Um 70 milljónir til menningar, atvinnuþróunar og nýsköpunar
Höfundur: Margrét Þóra Þórsdóttir
Uppbyggingarsjóður Norðurlands eystra úthlutaði við athöfn á Breiðumýri í Reykjadal rúmlega 70 milljónum króna til menningar, atvinnuþróunar og nýsköpunar á starfssvæði Eyþings, sem er Eyjafjörður og Þingeyjarsýslur. Sjóðurinn er hluti af samningi milli Eyþings og ríkisins um Sóknaráætlun Norðurlands eystra 2015-2019.
Uppbyggingarsjóður er samkeppnissjóður og veitir verkefnastyrki til menningarverkefna, atvinnuþróunar og nýsköpunar, auk stofn- og rekstrarstyrkja til menningarmála.
Uppbyggingarsjóði bárust samtals 190 umsóknir, þar af 58 til atvinnuþróunar og nýsköpunar og 132 til menningar. Sótt var um 111,8 milljónir, þar af 56,3 til atvinnuþróunar og nýsköpunar og 55,4 til menningarstarfs. Uppbyggingarsjóður samþykkti að veita 93 verkefnum styrkvilyrði að upphæð 70,1 mkr. Áætlaður heildarkostnaður við verkefnin er rúmar 300 mkr.
