Vinsamlegast athugið að þetta efni er eldra en 7 ára.
Á síðasta ári var yfirskrift ráðstefnu á vegum Matvælalandsins Íslands: Vöxtur í ferðaþjónustu – er maturinn tilbúinn?
Á síðasta ári var yfirskrift ráðstefnu á vegum Matvælalandsins Íslands: Vöxtur í ferðaþjónustu – er maturinn tilbúinn?
Mynd / HKr.
Fréttir 13. maí 2015

Boðið til ráðstefnu um útflutning matvæla og verðmætasköpun í matvælageiranum

Höfundur: Ragnheiður Héðinsdóttir forstöðumaður matvælasviðs Samtaka iðnaðarins
Samstarfsvettvangur um Matvælalandið Ísland býður til opinnar ráðstefnu um tækifæri í útflutningi matvæla fimmtudaginn 21. maí á Hótel Sögu kl. 12–16. Að samstarfinu standa atvinnuvega- og nýsköpunarráðuneytið, Bændasamtök Íslands, Íslandsstofa, Matís, Samtök ferðaþjónustunnar,  Samtök fyrirtækja í sjávarútvegi, Samtök iðnaðarins og fyrirtæki í þessum samtökum. Yfirskrift ráðstefnunnar er: Útflutningur – til mikils að vinna. 
 
Sami hópur hefur áður staðið fyrir tveimur fjölsóttum og vel heppnuðum ráðstefnum. Árið 2013 stóð samstarfshópurinn fyrir ráðstefnunni Matvælalandið Ísland – fjársjóður framtíðar þar sem fjallað var almennt um þau tækifæri sem felast í aukinni framleiðslu og sölu á matvælum. Á síðasta ári var yfirskrift ráðstefnunnar Vöxtur í ferðaþjónustu – er maturinn tilbúinn? og áhersla lögð á matartengda ferðaþjónustu og sölu íslenskra matvæla til erlendra ferðamanna hér á landi. 
 
Útflutningur íslenskra matvæla
 
Íslendingar hafa framleitt og flutt út matvæli – einkum fisk – í margar aldir og skapað sér þannig lífsviðurværi og aukin lífsgæði. Í dag skipta gjaldeyristekjur sem byggja á hráefnisauðlindum lands og sjávar enn gífurlega miklu máli fyrir lífsgæði Íslendinga. Verðmæti útfluttra matvæla árið 2013 var tæplega 300 milljarðar króna sem vegur þungt í heildargjaldeyrisöflun Íslendinga. Til viðbótar má nefna að kortavelta erlendra ferðamanna af veitingaþjónustu árið 2014 var 12,2 milljarðar króna, en það er aðeins hluti af matvælatengdum tekjum  sem hljótast af erlendum ferðamönnum. 
 
Útflutningur – til mikils að vinna
 
Ráðstefnunni er ætlað að vekja athygli á tækifærum til aukinnar verðmætasköpunar í matvælageiranum með útflutningi, miðla reynslu og hvetja þannig fleiri til að vinna með markvissum hætti að því að sækja á erlendan markað með matvælaafurðir.
 
Efni ráðstefnunnar er tvískipt. Í fyrri hluta fjalla sérfræðingar um þá vinnu sem þarf að inna af hendi áður en ráðist er í útflutning. Guðný Káradóttir hjá Íslandsstofu fjallar um mikilvægi þess að marka sér skýra stefnu áður en haldið er af stað og framfylgja henni. Jón Georg Aðalsteinsson hefur rekið umboðsfyrirtæki fyrir íslenskar vörur á meginlandi Evrópu um árabil og þekkir vel þær kröfur sem erlendir kaupendur gera. Hann mun miðla af þeirri reynslu sinni. Hrönn Jörundsdóttir og Arnljótur Bjarki Bergsson hjá Matís hafa víðtæka reynslu við að meta gæði matvæla og rannsaka umhverfisaðstæður ásamt því að aðstoða fyrirtæki við vöruþróun og nýsköpun fyrir innlenda og erlenda markaði. Þau munu fjalla um þetta efni í sínu erindi.
Í síðari hluta ráðstefnunnar koma nokkur fyrirtæki úr ólíkum greinum, sem náð hafa árangri á erlendum mörkuðum, og miðla af reynslu sinni af útflutningi matvæla, hindrunum sem þarf að yfirstíga og lykilárangursþáttum. 
 
Sigurður Ingi Jóhannsson, sjávarútvegs- og landbúnaðarráðherra setur ráðstefnuna en Guðrún Hafsteinsdóttir, formaður Samtaka iðnaðarins flytur samantekt í lokin. Fundarstjóri er Alda Gylfadóttir, framkvæmdastjóri Einhamar Seafood. 
 
Hagnaðurinn 67,1 milljón króna á síðasta ári
Fréttir 20. mars 2023

Hagnaðurinn 67,1 milljón króna á síðasta ári

Aðalfundur ÍSTEX var haldinn í kjölfar búgreinaþings deildar sauðfjárbænda og að...

Sjaldan launar kálfurinn kjöteldið
Fréttir 17. mars 2023

Sjaldan launar kálfurinn kjöteldið

Á nýafstöðnu búgreinaþingi samþykkti deild nautgripabænda ályktun þar sem bent e...

Tryggja þarf að gripir með verndandi arfgerðir verði ekki skornir niður
Fréttir 17. mars 2023

Tryggja þarf að gripir með verndandi arfgerðir verði ekki skornir niður

Búgreinadeild sauðfjárbænda hjá Bændasamtökum Íslands samþykkti tillögu á nýliðn...

Fagþing sauðfjárræktarinnar
Fréttir 17. mars 2023

Fagþing sauðfjárræktarinnar

Fagþing sauðfjárræktarinnar 2023 verður haldið í Ásgarði á Hvanneyri fimmtudagin...

Sauðfjárbændur vilja fjölga ullarflokkum
Fréttir 16. mars 2023

Sauðfjárbændur vilja fjölga ullarflokkum

Á búgreinaþingi deildar sauðfjárbænda á dögunum var tillaga samþykkt þar sem því...

Niðurfelling gripagreiðslna á mjólkurkýr
Fréttir 16. mars 2023

Niðurfelling gripagreiðslna á mjólkurkýr

Nautgripabændur vilja greiðslur fyrir framleiðslutengda liði mjólkur. Í ályktun ...

Jarfi frá Helgavatni besta nautið
Fréttir 16. mars 2023

Jarfi frá Helgavatni besta nautið

Jarfi 16016 frá Helgavatni í Þverárhlíð í Borgarfirði hlaut nafnbótina besta nau...

Kalla eftir breytingum á varnarhólfum
Fréttir 15. mars 2023

Kalla eftir breytingum á varnarhólfum

Á þingi búgreinadeildar sauðfjárbænda hjá BÍ var samþykkt sú tillaga að stjórn d...