Tillögur um landbúnaðarstefnu fyrir Ísland kynntar á morgun
Höfundur: smh
Kristján Þór Júlíusson, sjávarútvegs- og landbúnaðarráðherra, býður til opins streymisfundar um Ræktum Ísland!, umræðuskjal um landbúnaðarstefnu fyrir Ísland, miðvikudaginn 5. maí klukkan 09:30.
Á fundinum verða einnig Björn Bjarnason, fyrrverandi ráðherra og þingmaður, og Hlédís H. Sveinsdóttir, ráðgjafi og verkefnastjóri, en þau skipa verkefnisstjórn um landbúnaðarstefnu fyrir Ísland og hafa nú skilað tillögum sínum til ráðherra sem kynntar verða á fundinum.
Tillögurnar eru liður í mótun stefnunnar og er ætlunin að nýta umræðuskjalið við frekara samráð og í framhaldinu endanlega útfærslu landbúnaðarstefnu fyrir Ísland.
