Þriggja daga Náttúrubarnahátíð fyrir fjölskylduna fer fram öll sumur. Hún einkennist af útivist, fróðleik og skemmtun.
Þriggja daga Náttúrubarnahátíð fyrir fjölskylduna fer fram öll sumur. Hún einkennist af útivist, fróðleik og skemmtun.
Líf og starf 14. nóvember 2022

Safn og menningarmiðstöð

Höfundur: Ester Sigfúsdóttir.

Sauðfjársetur á Ströndum er safn og menningarmiðstöð sem hefur nú verið starfandi í 20 ár. Um er að ræða sjálfseignarstofnun sem starfar í þágu samfélagsins. Höfuðstöðvarnar eru í félags- heimilinu Sævangi, 12 km sunnan við Hólmavík.

Starfsemin hefur gengið vel í sumar og gestafjöldi er í takt við það sem best gerðist fyrir Covid. Flestir koma á stórhátíðir eins og Íslandsmótið í hrútadómum, Náttúrubarnahátíðina og Sviðaveislu að hausti. Safnið var opið daglega frá því seint í maí fram yfir miðjan september, en nú er vetrartími tekinn við og opið eftir samkomulagi og í tengslum við viðburði.

Fjórar sögu- og listsýningar eru uppi á Sauðfjársetrinu hverju sinni. Fastasýningin heitir Sauðfé og sveitafólk á Ströndum og er þar fjallað um búskapinn frá ýmsum sjónarhornum. Förufólk & flakkarar er sýning þar sem sagt er frá förufólki sem flakkaði um Ísland fyrr á öldum. Vorið 2022 var svo sett upp ný sýning sem heitir Hvítabirnir í heimsókn. Þar er fjallað um bjarndýrakomur, en þær eru ævintýralegir viðburðir sem magnaðar sögur eru sagðar um. Í kaffistofunni Kaffi Kind er svo ljósmyndasýning, Svipmyndir úr sveitinni: Úr myndaalbúmi Rósu Jónídu á Kirkjubóli.

Göngustígur liggur frá safninu út í Orrustutanga og við hann er útisýning með sögulegum fróðleik, þjóðsögum og útilistaverkum. Náttúrubarnaskólinn er svo stórmagnað hliðarverkefni við rekstur Sauðfjársetursins. Þar skoða náttúrubörnin seli, fugla, hreiður og blóm, fara í leiki, föndra og mála, búa til fuglahræður, senda flöskuskeyti og sjóða jurtaseyði.

Á hverju sumri er haldin glæsileg þriggja daga Náttúrubarnahátíð fyrir fjölskylduna. Hún einkennist af útivist, fróðleik og skemmtun. Flottir listviðburðir eru á dagskránni, sirkus, leiklist, tónlist, smiðjur og margt fleira.

Á afmælisárinu stóð Sauðfjársetur á Ströndum fyrir námskeiði um gerð minjagripa í samstarfi við Sýslið verkstöð á Hólmavík, til að efla vöruþróun og framleiðslu á svæðistengdum minjagripum. Námskeiðið byggði á fyrirlestrum og vinnustofum og var í senn fróðlegt, skemmtilegt og vel sótt. Fram undan er annað námskeið fyrir Strandafólk og nærsveitunga. Þar er fjallað um ritun endurminninga og hvar hægt sé að finna heimildir um fjölskyldusögu. Um það sjá þjóðfræðingarnir Jón Jónsson og Eiríkur Valdimarsson.

Nú í haust var Félagi eldri borgara í Strandasýslu boðið í kaffihlaðborð og var það vel sótt. Eldra Strandafólk hefur alltaf staðið þétt á bak við starfsemina og safnastarfið. Þessi velvilji skiptir miklu máli og gaman að þakka fyrir sig.

Á afmælisárinu startaði Sauðfjársetrið einnig hlaðvarpinu Sveitasíminn. Í fyrstu seríu eru sex þættir, aðgengilegir á vefsíðunni saudfjarsetur.is. Á síðustu árum hefur setrið einnig gefið út bækur og núna fyrir jólin kemur út ný bók: Myndir og minningar af Ströndum. Þar hafa yfir fjörutíu einstaklingar skrifað pistil og valið ljósmynd frá liðinni öld til að birta með.

Vonast er til að bókin komi úr prentun um mánaðamótin nóvember- desember.

Skylt efni: söfnin í landinu

  Öflugur keppinautur
Líf og starf 7. desember 2022

Öflugur keppinautur

Japanski bílaframleiðandinn sem var frumkvöðull í þróun rafmagnsbíla fyrir áratu...

Hráefnisskortur í framleiðslu jóladagatala
Líf og starf 5. desember 2022

Hráefnisskortur í framleiðslu jóladagatala

Lionsklúbburinn Freyr tilkynnti í vikunni að ekkert verði af árlegri sölu jólada...

Tuttugu og sjö ára rennsli
Líf og starf 5. desember 2022

Tuttugu og sjö ára rennsli

Í iðnaðarhverfi Hafnarfjarðar, nánar tiltekið í Dalshrauninu, má finna félagsska...

Sveitasælan sem hristi markaðinn
Líf og starf 2. desember 2022

Sveitasælan sem hristi markaðinn

Svíaríki er talið með stöðugri löndum í heiminum í dag. Ekki bara í efnahagslegu...

Heimasmíðuð leikföng, gjafa- og skrautmunir
Líf og starf 2. desember 2022

Heimasmíðuð leikföng, gjafa- og skrautmunir

Hvað er betra eða notalegra en að byrja jólaundirbúninginn á því að heimsækja jó...

Vinna með bilið milli manns og lands
Líf og starf 30. nóvember 2022

Vinna með bilið milli manns og lands

Ný námsbraut sem ber yfir­skriftina Land verður í boði í LungA skólanum á Seyðis...

Rafbók um landbúnað
Líf og starf 30. nóvember 2022

Rafbók um landbúnað

Á dögunum var gefin út rafbókin Landbúnaður liðinna tíma – búnaðarþættir úr Þing...

Lengi býr að fyrstu gerð
Líf og starf 29. nóvember 2022

Lengi býr að fyrstu gerð

Í síðustu tölublöðum Bændablaðsins hefur saga handverksbrugghúsa á Íslandi verið...