Vinsamlegast athugið að þetta efni er eldra en mánaðar gamalt.
Byggðastofnun
Byggðastofnun
Fréttir 1. mars 2024

Vaxtalækkun lána

Höfundur: Sigrún Pétursdóttir

Fram kom í frétt Bændablaðsins, 2. nóvember 2023, að stjórn Byggðastofnunar hefði samþykkt lækkun álags á óverðtryggðum lánum til landbúnaðar.

Fór álagið úr 3,5% á REIBOR í 2,5% á REIBOR. Þá fór álag á lánum til kynslóðaskipta í landbúnaði úr 3,3% á REIBOR í 2,0% álag á REIBOR. Að auki hefur stofnunin komið til móts við bændur með frestun greiðslna og öðrum breytingum á skilmálum lána til að létta undir eins og kostur er.

Nýsköpun og frekari uppbygging

Samkvæmt frekari upplýsingum frá forstöðumanni fyrirtækjasviðs, Hrund Pétursdóttur, lækkuðu að sama skapi kjör óverðtryggðra lána Byggðastofnunar í lánaflokkunum nýsköpunarlán, græn lán og lán til stuðnings atvinnureksturs kvenna nú um áramótin.

„Lánaflokkarnir eiga það sammerkt að ýta undir nýsköpun og atvinnuuppbyggingu í lands- byggðunum og þá sérstaklega í viðkvæmari byggðarlögum. Er markmiðið því að styðja betur við þau verkefni sem þegar hafa fengið fjármögnun úr þessum lánaflokkum og hvetja til frekari uppbyggingar í byggðum landsins. Hafa bændur einnig sótt fjármagn í þessa lánaflokka, t.d. með virkjun bæjarlækja eða til nýsköpunar í framleiðslu.“

Þessu er við að bæta að stjórn Evrópska fjárfestingasjóðsins (EIF) samþykkti á fundi sínum þann 8. febrúar að hefja samninga-viðræður við Byggðastofnun um aðild að InvestEU ábyrgðasamkomulagi sjóðsins. Byggðastofnun var áður aðili að COSME ábyrgðasamkomulagi EIF en það hefur gert stofnuninni kleift að m.a. bjóða fyrrnefnd lán til kynslóðaskipta í landbúnaði þar sem lægri krafa um eigið fé og aukinn sveigjanleiki með greiðslur í upphafi gerir ungum bændum auðveldara um vik að hefja búskap.

Aukinn og rýmri stuðningur

Þátttaka Íslands í InvestEU áætlun Evrópusamstarfsins gefur fyrirheit um stórauknar fjárfestingar í nýsköpun, stafrænni væðingu og grænum lausnum hér á landi.

„Í samtalinu við EIF um aðild að InvestEU ábyrgðasamkomulaginu nú verður áfram horft til þess að styðja við nýliðun í landbúnaði.

Þá verða lán til grænna verkefna útvíkkuð frekar auk þess sem lánaflokkur til brothættra byggða er á teikniborðinu. Vonir eru bundnar við að endanlegt samkomulag liggi fyrir í vor, en takist það munu hinar dreifðari byggðir landsins áfram njóta góðs af,“ segir Hrund Pétursdóttir.

Fyrsti umplöntunarróbóti landsins
Fréttir 19. apríl 2024

Fyrsti umplöntunarróbóti landsins

Í maí í fyrra var settur upp umplöntunarróbóti á gróðrarstöðinni Sólskógum í Kja...

Ólöglegur frágangur á dýrahræjum
Fréttir 19. apríl 2024

Ólöglegur frágangur á dýrahræjum

Opinn gámur, yfirfullur af dýrahræjum, stóð á dögunum á steyptu bílastæði við in...

Verslunarrekstur í dreifbýli er samfélagsverkefni
Fréttir 18. apríl 2024

Verslunarrekstur í dreifbýli er samfélagsverkefni

Vegamót á Bíldudal er matvöruverslun og veitingastaður. Gísli Ægir Ágústsson, ve...

„Allt of fáar messur“
Fréttir 18. apríl 2024

„Allt of fáar messur“

Tryggvi Sveinn Eyjólfsson, sem er á sautjánda aldursári, hefur vakið athygli fyr...

Íslenskar sængur um allan heim
Fréttir 18. apríl 2024

Íslenskar sængur um allan heim

Íslenskur dúnn ehf. selur æðardúnsængur beint til viðskiptavina um heim allan. Þ...

Vörðust ásælni ríkisins í jarðareign
Fréttir 17. apríl 2024

Vörðust ásælni ríkisins í jarðareign

Kristín Lárusdóttir og Guðbrandur Magnússon, bændur að Syðri- Fljótum í Meðallan...

Breyttar reglur um flutning líflamba
Fréttir 17. apríl 2024

Breyttar reglur um flutning líflamba

Verklagsreglur hafa verið endurskoðaðar um flutning á lömbum með verndandi eða m...

Gýgjarhólskot ræktunarbú ársins
Fréttir 16. apríl 2024

Gýgjarhólskot ræktunarbú ársins

Á fagfundi sauðfjárræktarinnar sem haldinn var á dögunum var Gýgjarhólskot í Bis...