Vinsamlegast athugið að þetta efni er eldra en 4 ára.
Vegan heilsupitsa með grænmeti
Mynd / BGK
Matarkrókurinn 29. janúar 2018

Vegan heilsupitsa með grænmeti

Höfundur: Bjarni Gunnar Kristinsson
Socca pitsa (vegan og glútenlaus) er upprunnin frá Ítalíu og er mjög einföld í matreiðslu.  
 
Deigið er búið til með því að blanda kjúklingabaunahveiti/garbanzo-baunamjöli saman við vatn og smá ólífuolíu, sett á pönnu og bakað við háan hita.
 
Þið getið fundið kjúklinga­baunahveiti í betri matvörubúðum eða í Asíu, matvörumarkaði.
Þetta er örugglega ljúffengasta og fljótlegasta glútenlausa pitsan sem hægt er að elda.
 
Socca pitsa
  • 2 msk. ólífuolía
  • 1 bolli kjúklingabaunamjöl 
  • 1 bolli af vatni
  • 1/2 tsk. hvítlauksrif eða duft
  • 1 tsk. blandað þurrkað ítalskt krydd eins og  basilika, oregano og fleira.
  • Salt og pipar eftir smekk
  • Fljótleg pitsasósa
  • 1/2 bolli maukaðir tómatar (passata)
  • 2 msk. tómat púrra
  • 1/2 rauðlaukur
  • 3 hvítlauksrif
  • 1 msk. þurrkaðar ítalskra kryddjurtir
  • Álegg
  • Veganostur 
  • Fersk söxuð basilika
  • Saxað grænmeti af vali – ég notaði rauðlauk og pipar
Aðferð
Hægt er að íslenska pitsuna með að nota steikt lambahakk og majónes – og nota ferska renninga af grænmeti, sem er skorið með grænmetisflysjara.
 
Notið stóra, kringlótta pitsupönnu eða ofnfasta pönnu með loðfrítt yfirborð.
 
Blandið saman í miðlungsstórri skál einni matskeið af olíu, kjúklingabaunamjöli, vatni og kryddjurtum. Hrærið þar til þetta er alveg slétt og fínt.
 
Hellið deiginu á heita pönnuna og hallið til að ganga úr skugga um að því sé jafnt dreift um pönnuna. Eldið í 10 mínútur í ofninum eða þar til það er orðið gullið og örlítið stökkt. Takið þá úr ofninum en hadið ofninum heitum. Það má líka steikja deigið eins og pönnukökur á báðum hliðum.
 
Á meðan deigið bakast gerið þið pitsasósu með því einfaldlega að blanda hráefninu í blandara þangað til sósan er orðin mjúk og slétt. Dreifið henni svo yfir botnana.
 
Stráið veganosti yfir sósuna (eða íslenskum úrvalsosti) og grænmeti ofan á (líka gott að setja það ferskt þunnt skorið eftir bakstur). Bakið aftur í 5–10 mínútur. Skerið í sex sneiðar og njótið!
 
 
Andalæri og franskar kartöflur (Confit)
 
Confit er frönsk aðferð við að elda kjöt eða grænmeti í fitu – og oftast andafitu. Slíkir réttir eru vinsælir á frönskum kaffihúsum. Hugmyndin er að elda öndina í eigin fitu svo kjötið losni af beinunum. Svo er tilvalið að sigta fituna, blanda við olíu og djúpsteikja franskar kartöflur í því.
 
Hráefni
  • 1/4 bolli gróft salt
  • 250 ml vatn
  • Svartur pipar úr kvörn, um 12 pipar- korn
  • 2 greinar garðablóðberg
  • Hvítlauksrif marin eða söxuð
  • 1 lárviðarlauf 
  • 1/2 tsk. mulin kóríanderfræ
  • 6 andalæri (Líka er hægt að kaupa tilbúin í dós eða úr frosti. Þá þarf ekki salt því þau eru tilbúin elduð).
  • Ólífuolía eftir þörfum
Aðferð
Blandið saltinu og vatninu saman í stóran plastpoka (eða í stórri skál) og hrærið þar til saltkristallarnir eru leystir upp.
 
Bætið piparkornum við, garðablóðbergi, hvítlauk, lárviðarlaufi, kóríander og svo andalærunum. Takið pokann og setjið á pönnu eða í skál (til að koma í veg fyrir hugsanlegan leka) og geymið í kæli í 24 klukkustundir.
 
Takið andalærin úr pokanum fyrir eldun og skolið með köldu rennandi vatni. Látið þorna með pappírsþurrku. Forhitið ofninn í 4 til 5 mínútur og setjið hitann á 200 gráður.
 
Steikið öndina í 30 mínútur, eða þar til andafitan byrjar að leka úr. Lækkið  hitastigið niður í 150 gráður (gæti þurft að bæta við ólífuolíu svo fljóti yfir). Snúið andalærunum þannig að fitan snúi upp og eldið áfram í tvær klukkustundir. Takið lokið af og brúnið aðeins undir grillinu í ofninum (passið að taka umfram fitu af og notið til að steikja franskar kartöflur með. Látið standa aðeins og berið svo fram með brúnum frönskum kartöflum og majónes-hrásalati.
 
Geymið andafituna til að nota í eldamennsku á grænmeti, kjöti og jafnvel fiski.
Meiri uppskera af gulrótum og kartöflum en minna af rauðkáli
Fréttir 2. desember 2022

Meiri uppskera af gulrótum og kartöflum en minna af rauðkáli

Samkvæmt nýjum uppskerutölum frá garðyrkjubændum í útiræktun grænmetis, varð tal...

Örvar nýr fjármálastjóri Bændasamtaka Íslands
Fréttir 2. desember 2022

Örvar nýr fjármálastjóri Bændasamtaka Íslands

Stefnir í takmarkanir á veiðum grágæsa
Fréttir 2. desember 2022

Stefnir í takmarkanir á veiðum grágæsa

Þar sem fjöldi skráðra grágæsa á talningastöðum á Bretlandseyjum er 30% færri en...

Minkur til Danmerkur
Fréttir 1. desember 2022

Minkur til Danmerkur

Hópur danskra minkabænda, sem kallast Dansk mink, vinnur nú að því að endurvekja...

Frummenn vildu vel steiktan fisk
Fréttir 30. nóvember 2022

Frummenn vildu vel steiktan fisk

Rannsóknir á beinaleifum vatnakarfa sem fundust þar sem í dag er Ísrael benda ti...

Fyrsti rafmagnssteypubíllinn á leiðinni til landsins
Fréttir 30. nóvember 2022

Fyrsti rafmagnssteypubíllinn á leiðinni til landsins

Steypustöðin gekk nýlega frá samningi við steypudælu og -bílaframleiðandann Putz...

Ný sálmabók tekin í notkun
Fréttir 29. nóvember 2022

Ný sálmabók tekin í notkun

Þann 13. nóvember sl. var ný útgáfa sálmabókarinnar tekin í notkun í kirkjum lan...

Fljúgandi bolabítur
Fréttir 28. nóvember 2022

Fljúgandi bolabítur

Skömmu eftir miðja nítjándu öld lýsti Alfred Russel Wallace, sem var samtímamaðu...