Vinsamlegast athugið að þetta efni er eldra en 2 ára.
Sölvi Arnarson, ábúandi að Efsta-dal II og formaður Félags ferðaþjónustu bænda.
Sölvi Arnarson, ábúandi að Efsta-dal II og formaður Félags ferðaþjónustu bænda.
Fréttir 29. apríl 2020

Tilbúnir þegar markaðurinn opnast aftur

Höfundur: Vilmundur Hansen

Ferðamönnum á landinu hefur fækkað gríðarlega í kjölfar COVID-19 faraldursins. Formaður Félags ferðaþjónustubænda segir að ýmis úrræði séu til staðar til að koma fyrirtækjum í gegnum vandann og að ferðaþjónustubændur verði tilbúnir í slaginn þegar hjólin fara að snúast aftur.

Sölvi Arnarson, ábúandi að Efsta-dal II og formaður Félags ferðaþjónustu bænda, segir að vegna COVID-19 séu ekki margir ferðamenn á ferð á landinu um þessar mundir.

„Satt best að segja eru sárafáir á ferð og ef við tölum um erlenda ferðamenn þá eru þeir síðustu líklega að fara úr landi þessa dagana. Hjá okkur hér í Efsta-dal hefur einn og einn ferðamaður verið að kíkja við síðustu daga og þá fólk á eigin vegum. Mér skilst að ástandið sé svipað hjá kollegum mínum um allt land.“

Ferðaþjónustubændur fara að reglum

„Ég held að fyrsta aðgerð hjá ferðaþjónustubændum líkt og öðrum sé að huga að heilsunni og fara að ráðum og reglum landlæknis og sóttvarnateymisins. Ferðaþjónustubændur fara að reglum um samkomubann og reyndar tel ég að stór hluti af okkar félagsmönnum sé með lokað eins og stendur.“

Blandaður búskapur

Sölvi segir að auk ferðaþjónustu séu margir bændur með blandaðan búskap, sauðfjár- eða kúabú. „Þeir sem haga hlutunum þannig eru að sinna þeim hluta búskaparins og ekkert annað að gera en að bíða eftir að hjól ferðaþjónustunnar fari að snúast aftur í júní.“
Margir að leggja sitt af mörkum

„Staðan hjá þeim sem eingöngu eru með ferðaþjónustu er eðlilega erfið. Ríkið er að leggja sitt af mörkum og það munar mikið um þær aðgerðir. Vinnuskerðingarleiðin hjálpar mörgum, hvort sem það eru atvinnurekendur eða launþegar. Bankarnir eru einnig opnir fyrir því að aðstoða fólk vegna afborgana af lánum og því úrræði þar og sveitarfélögin hafa gefið vilyrði fyrir frestun á fasteignagjöldum. Það eru því mörg úrræði í boði og margir að leggja sitt af mörkum til að koma til móts við fólk vegna ástandsins.
Félag ferðaþjónustubænda vinnur einnig í samstarfi við Ráðgjafar­miðstöð landbúnaðarins að því að veita þeim sem slíkt þurfa fjármálaráðgjöf. Í fyrstu atrennu eru þetta allt stór skref í rétta átt og ég hvet okkar félagsmenn til að nýta þau.“

Tilbúnir þegar markaðurinn opnast

Sölvi segir að ferðaþjónustubændur ætli ekki að láta deigan síga og séu tilbúnir þegar markaðir opnast aftur og fara í gang með auglýsingaherferð og láta vita af sér.

„Félag ferðaþjónustubænda er hluthafi í Ferðaþjónustu bænda og hún sinnir gríðarlega öflugu markaðsstarfi og verður tilbúin í slaginn þegar verður flautað til leiks að nýju,“ segir Sölvi Arnarsson, formaður Félags ferðaþjónustu bænda. 

Nesbú með nýtt lífrænt hænsnahús í Flóanum fyrir 18 þúsund fugla
Fréttir 16. maí 2022

Nesbú með nýtt lífrænt hænsnahús í Flóanum fyrir 18 þúsund fugla

Nesbú á Vatnsleysuströnd er þessa dagana að taka í notkun nýtt og glæsilegt lífr...

Kolvetnasnauðu Queen Anne kartöflurnar fá góðar viðtökur
Fréttir 16. maí 2022

Kolvetnasnauðu Queen Anne kartöflurnar fá góðar viðtökur

Nýverið kom á markað kartaflan Queen Anne frá Þórustaða Kartöflum sem hefur mun ...

Arfgerðin T137 finnst á Botnum og reynist útbreidd á Árskógsströndinni
Fréttir 16. maí 2022

Arfgerðin T137 finnst á Botnum og reynist útbreidd á Árskógsströndinni

Arfgerðar­greiningar á príon­próteini (PrP) kinda eru nú í fullum gangi. Að sögn...

„Ég hef lagt niður vopnin“
Fréttir 13. maí 2022

„Ég hef lagt niður vopnin“

Sigríður Jónsdóttir bóndi og fjölskyldan í Arnarholti í Biskups­tungum ætla að h...

Kúabændur misvel í stakk búnir til að bregðast við versnandi rekstrarhorfum
Fréttir 13. maí 2022

Kúabændur misvel í stakk búnir til að bregðast við versnandi rekstrarhorfum

Herdís Magna Gunnarsdóttir, bóndi á Egilsstöðum á Fljóts­dalshéraði, var kjörin ...

Verndandi arfgerðir gegn riðu nokkuð algengar í íslensku fé á Grænlandi
Fréttir 13. maí 2022

Verndandi arfgerðir gegn riðu nokkuð algengar í íslensku fé á Grænlandi

Sandkoli og hryggleysingjar
Fréttir 13. maí 2022

Sandkoli og hryggleysingjar

Atvinnuveganefnd hefur til umfjöllunar frumvarp þar sem fjallað er um veiðistjór...

Tryggir félagslegan stuðning við bændur
Fréttir 12. maí 2022

Tryggir félagslegan stuðning við bændur

Tryggir félagslegan stuðning við bændur Guðmundur Ingi Guðbrandsson, félags- og ...