Vinsamlegast athugið að þetta efni er eldra en 3 ára.
Twist – snúningssokkar
Hannyrðahornið 21. mars 2018

Twist – snúningssokkar

Höfundur: Hanverkskúnst
Þessir sokkar eru skemmtilega stílhreinir og frekar einfaldir að prjóna. Ekki skemmir fyrir að í marsmánuði er Drops Delight og Drops Fabel með 30% afslætti svo þá er tilvalið að skella í skemmtilega sokka, vettlinga eða sjöl. 
 
Þeir sem ekki eiga heimangengt í verslunina geta verslað garnið í netversluninni okkar á www.garn.is.
 
Stærð: 
35/37 - 38/40 - 41/43.
Lengd fótar: ca 22 - 24 - 27 cm
 
Garn: Drops Fabel 
100 gr í allar stærðir litur nr 602, silfur refur
 
Sokkaprjónar nr 2,5 – eða sú stærð sem þarf til að 24L og 32 umf í sléttu prjóni = 10x10 cm.
 
ÚRTAKA (á við um hæl):
Prjónið þar til 2L eru eftir á undan prjónamerki, prjónið 2L slétt saman, prjónamerki, takið 1L óprjónaða, 1L sl, steypið óprjónuðu L yfir.
 
VINSTRI SOKKUR:
Fitjið upp 56-60-64 lykkjur. Prjónið 2 umf slétt. Prjónið nú stroff þannig: *Prjónið 1L sl, 3L br*, endurtakið frá *-*. Þegar stroffið mælist 4 cm er prjónað áfram þannig: Setjið 1 prjónamerki í 1. L og 1 prjónamerki í 25.- 29.- 33. L. Haldið áfram með stroff 1 sl, 3 br, JAFNFRAMT í hverri umf er fækkað um 1L eftir fyrsta prjónamerki og aukið út um 1L á undan seinna prjónamerki þannig að stroffið færist til. Fækkið lykkjum með því að taka 1L óprjónaða við prjónamerki, prjónið 1L, steypið óprjónuðu lykkjunni yfir og aukið út með því að slá uppá prjóninn á undan seinna prjónamerki – uppslátturinn er prjónaður snúinn slétt eða brugðið í næstu umf og jafnóðum inn í stroff. Lykkjufjöldinn er alltaf sá sami. Haldið svona áfram þar til stykkið mælist 17-18-19 cm. Prjónið nú inn lausan þráð yfir síðustu 31L á prjóninum, (eins og þegar merkt er fyrir þumli), lykkjur fyrir hæl. Haldið nú áfram með stroff yfir 25-29-33 L ofan á rist, en slétt yfir restina á lykkjunum. Haldið áfram með snúninginn eins og áður, en þær lykkjur sem aukið er út eru hér eftir prjónaðar með sléttu prjóni, fjöldi lykkja í stroffi fækkar, fjöldi lykkja með sléttu prjóni eykst. Haldið svona áfram þar til stykkið mælist 11-13-16 cm frá lausa þræðinum (= ca 5 cm til loka, allar lykkjur eru nú prjónaðar með sléttu prjóni). Setjið 1 prjónamerki í hvora hlið þannig að það verða 28-30-32 L ofan á rist og 28-30-32 L undir il. Prjónið nú slétt prjón yfir allar lykkjurnar, JAFNFRAMT er lykkjum fækkað við tá hvoru megin við bæði prjónamerkin. Fellið af á undan prjónamerki 1L sl, 2 sl sm, og á eftir prjónamerki prjónið 1L sl, 2L snúið slétt saman. Fellið af á hvorri hlið í annarri hverri umf alls 7 sinnum og síðan í hverri umf 3 sinnum = 16-20-24 lykkjuur eftir á prjónunum. Í næstu umf eru allar lykkjur prjónaðar saman 2 og 2. Klippið frá og dragið bandið í gegnum þær lykkjur sem eftir eru, herðið að og festið vel. 
 
HÆLL:
Dragið út lausa þráðinn og skiptið lykkjunum hvoru megin við þráðinn á sokkaprjóna nr 2,5 = 62L. Byrjið frá hlið og prjónið þannig: Prjónið yfir 31L undir hæl, prjónið upp 2 nýjar lykkjur frá hlið, prjónið yfir 31L aftan við hæl og prjónið upp 2 nýjar lykkjur frá hlið = 66L. Setjið 1 prjónamerki á milli 2 nýrra lykkja á hvorri hlið. Prjónið sléttprjón, JAFNFRAMT er fækkað á hvorri hlið í annarri hverri umf alls 10 sinnum – LESIÐ ÚRTAKA! = 26L eftir á prjóninum. Prjónið 1 umf yfir allar lykkjurnar. Fellið af. Saumið saman hæl með lykkjuspori, við affellingarkantinn. 
 
HÆGRI SOKKUR:
Fitjið upp og prjónið eins og vinstri sokkur, nema þegar stroffið færist til er það gert þannig: Setjið 1 prjónamerki í 1. L og 1. prjónamerki í 29.- 33.- 37. L. Haldið áfram með stroff 1 sl, 3 br, JAFNFRAMT í hverri umf er aukið út um 1L á eftir fyrsta prjónamerki og fækkað um 1L á undan öðru prjónamerki þannig að stroffið færist til. Aukið út með því að slá uppá prjóninn á eftir fyrsta prjónamerki, uppslátturinn er prjónaður snúinn slétt eða brugðið í næstu umf og jafnóðum inn í stroff. Fellt er af á undan öðru prjónamerki þannig: Prjónið lykkju með prjónamerki og lykkju á undan slétt saman. Haldið áfram eins og á vinstri sokk.
 
Prjónakveða
Mæðgurnar í Handverkskúnst
www.garn.is 
 
Erfðabreytt búfé
Fréttir 6. desember 2021

Erfðabreytt búfé

Erfðafræðingar binda vonir við að með aðstoð erfðatækni megi koma í veg fyrir al...

Íbúar hópfjármagna byrjun framkvæmda
Fréttir 6. desember 2021

Íbúar hópfjármagna byrjun framkvæmda

„Undanfarin ár hefur sveitarstjórn Húnaþings vestra lagt áherslu á að framkvæmdu...

Óviðunandi vetrarþjónusta við vinsæla ferðamannastaði
Fréttir 6. desember 2021

Óviðunandi vetrarþjónusta við vinsæla ferðamannastaði

Það er til mikils að vinna að koma á bættri vetrarferðaþjónustu á Norðurlandi. E...

Erlendir ferðamenn hafa greitt um 30 milljónir fyrir ferðir um Vaðlaheiðargöng
Fréttir 6. desember 2021

Erlendir ferðamenn hafa greitt um 30 milljónir fyrir ferðir um Vaðlaheiðargöng

Erlendir ferðamenn sem farið hafa um Vaðlaheiðargöng á þessu ári hafa greitt fyr...

Nýtt 450 íbúða hverfi byggt í Þorlákshöfn
Fréttir 6. desember 2021

Nýtt 450 íbúða hverfi byggt í Þorlákshöfn

Framkvæmdir eru hafnar við uppbyggingu fyrsta áfanga Móabyggðar, nýs 450 íbúða h...

Rökstuddur grunur um blóðþorra
Fréttir 3. desember 2021

Rökstuddur grunur um blóðþorra

Veira sem getur valdið sjúkdómnum blóðþorra í laxi, Infectious salmon anaemia, h...

Nýsköpunar- og þróunarsetur verði byggt upp á Vesturlandi
Fréttir 3. desember 2021

Nýsköpunar- og þróunarsetur verði byggt upp á Vesturlandi

Landbúnaðarháskóli Íslands og Háskólinn á Bifröst hafa tekið höndum saman um að ...

Ísland er enn í sérflokki þegar kemur að lítilli notkun sýklalyfja í landbúnaði
Fréttir 3. desember 2021

Ísland er enn í sérflokki þegar kemur að lítilli notkun sýklalyfja í landbúnaði

Samkvæmt skýrslu European Medicine Agency, sem kom út í síðustu viku, er sýklaly...