Vinsamlegast athugið að þetta efni er eldra en 3 ára.
Formaður Skógræktarfélags Suður-Þingeyinga, Agnes Þórunn Guðbergsdóttir, með Vigdísi Finnbogadóttur, fyrr­verandi forseta Íslands, í Fossselsskógi.
Formaður Skógræktarfélags Suður-Þingeyinga, Agnes Þórunn Guðbergsdóttir, með Vigdísi Finnbogadóttur, fyrr­verandi forseta Íslands, í Fossselsskógi.
Fréttir 29. júní 2018

Unnið að uppbyggingu í Fossselsskógi og í Hjalla í Reykjadal

Höfundur: Margrét Þóra Þórsdóttir
Skógræktarfélag Suður-Þingeyinga hefur í sinni umsjá tvö s­væði, Fossselsskóg, sem liggur vestan megin í Fljótsheiði við Skjálf­andafljót og Hjallaheiði, sem er í landi Hjalla í Reykjadal. Félagið hefur staðið fyrir þó nokkurri útplöntun á svæðunum á liðnum árum.
 
Aðalfundur skógræktarfélagsins var haldinn nýlega, en félagið var stofnað 19. apríl árið 1943 og eru innan þess starfandi alls fimm deildir, Skógræktarfélag Fnjóskdæla, Húsavíkur, Svalbarðsstrandar, Reykdælinga og Reykhverfinga. Félagafjöldi hefur staðið í stað undanfarin ár, en alls voru 213 félagar skráðir í lok ársins 2017. Formaður Skógræktarfélags Suður-Þingeyinga er Agnes Þórunn Guðbergsdóttir. Aðrir í stjórn eru Hildigunnur Jónsdóttir ritari, Dagur Jóhannesson gjaldkeri, Ketill Tryggvason og Atli Jespersen meðstjórnendur.
 
Aðgengilegt útivistarsvæði fyrir almenning
 
Skógræktarfélag Suður-Þingeyinga tók helming af Fossselsskógi á leigu af Skógrækt ríkisins árið 1960 og allan skóginn 6 árum síðar, eða um 90 hektra lands. Mest hefur þar verið plantað af rauðgreni, lerki, blágreni og stafafuru. Agnes segir að markvisst hafi verið unnið að því að gera skóginn aðgengilegan sem útivistarsvæði fyrir almenning, en merktir göngustígar eru í skóginum og fræðsluskilti. Hin síðari ár hefur sífellt meira verið lagt upp úr grisjun og þá hafa jólatré verið tekin í skóginum til sölu. Þannig voru alls tekin 54 tré úr skóginum fyrir síðustu jól, einkum blágreni, en einnig rauðgreni og fjallaþinur.
 
Á liðnu ári bar það hæst í starfsemi félagsins að unnið var að undirbúningi aðalfundar Skógræktarfélags Íslands sem haldinn var á heimaslóðum Suður-Þingeyinga. Hér eru aðalfundargestir á ferðinni.
 
Ríflega 600 hektara svæði á heiðarlandi Hjalla
 
Skógræktarfélag Suður-Þingey­inga hefur frá árinu 1995 haft landsspildu úr landi Hjalla í Reykjadal á leigu frá ríkinu. Síðar var gengið frá leigusamningi á heiðarlandi Hjalla, alls 613 hektara stórt svæði. „Í framhaldi af því var okkur veitt leyfi til stofnunar lögbýlisins Hjallaheiði. Þar hefur verið plantað í um 90 hektara svæði samkvæmt samningi við Landgræðsluskóga og var því verki lokið árið 2014,“ segir Agnes, en á tímabilinu frá 2008 til 2015 var plantað í um 70 hektara svæði á vegum Norðurlandsskóga.
 
Markvisst hafi verið unnið að því að gera Fossselsskóg aðgengilegan sem útivistarsvæði fyrir almenning.
 
Gestgjafar aðalfundar Skógræktarfélags Íslands
 
Á liðnu ári bar það hæst í starfsemi félagsins að unnið var að undirbúningi aðalfundar Skógræktarfélags Íslands sem haldinn var á heimaslóðum Suður-Þingeyinga, í Stórutjarnarskóla. Fundurinn var haldinn síðla í ágúst og sóttu hann á annað hundrað manns. Farið var um héraðið og hinir ýmsu staðir og skógar heimsóttir í vettvangsferð, en m.a. var Fræhöllin í Vaglaskógi skoðuð og þar veitinga notið. Fimm félagsmenn úr Skógræktarfélagi S-Þingeyinga voru heiðraðir fyrir störf í þágu skógræktar, þau Atli Vigfússon úr Skógræktarfélagi Reykhverfinga, Álfhildur Jónsdóttir, Skógræktarfélagi Fnjóskdæla, Dagur Jóhannesson, Indriði Ketilsson og Ólafur Eggertsson, Skógræktarfélagi Svalbarðsstrandar.
 
Í tilefni af aðalfundinum var ýmislegt fært til betri vegar í Fossselsskógi, bílastæði var stækkað við Geirasel, túnþökur lagðar og fánastöng reist, Geirasel var þrifið og málað, kamar klæddur og málaður, skilti máluð og ný skilti sett upp til upplýsingar um trjátegundir og svæði. Fjallaþinslundur og lindifurulundur voru grisjaðir og nýir viðarbekkir sem Lars Níelssen smíðaði voru settir upp.    
Rökstuddur grunur um blóðþorra
Fréttir 3. desember 2021

Rökstuddur grunur um blóðþorra

Veira sem getur valdið sjúkdómnum blóðþorra í laxi, Infectious salmon anaemia, h...

Nýsköpunar- og þróunarsetur verði byggt upp á Vesturlandi
Fréttir 3. desember 2021

Nýsköpunar- og þróunarsetur verði byggt upp á Vesturlandi

Landbúnaðarháskóli Íslands og Háskólinn á Bifröst hafa tekið höndum saman um að ...

Ísland er enn í sérflokki þegar kemur að lítilli notkun sýklalyfja í landbúnaði
Fréttir 3. desember 2021

Ísland er enn í sérflokki þegar kemur að lítilli notkun sýklalyfja í landbúnaði

Samkvæmt skýrslu European Medicine Agency, sem kom út í síðustu viku, er sýklaly...

Landselastofninn við sögulegt lágmark
Fréttir 3. desember 2021

Landselastofninn við sögulegt lágmark

Hafrannsóknastofnun leggur til að beinar veiðar á landsel verði áfram takmarkaða...

Innflutningur á dönskum jólatrjám dregst saman en sala íslenskra eykst
Fréttir 2. desember 2021

Innflutningur á dönskum jólatrjám dregst saman en sala íslenskra eykst

Fyrsta helgin í sölu íslenskra jólatrjáa er nú fram undan í íslenskum jólaskógum...

Fjármálaráðherra vill skoða kaup á Hótel Sögu
Fréttir 2. desember 2021

Fjármálaráðherra vill skoða kaup á Hótel Sögu

Í frumvarpi fjármálaráðherra til fjárlaga fyrir árið 2020 er lagt til að skoða m...

Sauðfjárbændum hefur fækkað um ríflega þriðjung á 40 árum
Fréttir 2. desember 2021

Sauðfjárbændum hefur fækkað um ríflega þriðjung á 40 árum

Á síðasta ári voru sauðfjárbændur í landinu 2.078 samkvæmt haustskýrslum og höfð...

Sóknarmöguleikar sem verðskulda athygli og uppbyggingu
Fréttir 2. desember 2021

Sóknarmöguleikar sem verðskulda athygli og uppbyggingu

„Mér finnst ég standa inni í málaflokki sem er bæði tengdur sterkt inn í fortíð ...