Gerum okkur dagamun
Nú er ekki seinna vænna en að fara að leggja línurnar fyrir sumarið og með það til hliðsjónar mun í næstu blöðum birtast yfirlit yfir helstu skemmtanir og húllumhæ hérlendis.
Hér fyrir neðan má sjá brot af því helsta sem er um helgina, fyrir þá sem vilja gera sér dagamun, en uppákomur næstu vikna verða á dagskrá í næstu blöðum. Hér er um auðugan garð að gresja og næsta víst að ekki komist allt á lista.
Þriðja helgin, 19.–21.júlí
-Húnavaka hófst miðvikudagskvöldið 17.júlí með Slagarasveitinni og Stjórnin og Emmsjé Gauti skemmta á laugardagskvöldinu. Þétt og fjölbreytt dagskrá verður út helgina og næsta víst að allir gestir geta fundið sér skemmtan við hæfi.
-Alþjóðlega listahátíðin LungA stendur í vikutíma á Seyðisfirði, frá 15.–21. júlí. Listasmiðjur, sýningar og magnaðir tónleikar eins og vani er.
-Sápuboltahelgi verður haldin á Ólafsfirði þann 19. júlí, mikið stuð fyrir alla.
-Bryggjudagar í Langanesbyggð, Þórshöfn verða haldnir og er von á miklu stuði þegar Hvannadalsbræður trylla lýðinn.
-Hið vinsæla Ögurball verður haldið í samkomuhúsinu í Ögri þann 20. júlí.
-HlaupahátíðVestfjarðaverðurhaldin18.–21.júlí en umræðir sund-hjól-hlaup- þríþraut sem gott er að skrá sig í sem fyrst á síðunni hlaupahatid.is.
-Þann 20. júlí verður Bryggjuhátíðin á Drangsnesi haldin eftir nokkurn dvala.
-Stærsti matarviðburður á Íslandi, Götubitahátíðin 2024 verður í Hljómskálagarðinum 19.–21. júlí. Á hátíðinni verða um 30 söluaðilar, keppnin um Bestagötubita Íslands 2024, tónlist og leiktæki og hoppukastalar fyrir yngri kynslóðina.
-Sumar & bjórhátíð LYST fer fram í Lystigarðinum á Akureyri.
-Sumarhátíðin Kátt í Kjós fer fram að venju, nú þann 20. júlí.
