Elluteppið
Hannyrðahornið 28. maí 2020

Elluteppið

Höfundur: Handverkskúnst

Þegar Ella vinkona mín átti von á sínu fyrsta barni heklaði ég að sjálfsögðu teppi fyrir barnið. Ég vildi breyta til og hekla aðeins öðruvísi bylgjuteppi en ég hafði áður gert. Páfuglamynstur með hálfstuðlum varð útkoman og nefndi ég uppskriftina Elluteppið. Páfuglamynstur er klassískt mynstur svo ég var ekki að finna upp hjólið þar, en mér fannst ég afskaplega sniðug að hekla hálfstuðla í stað fastapinna eins og er vanalega gert. Hálfstuðlarnir gera það að verkum að það er örlítið ólík áferð á teppinu á réttunni og röngunni, sem gleður mig sorglega mikið.

Garnið er Scheepjes Stone Washed sem er alveg hreint dásamlegt að vinna með. Garnið fæst í yfir 30 fallegum litbrigðum og er hreyfing í litunum líkt og garnið sé steinþvegið.

Heklkveðja,

Elín & Guðrún María
mæðgurnar
í Handverkskúnst

Garn:
Scheepjes Stone Washed (50 g, 130 m).Fæst hjá Handverkskúnst www.garn.is
200 g Moon Stone nr. 801 (hvítur)
150 g Larimar nr. 828 (ljósblár)
150 g Blue Apatite nr. 805 (blár)

Heklunál: 4 mm
Heklfesta: 15 ST = 10 cm

Skammstafanir á hekli:
Sl. - sleppa, L - lykkja, LL - loftlykkja, HST - hálfstuðull, ST - stuðull.
*texti milli stjarna* merkir endurtekningu, [texti milli hornklofa] merkir endurtekningu innan endurtekningar.

Uppskriftin: Fitjið upp 120 LL

1. umf: Heklið 1 HST í 2. LL frá nálinni (þessi 1 LL sem er sleppt telst ekki með), 1 HST í hverja L út umferðina. (119 HST)
2. umf: Heklið 3 LL (telst sem 1 ST), 1 ST í fyrstu L, 2 ST í næstu 2 L, [sl. 1 L, 1 ST í næstu L] x 5, sl. 1 L, *2 ST í næstu 6 L, [sl. 1 L, 1 ST í næstu L] x 5, sl. 1 L*, endurtakið frá * til * 5 sinnum til viðbótar, 2 ST í síðustu 3 L.
3. umf: Heklið 1 LL (telst ekki með), 1 HST í fyrstu L, 1 HST í hverja L út umferðina. (119 HST).
Endurtakið umferðir 2-3 þar til teppið er orðið nógu langt. Teppið í þessar uppskrift er 85 umferðir.

Mynstrið: Gengur upp í margfeldið af 17, svo er bætt við 1 LL. Þetta þýðir að þú fitjar upp 17, 34, 51, 68… lykkjur þar til æskilegri lengd er náð, þá er bætt við 1 LL. Þetta er gert til þess að mynstrið stemmi.
 

Heklað jólatré
Hannyrðahornið 1. desember 2020

Heklað jólatré

Krúttleg lítil jólatré sem fljótlegt er að hekla. Tilvalið að hekla nokkur tré o...

Haustpeysa á börn
Hannyrðahornið 28. október 2020

Haustpeysa á börn

Prjónuð peysa fyrir börn með laskalínu úr DROPS Merino Extra Fine. 

Georgetown-húfa  á herra
Hannyrðahornið 29. september 2020

Georgetown-húfa á herra

Prjónuð hipster húfa á herra úr DROPS Flora. Húfan er prjónuð í stroffprjóni.

Rose Blush-vesti
Hannyrðahornið 28. ágúst 2020

Rose Blush-vesti

Vestið er prjónað með stroffi og klauf í hliðum.

Prjónaðir sokkar
Hannyrðahornið 14. ágúst 2020

Prjónaðir sokkar

Prjónaðir sokkar úr DROPS Fabel. Stykkið er prjónað ofan frá og niður með norræn...

Alvira púðaver
Hannyrðahornið 20. júlí 2020

Alvira púðaver

Þetta fallega púðaver er prjónað með gatamynstri.

Haustpeysa
Hannyrðahornið 8. júlí 2020

Haustpeysa

Þessi er tilvalin í útileguna eða fyrir haustið.

Þægilegar smekkbuxur
Hannyrðahornið 10. júní 2020

Þægilegar smekkbuxur

Prjónaðar buxur fyrir börn með axlaböndum úr DROPS Flora. Stykkið er prjónað með...