Vinsamlegast athugið að þetta efni er eldra en 11 mánaða.
Teistuungi skoðaður í Náttúrubarnaskólanum sem er hluti af safnfræðslu Sauðfjárseturs á Ströndum.
Teistuungi skoðaður í Náttúrubarnaskólanum sem er hluti af safnfræðslu Sauðfjárseturs á Ströndum.
Mynd / Sauðfjársetrið á Ströndum
Menning 3. apríl 2023

Safnastarf á vorin

Höfundur: Dagrún Ósk Jónsdóttir, verkefnastjóri Félags íslenskra safna og safnmanna (FÍSOS).

Nú styttist óðum í vorið, eða það finnst mér að minnsta kosti. Þó að enn þá sé kalt er daginn farið að lengja svo um munar. Þá styttist svo líka fljótlega í sumarið.

Nú er nóg um að vera á söfnum landsins. Á Íslandi má finna gífurlega fjölbreytt, ólík og áhugaverð söfn um allt land. Í safnaflórunni má finna náttúruminja-, lista- og minjasöfn. Sum safnanna eru opin gestum allt árið um kring, en önnur hafa ákveðinn opnunartíma yfir sumarmánuðina. Engu að síður er yfirleitt nóg um að vera í safnastarfinu, jafnvel þótt formlegur opnunartími sé ekki hafinn.

Þó sýnilegasta hlutverk safna sé að taka á móti gestum, er líka heilmikill hluti safnastarfs sem fram bak við tjöldin. Söfn þurfa auðvitað að safna munum og minningum, svo þarf líka að skrá og varðveita það fyrir framtíðina og komandi kynslóðir, en það er vandasamt verk sem krefst mikillar nákvæmni.

Á söfnum eru líka unnar fjölbreyttar rannsóknir á safngripum og í tengslum við sýningar og niðurstöðum þeirra svo miðlað til gesta.

Söfn taka einnig mörg hver á móti skólahópum úr nágrenni sínu bæði um vor og haust. Undanfarin ár hefur verið lögð aukin áhersla á nám sem fer fram utan við kennslustofuna, þar sem nemendur byggja upp þekkingu í gegnum reynslu og upplifanir. Þetta má til dæmis gera með því að heimsækja listasöfn og fá þá að sjá listaverkin og jafnvel prófa ólíkar aðferðir við listsköpun til að þjálfa sköpunargleðina, sitja í baðstofunni og kemba ull þegar rætt er um 19. öldina og fræðast um umhverfismál og dýralíf á náttúruminjasöfnum. Það er skemmtilegt uppbrot að heimsækja söfn í skólastarfinu og víða um land hafa verið unnin skemmtileg samvinnuverkefni skóla og safna sem byggja á sköpun, þverfaglegum nálgunum og þemavinnu.

Það er líka skemmtilegt fyrir fjölskyldur að fara saman á söfn, gera spennandi uppgötvanir og sjá nýja hluti. Mörg söfn standa reglulega fyrir fróðlegum og skemmtilegum viðburðum sem gaman er að taka þátt í og fræðsla og leikur fléttast saman.

Skylt efni: söfnin í landinu

Mannlíf á Búnaðarþingi
Líf og starf 25. mars 2024

Mannlíf á Búnaðarþingi

Æðsta samkoma Bændasamtaka Íslands er Búnaðarþing. Í ár stóð það yfir frá fimmtu...

Stjörnuspá 21. mars - 11.  apríl
Líf og starf 21. mars 2024

Stjörnuspá 21. mars - 11. apríl

Vatnsberinn hefur lengi verið að velta því fyrir sér að flytja sig um set og jaf...

Félagsskapur eldri borgara
Líf og starf 19. mars 2024

Félagsskapur eldri borgara

Stofnfundur Félags eldri borgara í Hvalfjarðarsveit var haldinn sunnudaginn 11. ...

Áframhaldandi búseta talin möguleg
Líf og starf 13. mars 2024

Áframhaldandi búseta talin möguleg

Við Langanesströnd sem liggur að botni Bakkaflóa stendur Bakkafjörður ásamt bæði...

Kirkjugarðsklúbburinn
Líf og starf 12. mars 2024

Kirkjugarðsklúbburinn

Halaleikhópurinn víðfrægi tók að sér verkið Kirkjugarðsklúbbinn eftir Ivan Mench...

Bændamótmæli á Íslandi?
Líf og starf 11. mars 2024

Bændamótmæli á Íslandi?

Mótmæli bænda í Evrópu hafa verið í fréttum undanfarin misseri þar sem þeir vald...

Stjörnuspá 7. mars - 21. mars
Líf og starf 8. mars 2024

Stjörnuspá 7. mars - 21. mars

Vatnsberinn hefur alla burði til þess að koma í framkvæmd þeim hugmyndum sem eru...

Lundi
Líf og starf 6. mars 2024

Lundi

Lundi er algengasti fuglinn okkar og jafnframt einn af okkar einkennisfuglum. Ha...