Vinsamlegast athugið að þetta efni er eldra en 6 ára.
D-vítamínríkir sveppir og móttaka ferðamanna
Líf og starf 6. september 2016

D-vítamínríkir sveppir og móttaka ferðamanna

Höfundur: Vilmundur Hansen

Eftirspurn eftir sveppum hefur aukist gríðarlega undanfarin ár og innlend framleiðsla sinnir ekki eftirspurn yfir háannatímann. Flúðasveppir eru að prófa sig áfram með nýja gerð af sveppum sem kallast kastaníusveppir og eru fimm sinnum D-vítamínríkari en hefðbundnir sveppir. Fyrirtækið hyggst einnig hasla sér völl við móttöku á ferðamönnum.

Georg Ottósson, eigandi Flúða­sveppa, segir að sala á sveppum gangi vel og að hún hafi aukist talsvert með auknum fjölda ferðamanna til landsins. „Nú er svo komið að yfir mesta ferðamannatímann er langt frá því að við náum að anna eftirspurn. Við finnum aukninguna meðal annars í aukinni sölu til veitingahúsa og svo kaupa túristarnir líka talsvert af sveppum í verslunum.

Það sem er helst nýtt í framleiðsluferlinu hjá okkur er að við erum að bjóðum niðursneidda sveppi fyrir veitingahús og þá mest pitsustaði og í neytendaumbúðum fyrir fólk sem vill spara sér þá vinnu að skera sveppina niður.“

Samdráttur vegna nýrrar tækni

Að sögn Georgs hefur fyrirtækið verið að prófa sig áfram með nýja tækni sem tengist framleiðslunni á rotmassanum sem sveppirnir vaxa í.

„Við byggðum nýtt hús undir framleiðsluna fyrir tveimur árum en erum fyrst núna að ná almennilegum tökum á henni. Ræktunin dróst saman um tíma vegna þessa og það var mikill höfuðverkur hjá mér um tíma, en þar sem ég get verið fjári þrjóskur var ekki inni í myndinni að gefast upp. Málinu lyktaði þannig að ég leitaði mér ráðgjafar í Hollandi og eftir það náðum við tökum á framleiðslunni.

Kosturinn við nýju framleiðsluaðferðina er að hún er mun umhverfisvænni en sú sem við notuðum áður. Allt vatn sem notað er í ferlinu er til dæmis betur nýtt vegna endurvinnslu.

Uppistaðan í rotmassanum er hálmur sem við vinnum úr sænsku afbrigði af tröllagrasi, eða strandreyr, sem verður tveggja metra hár og við ræktum sjálfir.“

Sveppir sem D-vítamíngjafi

Önnur nýjung hjá Flúðasveppum á sögn Georgs er ræktun á svokölluðum kastaníusveppum sem innihalda fimm til sex sinnum meira af D-vítamíni en aðrir sveppir á markaði. D-vítamínmagnið í sveppunum er aukið með því að lýsa þá með útfjólubláum geislum á ákveðnum tíma í ræktuninni.

Aðferðin til að auka D-vítamín magnið í sveppunum uppgötvaðist fyrir nokkrum árum við rannsóknir á sveppum í Bandaríkjunum og eru Flúðasveppir einn fyrsti sveppaframleiðandinn í Skandinavíu til að setja slíka sveppi á markað.

„Framleiðsla er enn á frumstigi en ekki er annað að sjá en markaðurinn taki vel á móti þessum sveppum.“
Hefur hug á að taka á móti ferðamönnum

Georg segir að eitt af því sem hann hafi í huga að gera á næsta ári sé að opna Flúðasveppi fyrir túrista.
„Hingað til hef ég neitað að taka á móti hópum af erlendum ferðamönnum í stöðina.

Ég hef aftur á móti tekið á móti íslenskum hópum og kynnt þeim fyrirtækið og framleiðsluna. Fjölgun ferðamanna á landinu er svo gríðarleg að það er nánast óhjákvæmilegt annað en að skoða þá möguleika sem slíkt býður.

Við erum ekki í nema 20 kílómetra fjarlægð frá Gullfossi og Geysi og það eru margir áhugasamir um að koma með hópa hingað. Hér er húsnæði sem hægt er að breyta í móttökusal þar sem hægt er að taka á móti hópum og bjóða þeim upp á bestu sveppasúpu í Evrópu og vonandi í heiminum,“ segir Georg og hlær.

„Hugmyndin er samhliða því að vera með fræðslu um framleiðsluna og hvað sé hægt að matreiða úr sveppum, svo dæmi sé tekið.

Mér dettur í hug að samhliða sé hægt að vera með nokkrar folalds­merar í girðingu sem fólk getur fengið að skoða og klappa.

Hugmyndin er reyndar enn á frumstigi og hún á því eftir að þroskast og þróast. Það er vöntun á afþreyingu hér og þetta er ekki galnari hugmynd en hver önnur segir Georg Ottósson hjá Flúðasveppum.
 

Skylt efni: Flúðasveppir

Framleiðsla á krefjandi tímum
Fréttir 6. desember 2022

Framleiðsla á krefjandi tímum

Fyrir skemmstu komu tveir fulltrúar frá landbúnaðartækjaframleiðandanum Kuhn í h...

Samvinna möguleg
Fréttir 6. desember 2022

Samvinna möguleg

Á Matvælaþingi matvælaráðuneytisins í Hörpu 22. nóvember flutti gestafyrirlesari...

Gúrkuútflutningur hefur fest sig í sessi
Fréttir 6. desember 2022

Gúrkuútflutningur hefur fest sig í sessi

Útflutningur á íslenskum gúrkum til Grænlands og Færeyja virðist hafa fest sig í...

Notkun á„lambatöflum“ mjög algeng á Íslandi
Fréttir 5. desember 2022

Notkun á„lambatöflum“ mjög algeng á Íslandi

Þrír starfsmenn Matvælastofnunar vekja athygli á nýjum lögum um dýralyf, í grein...

Fögur framtíðarsýn
Fréttir 5. desember 2022

Fögur framtíðarsýn

Svandís Svavarsdóttir matvæla­ráðherra kynnti á Matvælaþinginu drög að matvælast...

Þreifingar hafnar um útflutning
Fréttir 5. desember 2022

Þreifingar hafnar um útflutning

Mjólkurvinnslan Arna í Bolungarvík hóf nýlega framleiðslu á hafrajógúrt og hafra...

Meiri uppskera af gulrótum og kartöflum en minna af rauðkáli
Fréttir 2. desember 2022

Meiri uppskera af gulrótum og kartöflum en minna af rauðkáli

Samkvæmt nýjum uppskerutölum frá garðyrkjubændum í útiræktun grænmetis, varð tal...

Örvar nýr fjármálastjóri Bændasamtaka Íslands
Fréttir 2. desember 2022

Örvar nýr fjármálastjóri Bændasamtaka Íslands