Vinsamlegast athugið að þetta efni er eldra en 6 ára.
Hér er ein tegundin af svokölluðu „flat free” efni.
Hér er ein tegundin af svokölluðu „flat free” efni.
Fréttir 29. maí 2017

Umhirða dekkja á vinnuvélum

Að hugsa vel um dekkin sín eykur endingu þeirra og sparar eldsneyti. Rangt loftmagn í hjólbörðum getur aukið eldsneytiseyðslu um allt að 20%. 
 
Allt of fáir mæla reglulega loftþrýsting í hjólbörðum á tækjunum sínum. Í öllum tækjum er gefinn upp hæfilegur loftþrýstingur, annaðhvort á límmiða á tækinu eða í handbók tækisins. Algengast er að í hjólbarða vanti loft, annaðhvort vegna leka eða með ráðum gert til að ná meira floti eða fjöðrun með hjólbörðunum. Tegundir hjólbarða eru fjölmargar og eru flestir hjólbarðaframleiðendur með svipað loftmagn í dekkjunum. Þó hefur Michelin hannað hjólbarða sem má keyra á lægra loftmagni en hjá flestum öðrum framleiðendum og fyrir vikið er allt að 16% stærri flötur Michelin-hjólbarðans sem kemur við jörðina miðað við hefðbundna dráttarvélahjólbarða. Hjá hjólbarðasölum og innflytjendum hjólbarða er hægt að fá upplýsingar um rétt loftmagn í hjólbörðunum sem þeir eru að selja.
 
„Galdraefni sett í dekkin svo þau springi ekki“
 
Það getur verið tímafrekt ef hjólbarði springur undir tæki sem er í fullri vinnu. Rífa undan, fara með á verkstæði, láta laga og undir aftur. Þetta getur tekið marga klukkutíma og jafnvel allan daginn, þrátt fyrir að öll verkfæri séu til staðar. Kostnaður við einn sprunginn hjólbarða getur því kostað allt upp undir eitt hundrað þúsund og bara út af litlum nagla. Svo ekki sé talað um tafir á verkinu og útreiknað tímakaup þess sem vinnur verkið við hjólbarðaskiptin. 
 
Margir þeirra sem eru með skotbómulyftara, hjólaskóflur og traktorsgröfur á byggingarsvæðum eða þar sem vænta má nagla og ýmissa annara aðskotahluta sem geta lent í hjólbörðunum, láta setja efni inn í hjólbarðana til að þeir springi síður hjá þeim. Í daglegu tali er þetta efni kallað „flaat free“ og er í vökvaformi með litlum trefjum inni í vökvanum sem fer í gatið. Er þetta selt undir ýmsum nöfnum. Ef nagli eða skrúfa fer í hjólbarða sem er með þessu efni er naglinn/skrúfan tekin í burtu og ekið af stað og efnið lokar gatinu.
 
Reynslan af „flaat free“ er góð 
 
Gröfumaður, sem lét setja svona í gömul lúin framdekkin á gröfunni sinni í vetur sem leið, var ánægður  þegar hann kom til að setja ný dekk undir að framan. Sagðist hann hafa tekið á milli 5 og 10 nagla og skrúfur úr dekkjunum í vetur og aldrei bætt lofti í þau. Í venjulegan traktor myndi svona efni kosta á bilinu 50–60.000. Hægt er að setja þetta efni í hjólbarðana með sérstöku verkfæri án þess að taka hjólbarðana undan vélinni. Svona efni fæst á mörgum hjólbarðaverkstæðum, en efnið sem ég hef kynnst er sagt umhverfisvænt  og er selt hjá N1 undir heitir Safety Wheel2.
Nýr formaður kjörinn
Fréttir 23. febrúar 2024

Nýr formaður kjörinn

Hjörtur Bergmann Jónsson var kjörinn formaður deildar skógarbænda á fundi deilda...

Sex minkabú eftir á landinu
Fréttir 23. febrúar 2024

Sex minkabú eftir á landinu

Björn Harðarson, bóndi í Holti í Flóa, hefur tekið við sem formaður deildar loðd...

Eðlilegur blóðhagur þrátt fyrir blóðtöku
Fréttir 23. febrúar 2024

Eðlilegur blóðhagur þrátt fyrir blóðtöku

Íslenskar blóðmerar áttu auðvelt með að halda uppi eðlilegum blóðhag þrátt fyrir...

Áhersla á greiðslumarkið
Fréttir 22. febrúar 2024

Áhersla á greiðslumarkið

Á deildarfundi sauðfjárbænda hjá Bændasamtökum Íslands var samþykkt nær samhljóð...

Nú þarf að láta verkin tala
Fréttir 22. febrúar 2024

Nú þarf að láta verkin tala

Halldóra Hauksdóttir verður áfram formaður búgreinadeildar eggjabænda. Meðstjórn...

Misræmi milli framleiðslu og greiðslumarkseignar
Fréttir 22. febrúar 2024

Misræmi milli framleiðslu og greiðslumarkseignar

Tveir mjólkurframleiðendur uppfylltu ekki yfir 200.000 lítra af greiðslumarki í ...

Formannsslagur í vændum
Fréttir 22. febrúar 2024

Formannsslagur í vændum

Gunnar Þorgeirsson og Trausti Hjálmarsson hafa gefið kost á sér í embætti forman...

Betri afkoma í garðyrkju
Fréttir 22. febrúar 2024

Betri afkoma í garðyrkju

Afkoma ylræktenda fer batnandi en útiræktenda versnandi.