Vinsamlegast athugið að þetta efni er eldra en 7 ára.
Syðri-Fljótar
Bóndinn 26. maí 2016

Syðri-Fljótar

Kristín og Brandur keyptu jörðina Syðri-Fljóta 1. apríl 1998 af hjúkrunarheimilinu Klausturhólum. Þá voru hér 59 kindur. Búið er að taka allt í gegn og byggja hesthús og reiðhöll. 
 
Býli:  Syðri-Fljótar.
 
Staðsett í sveit: Skaftárhreppi í Vestur-Skaftafellssýslu.
 
Ábúendur: Kristín Lárusdóttir og Guðbrandur Magnússon.
 
Fjölskyldustærð (og gæludýra): 
Við eigum 2 börn; Svanhildi að verða 16 ára og Lárus að verða 10 ára. Við eigum tíkina Heru frá Laugardælum og köttinn Snældu frá Keldudal.
 
Stærð jarðar? Jörðin er 4.200 ha.
 
Gerð bús? Sauðfjárbú og tamningastöð.
 
Fjöldi búfjár og tegundir? 430 kindur og um 20 hross.
 
Hvernig gengur hefðbundinn vinnudagur fyrir sig á bænum? 
Sex mánuði á ári byrjar dagurinn á gegningum, síðan er verið í hesthúsinu allan daginn. Börnin segja að við séum í hesthúsinu alla daga. 
 
Skemmtilegustu/leiðinlegustu bústörfin? Öll bústörf mjög  skemmtileg.
 
Hvernig sjáið þið búskapinn fyrir ykkur á jörðinni eftir fimm ár? Mjög svipaðan.
 
Hvaða skoðun hafið þið á félagsmálum bænda? Höfum fylgst alltof lítið með félagsmálum bænda en erum mjög fegin að einhver vilji taka þau að sér.
 
Hvernig mun íslenskum landbúnaði vegna í framtíðinni? Vel ef verslunin í landinu fær ekki öllu stjórnað í landinu og einokar ekki fjölmiðla og ef ríkið færi nú að auglýsa allar eyðijarðirnar í Meðallandi til leigu þá yrði nú líf í kringum okkur. Það hefur orðið alveg ótrúlegur dráttur á því og hver vísar á annan í þeim málum.
 
Hvar teljið þið að helstu tækifærin séu í útflutningi íslenskra búvara? Höldum að það ætti að byrja á því að markaðssetja lambakjötið fyrir alla ferðamennina sem eru að koma til landsins.
 
Hvað er alltaf til í ísskápnum? AB mjólk, undanrenna, fjörmjólk, ostur og smjör. Erum að reyna að styrkja beljubændurna.
 
Hver er vinsælasti maturinn á heimilinu? Heimaslátrað lamba- og ærkjöt, grillað eða steikt.
 
Eftirminnilegasta atvikið við bústörfin? Þegar Kristín var valin í landsliðið í hestaíþróttum og öll fjölskyldan fór til Danmerkur á HM til að fylgja henni og Þokka þar sem þau urðu heimsmeistarar í tölti. Það var geggjað gaman.

4 myndir:

Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...

Grípa þarf tækifærin
Fréttir 26. mars 2024

Grípa þarf tækifærin

Forseti Íslands, Guðni Th. Jóhannesson, telur að bændur eigi að leyfa sér að hor...