Vinsamlegast athugið að þetta efni er eldra en 2 ára.
Radísurnar eru stórar, fallegar og bragðgóðar hjá Guðmundi og Guðnýju og eru þau einu íslensku framleiðendurnir sem selja þær í verslanir undir merkjum Sölufélags garðyrkjubænda.
Radísurnar eru stórar, fallegar og bragðgóðar hjá Guðmundi og Guðnýju og eru þau einu íslensku framleiðendurnir sem selja þær í verslanir undir merkjum Sölufélags garðyrkjubænda.
Líf og starf 17. ágúst 2021

Hasla sér völl með radísum og grænu góðgæti

Höfundur: Erla Hjördís Gunnarsdóttir

Guðmundur Karl Eiríksson og Guðný Helga Lárusdóttir eru búsett í Reykjavík en hófu tilraunaræktun í fyrra með útiræktun á gulrótum á jörð bróður og mágkonu Guðmundar að Birtingaholti í Hrunamannahreppi.

Guðmundur Karl Eiríksson og Guðný Helga Lárusdóttir eru búsett í Reykjavík en hófu tilraunaræktun í fyrra á hálfum hektara með útiræktun í Birtingaholti í Hrunamannahreppi. Nú rækta þau gulrætur, blómkál og radísur.

Það gekk svo vel að þau ákváðu að þróa ræktunina enn frekar og bæta í. Nú selja þau íslenskar radísur, gulrætur og blómkál í verslunum undir merkjum Sölufélags garðyrkjumanna. Guð- mundur og Guðný Helga eru einu framleiðendur landsins á radísum sem fara á almennan markað og eru full bjartsýni að halda áfram og þróa enn frekar ræktun garðyrkjuafurða. Guðmundur er menntaður söngvari frá Ítalíu og starfar hjá Í einum grænum en Guðný Helga er hagfræðingur sem starfar í eignastýringu fagfjárfesta hjá Arion banka.

„Þegar við byrjuðum með radísurnar var okkur sagt að erfitt gæti verið að rækta þær en okkur hefur tekist það með ágætis árangri. Við ákváðum að nota umbúðir sem eru umhverfisvænni en ella og erum mjög ánægð með þá ákvörðun. Sprettutíminn á radísunum er bara fimm vikur og þær eru stórar og fínar hjá okkur. Við vorum vöruð við því að þær gætu orðið holar að innan en við höfum ekki tekið eftir því,“ útskýrir Guðmundur en nú nýta þau um hálfan hektara undir ræktunina. „Ástæða þess að okkur langaði að prófa ræktun á radísum er sú að við höfðum ekki tekið eftir íslenskum radísum á almennum markaði, auk þess eru þær næringarríkar og nýtast vel í matargerð,“ bætir Guðný Helga við.

Fjárfesta í tækjum og tólum

Þau eru full bjartsýni að uppskeran verði góð en nú þegar eru þau búin að taka upp rúm 200 kíló af radísum.

„Við tókum upp með höndunum í fyrra og það var mikil stemning í kringum það, eins og nokkurs konar vertíð. Fjölskylda okkar tók virkan þátt og nutu þess allir að vera undir berum himni í gulrótagarðinum. Ég á góðar minningar frá bernskuárum mínum í tengslum við haustuppskeru. Föðuramma mín var með græna fingur og þegar ég kom í heimsókn til hennar á haustin bauð hún alltaf upp á nýuppteknar gulrætur og radísur ásamt öðru fersku grænmeti.

Guðmundur er ættaður úr Birtingaholti og þekkir því umhverfið vel. Við erum einnig heppin með það að fjölskylda hans er hér allt í kring, bróðir hans og mágkona eru bændur í Birtingaholti og foreldrar hans eru garðyrkjubændur í Silfurtúni á Flúðum.

Við höfum fengið góða hjálp frá þeim og ráðleggingar sem og lán á tækjum. Annars ætlum við að fjárfesta núna í tækjum og tólum til að auðvelda okkur sáningu og uppskeru. Þannig að við stefnum ótrauð á að halda áfram og síðan verður tíminn að leiða í ljós hvernig þetta þróast allt saman,“ segir Guðný Helga brosandi.

Mannlíf á Búnaðarþingi
Líf og starf 25. mars 2024

Mannlíf á Búnaðarþingi

Æðsta samkoma Bændasamtaka Íslands er Búnaðarþing. Í ár stóð það yfir frá fimmtu...

Stjörnuspá 21. mars - 11.  apríl
Líf og starf 21. mars 2024

Stjörnuspá 21. mars - 11. apríl

Vatnsberinn hefur lengi verið að velta því fyrir sér að flytja sig um set og jaf...

Félagsskapur eldri borgara
Líf og starf 19. mars 2024

Félagsskapur eldri borgara

Stofnfundur Félags eldri borgara í Hvalfjarðarsveit var haldinn sunnudaginn 11. ...

Áframhaldandi búseta talin möguleg
Líf og starf 13. mars 2024

Áframhaldandi búseta talin möguleg

Við Langanesströnd sem liggur að botni Bakkaflóa stendur Bakkafjörður ásamt bæði...

Kirkjugarðsklúbburinn
Líf og starf 12. mars 2024

Kirkjugarðsklúbburinn

Halaleikhópurinn víðfrægi tók að sér verkið Kirkjugarðsklúbbinn eftir Ivan Mench...

Bændamótmæli á Íslandi?
Líf og starf 11. mars 2024

Bændamótmæli á Íslandi?

Mótmæli bænda í Evrópu hafa verið í fréttum undanfarin misseri þar sem þeir vald...

Stjörnuspá 7. mars - 21. mars
Líf og starf 8. mars 2024

Stjörnuspá 7. mars - 21. mars

Vatnsberinn hefur alla burði til þess að koma í framkvæmd þeim hugmyndum sem eru...

Lundi
Líf og starf 6. mars 2024

Lundi

Lundi er algengasti fuglinn okkar og jafnframt einn af okkar einkennisfuglum. Ha...