Vinsamlegast athugið að þetta efni er eldra en 6 ára.
Sindri Sigurgeirsson, formaður Bændasamtaka Íslands, Heiðar Ásgeirsson, framkvæmdastjóri Landsmóts hestamanna 2016, og Lárus Ástmar Hannesson, formaður Landssambands hestamanna, á einum af nýju keppnisvöllunum á landsmótssvæðinu.
Sindri Sigurgeirsson, formaður Bændasamtaka Íslands, Heiðar Ásgeirsson, framkvæmdastjóri Landsmóts hestamanna 2016, og Lárus Ástmar Hannesson, formaður Landssambands hestamanna, á einum af nýju keppnisvöllunum á landsmótssvæðinu.
Fréttir 16. október 2015

Uppbygging mun nýtast Hólaskóla til framtíðar

Mikill fjöldi gesta sótti Hóla í Hjaltadal heim til að skoða nýja og glæsilega aðstöðu sem byggð hefur verið þar upp vegna Landsmóts hestamanna sem þar verður haldið sumarið 2016 og nýtast mun Háskólanum á Hólum að því loknu. 
 
Athöfn var á svæðinu að lokinni Laufskálarétt þar sem flutt voru ávörp og framkvæmdir kynntar auk þess sem Magnús Bragi Magnússon á Birtu frá Laugardal tóku fyrsta sprettinn á nýjum keppnisvelli sem gerður var á liðnu sumri. Það voru skipuleggjendur Landsmótsins sem buðu heim, hestamannafélögin í Skagafirði buðu upp á dýrindis kjötsúpu, lifandi tónlist ómaði um svæðið í fallegu haustveðri.
 
Fulltrúar hestamannafélaganna í Skagafirði, sem senn verða sameinuð í eitt öflugt félag, riðu ásamt nýkrýndum heimsmeistara í tölti, Kristínu Lárusdóttur, inn á nýjan keppnisvöll.
 
Sindri Sigurgeirsson, formaður Bændasamtaka Íslands, og Lárus Ástmar Hannesson, formaður Landssambands hestamanna, fluttu ávörp og þökkuðu þeim sem að uppbyggingu svæðisins hafa staðið, ekki síst fulltrúum Háskólans á Hólum og Sveitarfélagsins Skagafjarðar.
 
Sindri vakti athygli á því að miðasala á Landsmótið 2016 væri þegar hafin og með því að kaupa miða í forsölu sem nú stæði yfir gætu væntanlegir áhorfendur náð hagstæðum kjörum. Forsala stendur til næstu áramóta. Með því að bjóða miða í forsölu væri lögð áhersla á að Landsmót væri viðburður fyrir alla fjölskylduna. Þá hefur miðaverð til ungmenna verið lækkað til muna samanborið við síðustu landsmót. Skrið er á miðasölu og fer hún betur af stað en nokkru sinni fyrr og þá er einnig góður gangur í allri skipulagsvinnu fyrir mótið.
 
Nýir vellir, ný áhorfendasvæði og vaxandi eftirvænting
 
Mikil vinna hefur staðið yfir á væntanlegu mótssvæði undanfarna mánuði, en m.a. er búið að byggja nýjan kynbótavöll og áhorfendasvæði við hann, byggður hefur verið nýr keppnisvöllur fyrir gæðingakeppni og áhorfendasvæði við hann einnig, ásamt því að vegir hafa verið lagðir utan um væntanlegt tjaldsvæði sem og víðar á svæðinu. 
 
Heiðar Ásgeirsson, framkvæmdastjóri Landsmóts, segir að fram undan sé vinna við raflagnir, lagningu ljósleiðara og fleiri verkefni í þeim dúr. „Þessar framkvæmdir utandyra mynda svo ásamt glæsilegum húsakynnum, reiðhöllum og hesthúsum frábært svæði fyrir landsmót. Við heyrðum ekki annað en gestum sem heimsóttu landsmótssvæðið hafi litist vel á og mikil eftirvænting er ríkjandi fyrir landsmóti, ekki síst því að nú verður haldið landsmót á Hólum fimmtíu árum eftir að það var haldið þar síðast,“ segir Heiðar.
 
Lyftistöng fyrir starfsemina á Hólum
 
„Vinna við skipulag flestra þátta varðandi mótshaldið er komin vel á veg og fyrr en oft áður. Við finnum mikinn meðbyr með verkefninu. Hestamenn í Skagafirði standa þétt að baki þessu verkefni og þá finnum við mikinn áhuga í hópi fyrrverandi nemenda Hólaskóla, þeir vilja ólmir koma á landsmót enda gefur það einstakt tækifæri til endurfunda við skólann og svæðið.“
 
Sindri og Lárus lögðu báðir áherslu á að landsmótssvæðið yrði mikil lyftistöng fyrir starfsemi Háskólans á Hólum, sem væri mikilvægasta einstaka stofnunin sem tengdist hestamennsku. „Þessi uppbygging mun nýtast Hólaskóla í framtíðinni og því eru þessar framkvæmdir mikil lyftistöng fyrir hestatengt nám á Hólum. Þær munu án efa efla hrossarækt og hestamennsku í landinu,“ segir Sindri.
 
„Hólaskóli er æðsta menntastofnun Íslandshestamennskunnar í heiminum og fjöregg okkar hestamanna. Allt sem gert er hér mun nýtast svæðinu vel,“ segir Lárus. 

12 myndir:

Svínaflensa í Rússlandi
Fréttir 27. september 2022

Svínaflensa í Rússlandi

Afríska svínaflensan greindist á stóru rússnesku svínabúi í lok sumars. ...

Hækkun upp á 35,5 prósent að meðaltali fyrir dilka yfir landið
Fréttir 30. ágúst 2022

Hækkun upp á 35,5 prósent að meðaltali fyrir dilka yfir landið

Uppfærslur á verðskrám sláturleyfishafa, vegna sauðfjárslátrunar 2022, halda áfr...

Fjár- og stóðréttir 2022
Fréttir 25. ágúst 2022

Fjár- og stóðréttir 2022

Fjár- og stóðréttir verða nú með hefðbundnum brag, en tvö síðustu haust hafa ver...

Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...