Vinsamlegast athugið að þetta efni er eldra en 8 ára.
Vistfugl á leið í verslanir
Mynd / FR
Fréttir 29. ágúst 2014

Vistfugl á leið í verslanir

Höfundur: Freyr Rögnvaldsson

Á Móum á Kjalarnesi rekur Matfugl kjúklingabú þar sem að jafnaði eru aldir um 40.000 kjúklingar. Í einu húsanna sem eru uppi á Móum stendur nú yfir tilraun sem gengur út á að kjúklingar sem þar eru aldir fái umtalsvert meira rými en venjan er, njóti dagsbirtu og síðast en ekki síst hafi færi á að fara út. Þessa kjúklinga hyggst fyrirtækið markaðssetja undir merkinu Vistfugl.

Venjan er sú að í hverju húsi séu um 7.000 fuglar aldir. Vistfuglarnir eru hins vegar aðeins 5.500 og stefnan er sú að fækka þeim niður í 5.000 í næsta eldishópi og gefa þeim þar með enn meira rými. Fuglarnir geta farið út hvenær sem þá fýsir en opnar lúgur eru á húsinu út á útipláss sem er steypt og afgirt. Þá eru gluggar á húsunum, sem ekki er venjan, þannig að fuglinn nýtur sólarljóss hvort sem hann er inni í húsinu eða úti. Hann þolir illa bleytu og líkar illa við vind og því er byggt þak yfir útiplássið sem auk girðingarinnar ver kjúklingana fyrir vargi, bæði vargfugli, ref og mink. Ekki er ráðlegt að sleppa kjúklingunum lausum í meira mæli en þetta til að koma í veg fyrir smithættu, til að mynda kamfýlóbakter, í hópinn.

„Fuglinn lítur mjög vel út og virðist vera jafnstór og þeir fuglar sem aldir eru inni. Þeir eru rólegri og minna stress á þeim. Fóðrið í þennan fugl er sérlagað, það er ekkert erfðabreytt hráefni í því sem gerir það eilítið dýrara. Í þessu fóðri er bygg, sem er ekki mjög hefðbundið í alifuglafóðri. Við framleiðum bygg sjálfir og þegar við uppskerum í haust verður íslenskt bygg í fóðrinu. Við vonumst til að geta notað það heilt til að fuglinn geti dundað sér við að týna það upp,“ segir Sveinn Jónsson framkvæmdastjóri Matfugls.

Verður dýrari en vanalegur kjúklingur

Stefnt er að því að slátra fuglunum í þessari viku og má búast við honum á markað í næstu viku. Stefnt er að því að selja kjúklingana heila og frosna fyrst um sinn. Sveinn segir að um sé að ræða fyrsta skref og athyglisvert verði að sjá hvernig markaðurinn muni bregðast við.

„Þessi kjúklingur verður dýrari en sá sem er fyrir í búðum, það eru færri fuglar í húsunum og fóðrið er dýrara. Ég gæti trúað að framleiðslukostnaður við þennan kostnað verði á bilinu 40 til 50 prósent dýrari en við venjulegan kjúkling. Við höfum hins vegar ekkert um útsöluverð að segja, það ákvarðast af versluninni þannig að það er ómögulegt fyrir mig að slá á verð á þessum kjúklingum út úr búð. Neytendur hafa hins vegar kallað eftir þessari vöru og við vonumst til að þeir muni taka vel á móti vistfugli þegar hann kemur í verslanir.“

Vilja flytja inn annan stofn

Kjúklingarnir sem um ræðir eru af hefðbundnum skoskum stofni sem allir kjúklingaframleiðendur hér á landi nota. En hentar sá stofn í þessa útiræktun? „Þessi stofn er ekki ræktaður með útiræktun í huga en þrátt fyrir það vex hann vel og plummar sig. Það hafa ekki fylgt honum nein vandamál og það er ekki kamfýlóbaktersýking í honum, það kom í ljós þegar við tókum sýni úr honum á dögunum. Við erum hins vegar að velta því fyrir okkur að fá annan stofn til kynblöndunar, stofn sem hentar mjög vel til þessarar útiræktunar, en það yrði talsverður kostnaður fólginn í því. Þess vegna verðum við að meta stöðuna fyrst.“
 

Sólarorkuver á fjósþaki
Fréttir 25. nóvember 2022

Sólarorkuver á fjósþaki

Á Eystri-Leirárgörðum var nýlega sett upp raforkuver á útihús. Þetta er hluti af...

Ísland skuldbundið til að vakta lífríkið
Fréttir 25. nóvember 2022

Ísland skuldbundið til að vakta lífríkið

Grænbók stjórnvalda um líffræðilega fjölbreytni íslenskra vistkerfa var birt í S...

Nytjaréttur viðurkenndur
Fréttir 24. nóvember 2022

Nytjaréttur viðurkenndur

Í nýrri skýrslu um stöðu og áskoranir þjóðgarða og annarra friðlýstra svæða segi...

Átak í sálrænni líðan
Fréttir 24. nóvember 2022

Átak í sálrænni líðan

Í Skotlandi hefur verkefni verið hleypt af stokkunum sem á að gæta að geðrænni h...

Varmadælur skjótvirkasta orkan og alvöru orkuöflun
Fréttir 24. nóvember 2022

Varmadælur skjótvirkasta orkan og alvöru orkuöflun

Sigurður Ingi Friðleifsson, sviðsstjóri loftslagsbreytinga, orkuskipta og nýsköp...

Alls verða 23 nýir hrútar kynntir inn á sæðingastöðvarnar
Fréttir 23. nóvember 2022

Alls verða 23 nýir hrútar kynntir inn á sæðingastöðvarnar

Hinir árlegu hrútafundir, þar sem hrútaskráin er kynnt og ræktunarmálin rædd, er...

Greiddu 465 milljónir kr.
Fréttir 23. nóvember 2022

Greiddu 465 milljónir kr.

Í lok október greiddi matvælaráðuneytið 465 milljónir króna til bænda sem álag á...

Mikil fjölgun íbúa
Fréttir 22. nóvember 2022

Mikil fjölgun íbúa

Íbúar Hvalfjarðarsveitar eru nú orðnir 750 og hefur þeim fjölgað um 63 íbúa frá ...