Vinsamlegast athugið að þetta efni er eldra en 3 ára.
Vornámskeið um eldi landnámshænsna
Fræðsluhornið 17. apríl 2019

Vornámskeið um eldi landnámshænsna

Höfundur: HKr.
Eigenda- og ræktendafélag landnámshænsna (ERL) mun halda vornámskeið í maí um flest allt sem mestu skiptir við eldi og ræktun landnámshænsna á smáum hænsnabúum eins og t.d. í þéttbýli.
Félagið hélt námskeið á síðastliðnu hausti, en tæplega 20 manns sátu námskeiðið og komust þar færri að en vildu. Því var ákveðið að fara af stað með annað námskeið 5. maí næstkomandi á vegum ERL í samstarfi við þau Ólaf R. Dýrmundsson og Jóhönnu Harðardóttur. Þau verða leiðbeinendur á námskeiðinu líkt og í haust.
 
Magnús Ingimarsson, ritari ERL, segir að fyrirhugað námskeið verði haldið 5. maí næstkomandi í sal Ásatrúarfélagsins í Síðumúla 15, Reykjavík. Námskeiðið mun standa frá klukkan 10.00 til 16.00 með matarhléi. Þetta er stutt og hnitmiðað námskeið um flest allt sem mestu skiptir við eldi og ræktun landnámshænsna á smáum hænsnabúum, t.d. í þéttbýli.
 
Umfjöllunarefni:
  • Stutt kynning á ERL, sagan í stuttu máli, ábyrgð félagsins, ræktunarmarkmið, vottun og sala.
  • Undirbúningur hænsna­hald­sins, að gera sig tilbúin til að annast hænur og byrja hænsna­búskapinn.
  • Reglugerðir og o.fl. skemmti­legt. Um dýravelferð, hænsna­hald í þéttbýli o.fl. 
  • „Slow food“ verkefnið. Samstarf ERL og Slow food samtakanna
 
Hænan sjálf og ungarnir:
  • Egg og útungun, eggið og þroski fósturs, umhirða eggja til útungunnar og neyslu, undirstaða í að unga út (vélakostur, hita- og rakastig o.fl.)
  • Ungar, klak og fyrstu dagar ungans, ungar teknir inn í kofann. Fóðrun og umhirða unga. Kyngreining.
  • Hænsnavelferð, eftirlit með dýrunum, fóðrun og brynning. Almennt um heilsu hænsnanna, eftirlit með þeim innanhúss sem utan. Umhirða og þrif, fóðrarar og brynnarar, hænsnafóður af ýmsum gerðum. Fóðrun almennt. 
 
Húsakostur og aðbúnaður:
  • Hænsnakofinn og umhverfið. Vel útbúinn hænsnakofi, tækjabúnaður, innréttingar, efni til þrifa, undirlag á gólf og í kassa. Verklagsleiðbeiningar.
  • Umhirða. Dagleg, vikuleg og árstíðabundin umhirða hænsnanna
  • Sjúkdómar og varnir. Heilsa hænsnanna, gátlisti. Um helstu kvilla og varnir gegn þeim. Slátrun.
  • Að njóta samvistanna. Ham­ingju­samar hænur og eigendur:  gagnlegar pæl­ingar um hænsnahald, t.d. í þéttbýli, ráð til að auðvelda hænsnahaldið og gera það vistvænna og skemmtilegra.
  • Landnámshænan (skemmtilega hænan) og vinir hennar – saga ræktunarinnar. Upphaf og ástæða, saga, ábyrgð ræktandans, samfélagið.
  • Fyrirspurnir og ráðgjöf – auðvitað er svo líka tekið við fyrirspurnum og rætt það sem gestum liggur á hjarta.
 
„Það eru allir velkomnir en nauðsynlegt er að skrá sig og því fyrr því betra,“ segir Magnús. Námskeiðsgjald er 7.500 krónur, en félagsmenn greiða aðeins 5.000 kr. Skráning fer fram hjá Jóhönnu Harðardóttur í síma 566-7326 eða á netfanginu johanna@hlesey.is.
 
Endurbætt heimasíða og félagið komið á Facebook
 
„Ný og endurbætt heimasíða félagsins, www.haena.is, fór í loftið í síðustu viku. Þar verður sett inn auglýsing fyrir námskeiðið sem dæmi. Við hvetjum fólk til að kíkja þarna inn og skoða ýmsan fróðleik sem síðan hefur að geyma.
 
Þá er félagið komið með Facebook-síðu undir heitinu Eigenda- og ræktendafélag landnámshænsna. Þetta er svokölluð „Like“ síða, þar sem komið verður inn tilkynningum til félagsmanna, áhugamanna og velunnara um viðburði eða annað sem þurfa þykir,“ segir Magnús Ingimarsson.
 
Svínaflensa í Rússlandi
Fréttir 27. september 2022

Svínaflensa í Rússlandi

Afríska svínaflensan greindist á stóru rússnesku svínabúi í lok sumars. ...

Hækkun upp á 35,5 prósent að meðaltali fyrir dilka yfir landið
Fréttir 30. ágúst 2022

Hækkun upp á 35,5 prósent að meðaltali fyrir dilka yfir landið

Uppfærslur á verðskrám sláturleyfishafa, vegna sauðfjárslátrunar 2022, halda áfr...

Fjár- og stóðréttir 2022
Fréttir 25. ágúst 2022

Fjár- og stóðréttir 2022

Fjár- og stóðréttir verða nú með hefðbundnum brag, en tvö síðustu haust hafa ver...

Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...