Lygileg sagngleði
Vestur gefur enginn á hættu. Á öðru borðinu voru spiluð 2grönd í suður og samningurinn lak einn niður.
Á hinu borðinu sátu Plejdrup og Lahrmann hinn ungi. Þeir spiluðu sex lauf í AV í stað þess að sitja í vörninni í 2 gröndum og unnu sitt spil, þar sem aðeins eitt útspil hefði banað samningnum, laufás.
Spilið kom upp í fjórðungsúrslitum í rimmunni um Bermúdaskálina í leik Svía og Dana.
Þar sem Plejdrup og Lahrmann höfðu völdin, opnaði vestur á laufi, pass, makker sagði spaða, suður stakk inn tveimur tíglum og vestur meldaði 2 hjörtu. Norðu meldaði nú þrjá tígla, dobl frá Larhmann, pass og nú gat vestur meldað 3 hjörtu og sýnt með því fimm hjörtu og lengra lauf. Sex til sjö stykki. Það dugði hinum tvítuga Lahrmann til að keyra í 6 lauf eftir að vestur hafði sýnt fyrstu fyrirstöðu í tígli. Nánast sannaður með eyðu í litnum eftir sagnir. Ef norður hefði fundið að spila út laufás og meira laufi væri þessi hetjusaga ekki sögð en svo fór ekki og 11 impar til Svíanna.
Lahrmann hefur vakið athygli fyrir lygilega innsýn í sögnum. Hljóta það að vera uppörvandi skilaboð til ungra spilara að hann hafi verið kominn í flokk bestu spilara heims aðeins 15 ára gamall í raun en hann stendur nú á tvítugu.
Skemmtilegt Skúlamót
Minningarmót um Skúla Sveinsson fór fram á Borgarfirði eystra á dögunum, en mótið er í hópi þeirra alskemmtilegustu að sögn aðstandenda og spilara. Þar er tilgangurinn með hittingnum ekki síður að kynnast fögru umhverfi og eiga huggulega stund saman en berjast með ásum, kóngum og öðrum spilum briddsíþróttarinnar. Úrslit tvímenningsins urðu þannig að Sigfinnur Snorrason-Sigurjón Karlsson unnu mótið. Þröstur Árnason-Björn Snorrason tóku silfrið en Vigfús Vigfússon-Jóhanna Gísladóttir silfrið.
