Lambahryggvöðvi var aðalréttur.
Lambahryggvöðvi var aðalréttur.
Mynd / Kokkalandsliðið
Fréttir 8. febrúar 2024

Tvenn gullverðlaun

Höfundur: Sigurður Már Harðarson

Íslenska kokkalandsliðið keppti á Ólympíuleikunum í matreiðslu í Stuttgart í Þýskalandi á sunnudaginn og þriðjudaginn sl. og fékk íslenska liðið gull fyrir báða dagana.

Á sunnudeginum var „Chefs table­dagur“, þar sem 11 réttir eru eldaðir fyrir 12 manns. Á seinni keppnisdeginum eldaði íslenska landsliðið þriggja rétta máltíð fyrir 110 manns.

Þjóðlegt hráefni

Þórir Erlingsson, forseti Klúbbs íslenskra matreiðslumeistara, segir að íslenska landsliðið leggi mikið upp úr þjóðlegu hráefni. „Við notum fullt af íslensku grænmeti, íslenskan fisk og lambakjötið sem lykilhráefni. Íslenskt grænmeti er í margvíslegu hlutverki sem meðlæti og í smáréttum og raunar má segja að við reynum að nota innlent hráefni eins mikið og við getum. Á seinni deginum vorum við með þorsk í forrétt og lambahrygg í aðalrétt,“ segir Þórir.

Allt notað

Spurður hvernig hryggurinn hafi verið eldaður, hvort vöðvinn hafi verið notaður einn og sér, segir Þórir að þau hafi fengið heilan hrygg frá Kjarnafæði en úrbeini hann svo sjálf, að eiginlega allt sé notað með einum eða öðrum hætti. „Fitan er notuð, en hún er ekki með þegar við berum matinn fram. Eins notum við ýmiss konar afskurð sem notaður er til að búa til fars, sem síðan er notað sem fylling í eins konar brauðkollu. Hluti keppninnar er einmitt að sýna fram á góða nýtingu á hráefninu. Þetta snýst fyrst og fremst um að sýna fram á framúrskarandi fagmennsku í meðhöndlun og nýtingu á hráefninu til að skila afburðagóðum mat á diskana. Íslenska kokkalandsliðið er að mörgu leyti vannýtt auðlind fyrir markaðssetningu á íslenskum matvælum á erlendri grundu.“

Heildarstigafjöldinn gildir

Til að fá gull þurfa landsliðin að ná í stig á bilinu 91­100. Samanlögð stigatala úr báðum keppnisdögum gildir svo í heildarkeppninni.

Þegar blaðið fór í prentun var enn beðið eftir heildarúrslitum frá keppnisdögunum tveimur.

Styrkir til vatnsveitna á lögbýlum
Fréttir 5. mars 2024

Styrkir til vatnsveitna á lögbýlum

Enn er opið fyrir umsóknir um framlög vegna vatnsveitna á lögbýlum sbr. regluger...

Tilboðsmarkaður opinn
Fréttir 4. mars 2024

Tilboðsmarkaður opinn

Markaður fyrir greiðslumark mjólkur verður haldinn þann 1. apríl næstkomandi.

Ríkt af B12-vítamíni, fólati, kalíum og sinki
Fréttir 1. mars 2024

Ríkt af B12-vítamíni, fólati, kalíum og sinki

Samkvæmt niðurstöðum verkefnis sem nýlega var unnið hjá Matís, um nýtingu og nær...

Vaxtalækkun lána
Fréttir 1. mars 2024

Vaxtalækkun lána

Fram kom í frétt Bændablaðsins, 2. nóvember 2023, að stjórn Byggðastofnunar hefð...

Endurvinnslan er mest innanlands
Fréttir 29. febrúar 2024

Endurvinnslan er mest innanlands

Guðlaugur Gylfi Sverrisson, rekstrarstjóri Úrvinnslusjóðs, segir stjórn sjóðsins...

Háskóladagurinn á fjórum stöðum
Fréttir 29. febrúar 2024

Háskóladagurinn á fjórum stöðum

Háskóladagurinn verður haldinn í Reykjavík laugardaginn 2. mars.Þá gefst fólki k...

Rýnt í lagaumgjörð hvalveiða
Fréttir 29. febrúar 2024

Rýnt í lagaumgjörð hvalveiða

Forsætisráðherra hefur skipað starfshóp sem falið er að skoða lagaumgjörð hvalve...

Rækta má hundruð kílóa kjöts af einni stofnfrumu
Fréttir 28. febrúar 2024

Rækta má hundruð kílóa kjöts af einni stofnfrumu

Vistkjöt var boðið til smökkunar í Kópavoginum um miðjan mánuð, í fyrsta sinn í ...