Vinsamlegast athugið að þetta efni er eldra en 7 ára.
Honda Jazz Comfort.
Honda Jazz Comfort.
Mynd / HLJ
Á faglegum nótum 8. nóvember 2016

Yfir 100 hestafla smábíll og góður til ferðalaga

Höfundur: Hjörtur L. Jónsson
Ég hef verið í þessum pistlum mínum nokkuð duglegur að skoða smábíla og fyrir skömmu tók ég Honda Jazz Comfort í langan prufuakstur. 
 
Tilgangurinn var tvíþættur: Að prófa bílinn og skoða hvaða munur væri á eldsneytiseyðslu á mismunandi hraða í samanburði við uppgefna eyðslu samkvæmt sölubæklingi, en töluvert hefur verið rætt um að smábílar séu almennt sagðir eyða mun minna a eldsneyti í sölubæklingum en raunin er.
 
Jazz er hlaðinn öryggisbúnaði
 
Þegar ég settist inn í bílinn og fór að fletta í aksturstölvunni sá ég að mikið af upplýsingum er hægt að fá úr tölvunni og m.a. var inni í henni allur akstur áður en ég fékk bílinn til prófunar og sá að menn höfðu verið að eyða mismiklu eldsneyti við prufuaksturinn. 
 
Mikið er af ýmiss konar öryggisbúnaði í bílnum, en hann er m.a. með FCW ákeyrsluviðvörun,  sem fer að virka fyrr en í flestum öðrum bílum sem ég hef prófað. Ef ekið er full nálægt bílnum fyrir framan þá gefur mælaborðið merki, bæði með ljósi og hljóði.
 
Umferðarmerkjagreining, akreinaaðstoð og fjarlægðarskynjari er bæði að framan og aftan. Einnig ABS bremsukerfi, EBD rafstýrð hemlaátaksdreifing, VSA stöðugleikakerfi, Idle stopptækni (þegar stoppað er þá drepur vélin á sér og fer aftur í gang þegar stigið er á bensíngjöfina), og ýmislegt annað sem of langt er að telja upp.     
 
Hægt að ná nálægt uppgefinni eyðslu með þolinmæði
 
Oft hefur mér fundist að í sölubæklingum smærri bíla sé óeðlilega lág eldsneytiseyðsla uppgefin í bæklingunum. Uppgefin meðaleyðsla á þessum bíl er 4,8 lítrar á hundraðið og ég fór í langkeyrslu. 
 
Á 50 km fresti og fjórum sinnum skráði ég niður útkomuna frá aksturstölvunni. Fyrst stillti ég hraðann á 90 km og útkoman var 5,1 lítri á hundraðið. Næstu 50 km hafði ég hraðastillinn stilltan á 100 km hraða og fór þá eyðslan upp í 5,4 lítra á hundraðið. Þar á eftir var hraðinn stilltur á 80 og eyðslan fór niður í 4,9 lítra. Næstu fimmtíu km ók ég með því að stjórna hraðanum sjálfur og halda mig við hraðann á milli 65 og 80 og við þetta náði ég að koma eyðslunni niður í 4,4 lítra eyðslu. Þetta voru ekki skemmtilegir 50 km, en greinilega hægt með þolinmæði að ná ansi nálægt uppgefinni eyðslu.
 
Lítið malarvegahljóð inn í bílinn
 
Að keyra bílinn er mjög þægilegt, sæti góð, fótarými gott og öll stjórntæki á þægilegum stöðum. Hljómtæki eru góð enda státar Honda Jazz af sex hátölurum sem skila toppgæðum. 
 
Jazz heggur aðeins í holur á malarvegi ef holurnar eru litlar, en séu holurnar yfir meðalstærð tekur fjöðrunin svoleiðis holu vel. Örlítið heyrðist í smásteinum undir bílnum, en bíllinn var á ónegldum vetrardekkjum sem spýttu smásteinum upp undir bílinn.
 
Á hluta malarvegsins var mjög laust yfirborð og þrátt fyrir nánast ekkert grip á lausri mölinni fannst mér bíllinn merkilega stöðugur, en fannst hann aðeins vera lausari að aftan en framan.
 
Eini ókosturinn við bílinn að mínu mati er að í honum er ekkert varadekk og að þurfa að kveikja ljósin og slökkva þau þegar bíllinn er yfirgefinn. Þetta er nauðsynlegt að gera þar sem afturljósin kvikna ekki sjálfkrafa eins og framljósin við ræsingu. Hafa skal í huga að það er ljósaskylda allan hringinn á Íslandi samkvæmt umferðarlögum, ekki bara á framljósum. 
 
102 hestafla bensínvélin skilar léttum bílnum skemmtilega áfram
 
Slagrýmið á bensínvélinni er ekki nema 1318 cc, en skilar 102 hestöflum og í svona litlum og léttum bíl skilar vélin skemmtilegri snerpu þegar tekið er á bílnum úr kyrrstöðu. Innrými í bílnum er gott og pláss gott bæði í fram- og aftursætum. 
 
Aftursætin er bæði hægt að leggja niður eins og á flestum bílum og setja upp með einu handtaki (fínt ef ferðast er með hund og láta hann sitja á gólfinu). 
 
Verðið á Honda Jazz er frá 2.840.000 og upp í 3.640.000, en bíllinn sem ég prófaði kostar 3.140.000. 

7 myndir:

Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...

Grípa þarf tækifærin
Fréttir 26. mars 2024

Grípa þarf tækifærin

Forseti Íslands, Guðni Th. Jóhannesson, telur að bændur eigi að leyfa sér að hor...