Vinsamlegast athugið að þetta efni er eldra en 6 ára.
Aðalfundur MS: Bændur fá greitt fullt afurðastöðvaverð út árið 2016
Fréttir 5. mars 2015

Aðalfundur MS: Bændur fá greitt fullt afurðastöðvaverð út árið 2016

Höfundur: smh

Hagnaður Mjólkursamsölunnar (MS) fyrir skatta nam 322 milljónum króna á síðasta ári og er 114 milljónum meiri en á árinu 2013. Er betri afkoma skýrð með aukinni starfsemi á erlendri grundu. Bændum verður greitt fullt afurðastöðvaverð fyrir alla mjólk út árið 2016.

Þetta kemur fram í tilkynningu frá MS. Þó hafa engar hækkanir orðið á heildsöluverði í eitt og hálft ár. Betri afkoma á erlendum mörkuðum helgast af viðskiptum með skyr og af leyfisgjöldum frá fyrirtækjum sem framleiðs skyr með leyfissamningum. Afkoman af rekstri fyrir afskriftir og fjármagnskostnað árið 2014 var  1.148 milljónir króna og batnaði um 370 milljónir króna milli ára.

Í tilkynningunni er haft eftir Einari Sigurðssyni, forstjóra MS, að þessi góða afkoma fyrirtækisins sé ekki hátt hlutfall af 24,5 milljarða króna veltu fyrirtækisins. „Þetta endurspeglar  sérstaka stöðu Mjólkursamsölunnar.  Fyrirtækið verðleggur ekki eigin afurðir.  Það er ekki stefna fyrirtækisins að hámarka hagnað í starfseminni heldur lágmarka kostnað og skila ábata af árangri í rekstrinum til neytenda og til bænda í gegnum verðlag á hráefni og afurðum.  Á undanförnum áratug hefur hagræðing í mjólkuriðnaði verið um 3 milljarðar króna á ársgrunni.  Fyrir vikið hefur verið hægt að hækka hráefnisverð til bænda töluvert umfram neysluvísitölu án þess að það skilaði sér út í verðlagið nema að hluta. Afurðaverð á markaði hefur hækkað minna en nemur almennum verðlagshækkunum og engin hækkun hefur orðið á heildsöluverði mjólkurafurða í eitt og hálft ár,“ segir Einar.

Í tilkynningunni kemur fram að á aðalfundi Mjólkursamsölunnar í dag hafi Egill Sigurðsson, kúabóndi á Berustöðum og stjórnarformaður fyrirtækisins, greint frá því að tekin hefði verið ákvörðun um að greiða bændum fullt afurðastöðvaverð fyrir alla mjólk út gildistíma búvörusamninga í árslok 2016.

„Mjólkursamsalan gegnir lykilhlutverki í birgðastýringu mjólkurframleiðslu í landinu.  Aukin eftirspurn eftir fituríkari afurðum frá 2011 nemur framleiðslu 150 kúabúa.  Slíkum vexti er afar erfitt að mæta þegar haft er í huga að það tekur 3 ár að ala upp gripi til mjólkurframleiðslu.  Það er líka rétt að hafa hugfast að eftirspurn eftir próteinhluta mjólkurinnar er mun minni en eftir fituhlutanum.  Það hefur því þyngt rekstur Mjólkursamsölunnar að yfirborga hluta framleiðslunnar  til að skapa bændum hvata til að framleiða meira og tryggja nægjanlegt framboð.

Á undanförnum fimm árum hefur Mjólkursamsalan byggt upp skyrmarkað erlendis í samstarfi við erlenda framleiðendur og með eigin útflutningi. Gert er ráð fyrir að árið 2015 verði veltan á þessum skyrmarkaði, sem gefur Mjólkursamsölunni hagnaðarhlut, um 9 milljarðar króna.  Það samsvarar ríflega 40% af heildarveltu fyrirtækisins á Íslandi.“

Skylt efni: Mjólkursamsalan

Markmið um að 12 mánaða börn fái leikskólapláss í Sveitarfélaginu Skagafirði
Fréttir 21. janúar 2022

Markmið um að 12 mánaða börn fái leikskólapláss í Sveitarfélaginu Skagafirði

Sveitarfélagið Skagafjörður hefur um nokkurt skeið unnið að því að koma til móts...

Gat á sjókví í Reyðarfirði
Fréttir 21. janúar 2022

Gat á sjókví í Reyðarfirði

Matvælastofnun barst tilkynning frá Löxum Fiskeldi fimmtudaginn 20. janúar um ga...

Skoða alla möguleika til að mæta mikilli eftirspurn eftir lóðum
Fréttir 20. janúar 2022

Skoða alla möguleika til að mæta mikilli eftirspurn eftir lóðum

„Við erum hvergi nærri hætt með okkar uppbyggingu, en stefnan er að íbúar í svei...

„Fyrir okkur öll“ er nýtt slagorð Rangárþings ytra
Fréttir 19. janúar 2022

„Fyrir okkur öll“ er nýtt slagorð Rangárþings ytra

Rangárþing ytra efndi nýlega til slagorðakeppnis um slagorð fyrir sveitarfélagið...

Mikilvægt skref í uppbyggingu Akureyrarflugvallar
Fréttir 19. janúar 2022

Mikilvægt skref í uppbyggingu Akureyrarflugvallar

Samningur um smíði á 1.100 fermetra viðbyggingu við Flug­stöðina á Akureyri var ...

Byggðasaga Skagafjarðar tók 26 ár í vinnslu og í verkið fóru um 50 starfsár
Fréttir 19. janúar 2022

Byggðasaga Skagafjarðar tók 26 ár í vinnslu og í verkið fóru um 50 starfsár

Hjalti Pálsson frá Hofi, ritstjóri og aðalhöfundur Byggðasögu Skagafjarðar, skil...

Vinna hefst við gerð reglna um raforkuöryggi
Fréttir 19. janúar 2022

Vinna hefst við gerð reglna um raforkuöryggi

Umhverfis-, orku- og loftslagsráðherra, hefur skipað starfshóp um raforkuöryggi....

Ný reglugerð um velferð alifugla
Fréttir 19. janúar 2022

Ný reglugerð um velferð alifugla

Sjávarútvegs- og landbúnaðarráðherra hefur undirritað reglugerð um velferð alifu...