Vinsamlegast athugið að þetta efni er eldra en 9 ára.
Haraldur Magnússon.
Haraldur Magnússon.
Mynd / smh
Fréttir 9. október 2014

Vandræði vegna illgresis, bleytu og ágangs gæsa

Höfundur: smh

Haraldur Magnússon, bóndi í Belgsholti í Mela- og Leirársveit, segir ekkert korn hafa verið þreskt hjá sér á þessu hausti.

„Mikið af þessu hefur ýmist lamist niður eða brotnað í vindi sem hefur að undanförnu verið yfir 20 m/s í meðalvindi og mikið rignt þar að auki,“ en Haraldur er með um 65 hektara lands undir bygg. „Þetta bætist svo ofan á allt annað; mikil vandkvæði út af illgresi, bleytu og ágangi gæsa.

Kornið var orðið sæmilega þroskað – það sem á annað borð hafði náð að þroska korn. Það verður skelfilegt að ná því sem enn stendur, því maður verður að slá svo neðarlega til að reyna að ná sem mestu – og það er varla hægt nema það verði orðið vel þurrt.

Á síðustu vikum hefur komið einn dagur sem hefði verið hægt að gera eitthvað, en ég var þá ekki tilbúinn með vélarnar og missti af því tækifæri. Ég reikna með að núna þyrfti að vera þurrkur í um tvo til þrjá sólarhringa  áður en hægt væri að fara út á akrana, svo blautir eru þeir enda búið að rigna 150 mm í september. Ég hugsa að talsvert meira en helmingur sé ónýtur ef við teljum ekki með það sem hefur farið ofan í gæsina. Þar skiptir miklu að hafa ekki getað skorið kornið, því hún getur sest ofan í akrana núna og hefur í raun betra aðgengi. Hún er örugglega búin með um tíu hektara hjá mér enda er gríðarlegur fjöldi fugla hjá okkur.

Langversta kornræktarárið

Þetta er langversta kornræktarárið okkar hérna í Belgsholti – verra en í fyrra og er þá mikið sagt.

Þegar best hefur látið hefur uppskeran í Belgsholti verið um þrjú tonn að jafnaði á hektara, þó misjafnt á milli stykkja. Nú segir Haraldur að það megi búast við uppskeru sem verði vel innan við tonn á hektara. En til þess að það verði hægt að ná því í hús sem eftir stendur, verður að koma þurrkur á næstu dögum. Haraldur elur þá von í brjósti að það muni gerast, því það spáir norðanátt.

Sama sláturhús sektað þrisvar
Fréttir 17. maí 2024

Sama sláturhús sektað þrisvar

Matvælastofnun (MAST) hefur þrisvar sinnum á þessu ári lagt stjórnvaldssekt á sv...

KS hagnaðist um 5,5 milljarða króna
Fréttir 17. maí 2024

KS hagnaðist um 5,5 milljarða króna

Hagnaður Kaupfélags Skagfirðinga af rekstri félagsins á árinu 2023 reyndist rúml...

Vorverkum bænda seinkar
Fréttir 16. maí 2024

Vorverkum bænda seinkar

Veturinn sem leið var sá kaldasti frá vetrinum 1998 til 1999, samkvæmt tíðindum ...

Riðuveiki útrýmt innan 20 ára
Fréttir 16. maí 2024

Riðuveiki útrýmt innan 20 ára

Landsáætlun um riðuveikilaust Ísland hefur verið sett í samráðsgátt stjórnvalda.

Kornþurrkstöð reist í Eyjafirði
Fréttir 16. maí 2024

Kornþurrkstöð reist í Eyjafirði

Grunnur undir kornþurrkstöð í Eyjafirði er nú að taka á sig mynd í landi Laugala...

Mjólkurframleiðendur fá arðgreiðslu
Fréttir 16. maí 2024

Mjólkurframleiðendur fá arðgreiðslu

Kúabændur á starfssvæði Auðhumlu mega gera ráð fyrir arðgreiðslu frá samstæðunni...

Vetnisknúin skip í smíðum
Fréttir 15. maí 2024

Vetnisknúin skip í smíðum

Smíði er hafin á tveimur vetnis­ skipum á vegum Samskipa. Áætlað er að þeim verð...

Drómasýki í hrossum
Fréttir 13. maí 2024

Drómasýki í hrossum

Drómasýki er vaxandi vandamál í íslenskri hrossarækt. Til stendur að stofna star...