fimmtudaginn 20. janúar um ga...

Skoða alla möguleika til að mæta mikilli eftirspurn eftir lóðum
Fréttir 20. janúar 2022

Skoða alla möguleika til að mæta mikilli eftirspurn eftir lóðum

„Við erum hvergi nærri hætt með okkar uppbyggingu, en stefnan er að íbúar í svei...

„Fyrir okkur öll“ er nýtt slagorð Rangárþings ytra
Fréttir 19. janúar 2022

„Fyrir okkur öll“ er nýtt slagorð Rangárþings ytra

Rangárþing ytra efndi nýlega til slagorðakeppnis um slagorð fyrir sveitarfélagið...

Mikilvægt skref í uppbyggingu Akureyrarflugvallar
Fréttir 19. janúar 2022

Mikilvægt skref í uppbyggingu Akureyrarflugvallar

Samningur um smíði á 1.100 fermetra viðbyggingu við Flug­stöðina á Akureyri var ...

Byggðasaga Skagafjarðar tók 26 ár í vinnslu og í verkið fóru um 50 starfsár
Fréttir 19. janúar 2022

Byggðasaga Skagafjarðar tók 26 ár í vinnslu og í verkið fóru um 50 starfsár

Hjalti Pálsson frá Hofi, ritstjóri og aðalhöfundur Byggðasögu Skagafjarðar, skil...

Vinna hefst við gerð reglna um raforkuöryggi
Fréttir 19. janúar 2022

Vinna hefst við gerð reglna um raforkuöryggi

Umhverfis-, orku- og loftslagsráðherra, hefur skipað starfshóp um raforkuöryggi....

Ný reglugerð um velferð alifugla
Fréttir 19. janúar 2022

Ný reglugerð um velferð alifugla

Sjávarútvegs- og landbúnaðarráðherra hefur undirritað reglugerð um velferð alifu...