Árið 2026 er alþjóðlegt ár kvenbóndans en af því tilefni hefur Uppspuni í Ásahreppi efnt til samkeppni meðal áhugasamra prjónara og hönnuða. Markmiðið er að hanna íslenska lopapeysu til heiðurs konum í bændastétt landsins.
Hulda Brynjólfsdóttir, sauðfjárbóndi í Lækjartúni á austurbökkum Þjórsár, á og rekur smáspunaverksmiðjuna Uppspuna. Í byrjun ágústmánaðar stóð hún fyrir nokkuð nýstárlegri landgræðsluferð þegar afgangsull frá verksmiðjunni var dreift á malarkamb nálægt Heklu í landgræðsluskyni.
Hulda Brynjólfsdóttir hjá Uppspuna í Ásahreppi hefur staðið fyrir prjónakvöldum þriðja fimmtudagskvöld í mánuði yfir vetrartímann, sem hafa slegið í gegn. Kvöldin eru haldin á baðstofuloftinu hjá henni í húsnæðinu þar sem hún vinnur úr íslensku ullinni með sínu starfsfólki.
Uppspuni, fyrsta smáspunaverksmiðjan á Íslandi, var tekin í gagnið í júlí 2017 í Lækjartúni, rétt austan við Þjórsá. Með gangsetningu verksmiðjunnar varð í fyrsta skipti á Íslandi unnt að skilja að tog og þel hluta íslensku sauðfjárullarinnar með vélbúnaði.
