Vinsamlegast athugið að þetta efni er eldra en 3 ára.
Gísli Matthías Sigurðsson á nautinu sínu Geysi árið 1937.  Mynd / Helga Sigurðardóttir systir Gísla.
Gísli Matthías Sigurðsson á nautinu sínu Geysi árið 1937. Mynd / Helga Sigurðardóttir systir Gísla.
Líf og starf 8. ágúst 2019

Tamdi naut til reiða

Höfundur: Vilmundur Hansen

Gísli Matthías Sigurðsson, bóndi í Miðhúsum í Garði, virðist hafa verið kenjóttur og skemmtilegur maður sem bæði tamdi naut sem reiðskjóta og stofnaði útvarpsstöðina Eilífðina á Vífilsstöðum.

Gísli fæddist ári 1895 og því liðin 124 ár frá fæðingu hans. Gísli fæddist í Reykjavík en eftir að hann kynntist Ingibjörgu Þorgerði Guðmundsdóttur fluttist hann í Garðinn þaðan sem Ingibjörg var ættuð. Ingibjörg lést árið 1936 frá ellefu börnum. Fáeinum árum síðar sýktist Gísli af berklum og bjó að Vífilsstöðum í 36 ár.

Eins og besti hestur

Í viðtali sem birtist í Þjóðviljanum 26. september 1965 segir Gísli að hann hafi tamið nautið Geysi til reiða og fyrir plóg til að plægja garða. „Ég hafði hann fyrst með hesti og batt tauminn á tudda við aktygin og rak svo á eftir ef þurfti. Eftir nokkurn tíma gat ég teymt hann við hlið á hesti. Svo datt mér í hug hvernig hann brygðist við ef ég færi á bak honum. Hann var eins og bezti hestur, ég hefði getað riðið honum út í sjóinn. Hann var alveg sérstök skepna. Einu sinni sendi ég mann eftir tudda upp á tún og tók sá í horn honum, en tudda þótti við hann fyrir og hrinti honum svo hann féll. Ég hljóp af stað, dauðhræddur um manninn og kallaði til tudda og labbaði hann þá út í horn á girðingunni. Honum var illa við skegg á mönnum. Einu sinni kom mjög skeggjaður bóndi með beljur, en tuddi leit ekki við beljunni fyrr en hann hafði rekið skeggmanninn í burtu!

Hann var felldur 3ja og hálfs árs. Ég gat ekki horft á hann skotinn og felldi tár þegar ég heyrði skotið.“

Útvarpsstöðin Eilífðin

Að sögn Sigrúnar Guðmunds­dóttir, barnabarns Gísla, reið Gísli nautinu meðal annars frá Garði til Keflavíkur og víða enda var Geysir einstaklega ljúfur gripur.

„Eftir að afi flutti á Vífilsstaði stofnaði hann útvarpsstöð sem fékk heitið Eilífðin og er líklega fyrsta einkarekna útvarpsstöðin á Íslandi og hann eyddi öllu sem hann átti til að spila lög og skemmta sjúklingum og starfsfólki þar.“ 

Sólarorkuver á fjósþaki
Fréttir 25. nóvember 2022

Sólarorkuver á fjósþaki

Á Eystri-Leirárgörðum var nýlega sett upp raforkuver á útihús. Þetta er hluti af...

Ísland skuldbundið til að vakta lífríkið
Fréttir 25. nóvember 2022

Ísland skuldbundið til að vakta lífríkið

Grænbók stjórnvalda um líffræðilega fjölbreytni íslenskra vistkerfa var birt í S...

Nytjaréttur viðurkenndur
Fréttir 24. nóvember 2022

Nytjaréttur viðurkenndur

Í nýrri skýrslu um stöðu og áskoranir þjóðgarða og annarra friðlýstra svæða segi...

Átak í sálrænni líðan
Fréttir 24. nóvember 2022

Átak í sálrænni líðan

Í Skotlandi hefur verkefni verið hleypt af stokkunum sem á að gæta að geðrænni h...

Varmadælur skjótvirkasta orkan og alvöru orkuöflun
Fréttir 24. nóvember 2022

Varmadælur skjótvirkasta orkan og alvöru orkuöflun

Sigurður Ingi Friðleifsson, sviðsstjóri loftslagsbreytinga, orkuskipta og nýsköp...

Alls verða 23 nýir hrútar kynntir inn á sæðingastöðvarnar
Fréttir 23. nóvember 2022

Alls verða 23 nýir hrútar kynntir inn á sæðingastöðvarnar

Hinir árlegu hrútafundir, þar sem hrútaskráin er kynnt og ræktunarmálin rædd, er...

Greiddu 465 milljónir kr.
Fréttir 23. nóvember 2022

Greiddu 465 milljónir kr.

Í lok október greiddi matvælaráðuneytið 465 milljónir króna til bænda sem álag á...

Mikil fjölgun íbúa
Fréttir 22. nóvember 2022

Mikil fjölgun íbúa

Íbúar Hvalfjarðarsveitar eru nú orðnir 750 og hefur þeim fjölgað um 63 íbúa frá ...