Vinsamlegast athugið að þetta efni er eldra en mánaðar.
Þörf á að ræða endurskoðun rammasamnings
Mynd / Bbl
Skoðun 25. febrúar 2021

Þörf á að ræða endurskoðun rammasamnings

Höfundur: Gunnar Þorgeirsson formaður Bændasamtaka Íslands

Fæðuöryggi. Á dögunum var kynnt skýrsla Landbúnaðarháskóla Íslands um fæðuöryggi og áhrif á framleiðslu og ógnanir sem væru fyrir hendi við framleiðslu ef til innflutningstakmarkana kæmi. Þessi skýrsla er um margt athyglisverð og sýnir okkur framleiðendum á landbúnaðarafurðum að tækifæri leynast víða í að efla framleiðslu matvæla á Íslandi. 

Þörf á að fara að ræða endurskoðun rammasamnings

Það sem kemur fram í skýrslunni er hversu háð við erum innflutningi á kjarnfóðri og kornmeti. Eftir birtingu skýrslunnar hefur ráðherra rætt um nauðsyn þess að efla kornframleiðslu á Íslandi, sem er vel. En það sem er undarlegt við þessar hugrenningar er að við endurskoðun rammasamnings sem nýlega er búið að undirrita var ítrekað rætt við samningaborðið hvernig auka mætti við stuðning einmitt í kornrækt bæði sem kjarnfóður og til manneldis. Viðbrögð samninganefndarinnar var á einn veg að ekki væri vilji til að setja aukið fjármagn til þessa hluta þannig að við undirritun var enginn vilji til að gera betur.

Þetta er málefni sem við verðum að taka samtal um við endurskoðun búvörusamninga 2023. Það er ekki seinna vænna en að fara að ræða þá endurskoðun, þar sem þessar viðræður og útfærslur virðast taka ótrúlega langan tíma. Endurskoðun rammasamningsins átti að fara fram 2019 en lauk ekki fyrr en nú á þessu ári. Ég hvet bændur til að kynna sér þessa ágætu skýrslu og nýta hana til framþróunar í framleiðslu á íslenskum matvælum.

Ekki horft til framleiðslu landbúnaðarvara í heild sinni

Stuðningur í kjötgeiranum. Fyrir liggur samþykkt fjárlaganefndar á framlagi á 971 milljón í fjárlögum þessa árs, en eins og segir í greinargerð með fjármunum að skuli fara til nautgripabænda og sauðfjárbænda. Unnið er að tillögum á útfærslum á hvernig þessum fjármunum skuli ráðstafað í landbúnaðarráðuneytinu í samtali við viðkomandi búgreinar. 

Það sem kemur mér mest á óvart í þessum hugmyndum er að ekki skuli horft til framleiðslu landbúnaðarvara í heild sinni heldur einungis bundið við áðurnefndar tvær kjötgreinar. Ég treysti því að ráðherra landbúnaðarmála komi með einhverjar hugmyndir að lausnum fyrir aðrar greinar þegar líða tekur á vorið.

Nú hefur verið boðað til Búnaðarþings þann 22. og 23. mars næstkomandi á grunni nýrra sóttvarna en mögulegt er að hafa það staðarþing. Unnið er að útfærslu á þinginu þar sem munu verða mjög skýrar reglur um þingið og gætt verður að ítrustu sóttvörnum. Eins og staðan er í dag þá mun einungis vera boðið kjörnum fulltrúum til þingsins ásamt starfsmönnum því tengdu. Það er von mín að við virðum öll þær leiðbeiningar sem gefnar verða út svo við getum átt samtal um fyrirhugaðar breytingar á félagskerfi bænda til framtíðar. 

Bændur passi upp á nágranna sína í COVID

Á undanförnum vikum höfum við verið í samtali við aðildarfélög innan Bændasamtakanna. Þar hafa komið fram áhyggjur fólks af einangrun einstaklinga vegna sóttvarna. Ég vil hvetja bændur til að vera í sambandi við sína nágranna til að efla andann og passa upp á að félagsleg einangrun verði ekki meiri en orðið er. Ef þið hafið ábendingar um félagslega einangrun, ekki hika við að hafa samband við okkur hér í Bændahöllinni svo við getum leyst úr þeim málum sem hvíla á bændum og búaliði þeim til stuðnings. Annars horfum við bjartsýn til bjartari tíma og eflingar íslensks landbúnaðar, öllum til heilla.

Ekkert grín
Skoðun 16. apríl 2021

Ekkert grín

Skilvirkar flutningsleiðir eru forsendur þess að nútímaþjóðfélag geti þrifist. Þ...

Með bjartsýni í farteskinu
Skoðun 15. apríl 2021

Með bjartsýni í farteskinu

Nú með hækkandi sól og bjartsýni í farteskinu eftir ansi undarlegan vetur, sérst...

Öfl náttúrunnar
Skoðun 26. mars 2021

Öfl náttúrunnar

Náttúruöflin minna okkur á það þessa dagana hversu fallvalt gengi okkar mannanna...

Miklar og málefnalegar umræður á Búnaðarþingi
Skoðun 25. mars 2021

Miklar og málefnalegar umræður á Búnaðarþingi

Á nýafloknu Búnaðarþingi, þar sem nýtt félagskerfi Bændasamtakanna var meginstef...

Góður gangur
Skoðun 12. mars 2021

Góður gangur

Heimsfaraldur af völdum COVID-19 hefur hrist heldur betur upp í samfélög­um mann...

Sérálit Lbhí vegna starfmenntanáms í garðyrkju
Skoðun 12. mars 2021

Sérálit Lbhí vegna starfmenntanáms í garðyrkju

Mennta- og menningarmálaráðherra skipaði starfshóp í nóvember 2019 til að fara y...

Opið bréf til Lilju Alfreðsdóttur mennta- og menningarmálaráðherra
Skoðun 12. mars 2021

Opið bréf til Lilju Alfreðsdóttur mennta- og menningarmálaráðherra

Við nemendur Garðyrkjuskólans á Reykjum, sem teljum nú 140 manns, höfum áhyggjur...

Sameinumst um mikilvæg verkefni
Skoðun 11. mars 2021

Sameinumst um mikilvæg verkefni

Búnaðarþing verður haldið 22. og 23. mars næstkomandi þar sem félagskerfið verðu...