Vinsamlegast athugið að þetta efni er eldra en 2 mánaða.
Hampurinn óx vel í hitabylgju sumarsins, Ragnar Þorsteinsson á Sýrnesi er hér innan um hampinn. 
Hampurinn óx vel í hitabylgju sumarsins, Ragnar Þorsteinsson á Sýrnesi er hér innan um hampinn. 
Mynd / Ragnar Þorsteinsson
Líf og starf 30. september 2021

Hampurinn óx hratt í hitabylgjunni

Höfundur: Margrét Þóra Þórsdótttir

„Ég sáði smávegis af Finola hampi í fyrra á hálfgerðum berangri bara til að vita hvort þessi planta gæti lifað.

Það er skemmst frá því að segja að hann lifði, varð um einn metri á hæð og kom með dálítið af blómum,“ segir Ragnar Þorsteinsson, bóndi í Sýrnesi í Aðaldal.

Hann hélt áfram nú í byrjun sumars og 1. júní sáði hann í gamlan skjólgóðan kálblett og setti á hann skít. Í blettinn sáði hann hálfum fræskammti af Finola og smávegis af Felina 32 og síðan fullum skammti af Hvítsmára.

Sumarið byrjaði ekki vel hvað veðurfar varðar, frekar kalt var framan af og þegar vika var af júlí voru hæstu plöntur um það bil 7 sentímetrar á hæð. Þá hófst hitabylgjan fræga sem stóð vel fram í september og segir Ragnar að í ágústlok hafi Fiona plönturnar verið orðnar um 180 sentimetra háar og Felina plöntur um 260 sentímetrar á hæð.

„Blómvöxtur á Finola er mjög góður en lítill sem enginn á Felina en það er hávaxnara kvæmi, með svera stöngla. Við höfum mest verið að tína blóm sem verða nýtt í CBD olíur og te,“ segir Ragnar.

Þorsteinn Snævar Benediktsson, bruggari hjá Húsavík öl, prófaði að brugga bjór úr þeim hampi sem kom á markað í byrjun september og voru viðtökur góðar svo framhald verður á.

Kannar hvort uppskera verði næg svo ræktun standi undir sér

Þorsteinn Snævar Benediktsson, bruggari hjá Húsavík öl, prófaði að brugga bjór úr þeim hampi sem kom á markað í byrjun september og fékk það góðar viðtökur að framhald verður á þeirri framleiðslu. Ragnar segir að markaður fyrir hampafurðir sé á byrjunarreit og lítið sem ekkert sé til af tækjum í landinu til að koma uppskeru í hús.

„Við höfum boðið fólki að koma og kynnast hampinum og taka hann upp til eigin nota án endurgjalds og það hafa nokkrir nýtt sér það en grunnhugmyndin snerist fyrst og fremst um að kanna hvernig hampur kemst af í íslenskri veðráttu og hvort uppskera verði næg til þess að ræktun á honum geti staðið undir sér,“ segir Ragnar.

Hampurinn smellpassar í bjórframleiðsluna

Í  ágústlok voru Fiona plönturnar orðnar um 180 sentímetra háar og Felina plöntur um 260 sentímetrar á hæð.

Þorsteinn Snævar stofnaði Húsavík öl 2017 og hefur að sögn alla tíð verið forvitinn um náttúruna og leitast við að nýta alls kyns ber og jurtir, eins og kerfil, hvönn og blóðberg, í sínar afurðir með góðum árangri. Hann var því ekki lengi að hugsa sig um þegar Ragnar hafði samband og bauð honum að prófa að brugga úr hampi og stökk strax til. Bjórinn sem hann bruggaði er „West coast Ipa“ og fær bjórinn að njóta sín í bjórstíl þar sem beiskja, sæta og malt vinna saman.

„Að mínu mati smellpassar hampurinn þar inn með grösuga undirtóna og örlítið jurta-eftirbragð. Ég var örlítið smeykur við að olíurnar í hampinum hefðu neikvæð áhrif á froðumyndun en það varð ekki.

Ég er alsæll með þessa tilraun, bjórinn hefur fengið mjög góðar viðtökur svo það verður gaman að þróa þetta verkefni áfram,“ segir Þorsteinn.

Skylt efni: hampur | iðnaðarhampur

Besti áfangastaður í heimi 2022
Líf og starf 30. nóvember 2021

Besti áfangastaður í heimi 2022

Vestfirðir eru efst á lista yfir svæði til að heimsækja árið 2022 í árlegu vali ...

Svo til allar lóðir seldar í fyrsta áfanga
Líf og starf 29. nóvember 2021

Svo til allar lóðir seldar í fyrsta áfanga

Meiri áhugi hefur verið á húsum í Hagabyggð í Hörgársveit en gert var ráð fyrir ...

Ræktun á brúskfé
Líf og starf 29. nóvember 2021

Ræktun á brúskfé

Brúskfé er sjaldgæft í íslenska sauðfjárstofninum en margir hrífast af því og fi...

Fjórar viðurkenningar veittar fyrir góð störf
Líf og starf 26. nóvember 2021

Fjórar viðurkenningar veittar fyrir góð störf

Uppskeruhátíð ferðaþjónustunnar á Norðurlandi var haldin nýverið en ekki reyndis...

Centaur-dráttarvél, árgerð 1934 er komin til Hvanneyrar
Líf og starf 25. nóvember 2021

Centaur-dráttarvél, árgerð 1934 er komin til Hvanneyrar

Það var hátíðarstund á Land­búnaðar­safni Íslands á Hvanneyri laugardaginn 6. nó...

Margvíslegt hagræði með skiptibeit
Líf og starf 25. nóvember 2021

Margvíslegt hagræði með skiptibeit

Í Lækjartúni í Ásahreppi eru bændurnir byrjaðir á tilraunum í beitarstjórnun, þa...

Hrútasýning í Hrútafirði
Líf og starf 16. nóvember 2021

Hrútasýning í Hrútafirði

Þrátt fyrir áföll í sauðfjárbúskap og slaka afkomu sauðfjárbænda undanfarin ár v...

Ásbjörn Pálsson og Helga Jóhannsdóttir, bændur í Syðri-Haukatungu II, áttu besta lambhrútinn
Líf og starf 12. nóvember 2021

Ásbjörn Pálsson og Helga Jóhannsdóttir, bændur í Syðri-Haukatungu II, áttu besta lambhrútinn

Héraðssýning lambhrúta á Snæ­fellsnesi var haldin laugar­daginn 16. október og v...