Meistarar Þriggja Frakka.
Meistarar Þriggja Frakka.
Líf og starf 4. nóvember 2026

Rosaleg blöð að norðan

Höfundur: Björn Þorláksson

„Það væri afrek að komast í þrjú grönd.“

Þetta sagði Ragnar Hermannsson stórspilari sem var landsliðsmanninum Magnúsi Magnússyni til halds og trausts sem lýsandi í Úrvalsdeildinni í bridds í spili níu í viðureign í Úrvaldeildinni í bridds fyrir skemmstu. Öll fljót lágu að mati þeirra sérfræðinganna í fjóra spaða í suður sem illu heilli eru beint niður með hjartadrottningu út eins og spilið liggur.

En hinir sjóðheitu norðlensku Guðmundur Halldórsson-Stefán Stefánsson í sveit glænýrra bikarmeistara, sem spiluðu sjónvarpsleikinn af snilld ásamt Gunnari Birni Helgasyni og landsliðsmanninum Stefáni Jóhannssyni, gegn Pressuliði, voru mjúkir á bárunni og vel með á nótunum í þessu spili sem öðru.

Á hinu borðinu gengu sagnir 1tígull1spaði-3tíglar-3-spaðar-4spaðar án þess að andstaðan léti í sér heyra.

Það væri afrek að komast í 3 grönd sagði Ragnar:

Sagnir fóru eins af stað hjá þeim en í stað þess að segja 3 spaða meldaði suður 3 hjörtu og þá var orðið upplagt fyrir norður að melda 3 grönd þar sem góðar líkur voru á laufi út upp í gaffalinn. 

„Þetta er rosalegt blað hjá Stefáni og Guðmundi,“ sagði Magnús um frammistöðu Norðlendinganna Guðmundar Tjörnesings og Stefáns frá Akureyri.

Og sömu sögu var að segja um ákvarðanir Stefáns Jó og Gunnars Björns. Enda unnu bikarmeistararnir leikinn stórt. Þrír Frakkar meistarar Sveit Þriggja Frakka varð Íslandsmeistari í sveitakeppni eldri spilara á dögunum. Í sveitinni spiluðu Guðmundur Sv. Hermannsson-Björn Eysteinsson, Þorlákur Jónsson-Guðmundur Páll Arnarson.

Þrjár af þessum fjórum kempum unnu heimsmeistaratitil árið 1991 og raða enn inn titlum! Til hamingju, drengir!

Umsjón: Björn Þorláksson,

bjornthorlaksson[hjá]gmail.com

Skylt efni: bridds

Hafmeyjan og sólskríkjan
Líf og starf 17. nóvember 2026

Hafmeyjan og sólskríkjan

Laugardaginn 29. mars 1947 hófst gos í Heklu eftir rétt rúmlega aldarlangt eldsu...

Er hár yðar óstýrilátt?
Líf og starf 13. nóvember 2026

Er hár yðar óstýrilátt?

Margir þekkja þá raun að eiga við hárið á sér, sumir fremur öðrum auðvitað og ei...

Tilmæli um ábyrga notkun gervigreindar
Líf og starf 12. nóvember 2026

Tilmæli um ábyrga notkun gervigreindar

Bandalag íslenskra listamanna (BÍL) hefur ákveðið að hrinda af stað átaki þar se...

Aldarafmæli Láru Brynhildar
Líf og starf 12. nóvember 2026

Aldarafmæli Láru Brynhildar

Lára Brynhildur Eiríksdóttir, sem býr á hjúkrunarheimilinu Lögmannshlíð á Akurey...

Lausn á vísnagátunni úr 20 tölublaði
Líf og starf 10. nóvember 2026

Lausn á vísnagátunni úr 20 tölublaði

Hér er lausnin á vísnagátunni sem birtist í 20. tölublaði Bændablaðsins. 

Svar við loftmyndagetraun
Líf og starf 9. nóvember 2026

Svar við loftmyndagetraun

Í loftmyndagetrauninni að þessu sinni voru lesendur beðnir um að bera kennsl á l...

Stjörnuspá vikunnar
Líf og starf 5. nóvember 2026

Stjörnuspá vikunnar

Sporðdrekinn hefur beðið spenntur eftir einhverju sem hann taldi dramatískt, en ...

TR trónir á toppnum
Líf og starf 4. nóvember 2026

TR trónir á toppnum

Taflfélagi Reykjavíkur gekk vel í þeim sveitakeppnum sem fram fóru síðustu helga...

https://bestun.airserve.net/banner_bundles/de3e87e0d8dde67f98882b3ac12f8b2f