Vinsamlegast athugið að þetta efni er eldra en 6 ára.
Jurtakryddað nautakjöt með ristuðu blómkáli og sellerírót.
Jurtakryddað nautakjöt með ristuðu blómkáli og sellerírót.
Mynd / BGK
Matarkrókurinn 12. júní 2015

Sumarsalsa og saðsamt kjöt

Höfundur: Bjarni Gunnar Kristinsson
Þrátt fyrir að hitatölur séu ekki ýkja háar það sem af er júnímánuði er um að gera að vera bjartsýn og treysta á gott grillsumar. 
 
Ristað maíssalsa gæti gefið góð fyrirheit um sól um bjarta daga. Það er ekki bara chili og tómatar í dós sem er hægt að nota í salsa. Maíssalsa er hægt að gera  og taka með sér í krukku og bæta smá ferskum jurtum út í og hræra ferskum lime-safa og söxuðum kóríander til viðbótar. Taktu þessa uppskrift og gerðu hana með þínum hætti með  þeim ávöxtum sem eru við hendina eða jafnvel agúrkum eða mangó. 
Á eftir koma tvær uppskriftir sem fólk getur dreymt um eftir að verkfalli lýkur og allar hillur fyllast af gómsætu svína- og nautakjöti.
 
Ristað maíssalsa
  • 400 g maískorn (gott að nota ferskan grillaðan maís og skera kornið af).
  • 1 meðalstór rauð paprika, söxuð
  • 2 meðalstórir tómatar, saxaðir gróft
  • smá grænt chili
  • 1/3 stk. hakkaður rauðlaukur
  • 1 tsk. rauður chili, fínt saxaður
  • 2 msk. ferskur lime safi eða úr 1 lime
  • 2 hvítlauksrif, hakkað
  • Ávextir að eigin vali
  • 2 msk. ferskur kóríander fínt saxaður
  • 1/2 tsk.  cumin-krydd
  • 1 tsk. salt
  • 1/4 tsk. svartur pipar
 
Aðferð
Hitið þurra pönnu yfir miðlungs hita þar til hún er heit. Steikið maís og papriku og hrærið þar til er brúnað í um 12 til 15 mínútur. Setjið í  skál og blandið hinum innihaldsefnum út í. Látið standa í 30 mínútur áður en framreitt með hvaða grillmat sem er. 
 
Jurtakryddað nautakjöt með ristuðu blómkáli og sellerírót
  • 2–3 sneiðar gott nautakjöt 
  • 4 tsk. hakkaður hvítlaukur 
  • 1 msk. ferskt timjan, saxað (eða villt blóðberg)
  • 2 höfuð blómkál, skipt í minni bita
  • 6 matskeiðar ólífuolía
  • 1 stk. sellerírót
  • salt og pipar
 
Aðferð
Hitið  ofninn í 180 °C. Kryddið kjötið með tveimur teskeiðum af hvítlauk jafnt á alla fleti ásamt  timjan. Ristið á pönnu í ofninum þar til mælirinn sýnir 55 °C, látið hvíla. 
 
Takið restina af hvítlauknum ásamt fjórum matskeiðum af olíu og setjið blómkál á grillpönnu eða útigrill. Kryddið með salti og pipar. Hyljið með álpappír og bakið í 45 mínútur þar til hnapparnir eru  fallega brúnaðir og blómkálið aðeins karamellað að sjá. Látið steikina standa í 15 til 20 mínútur. Skerið í þunnar sneiðar. Kryddið með salti og pipar. Berið fram með blómkálinu, sellerírótinni (í þunnum þynnum) fersku salati og góðu salsa.
 
Grilluð reykt svínakóteletta með appelsínugljáa
 
Saltvatn: (má sleppa ef þú kaupir forreyktar  kótelettur)
  • 1/2 bolli  salt
  • 1 msk. reykt salt
  • 1 tsk. svört piparkorn
  • 1 lárviðarlauf
  • 1 bolli hunang
  • 4 pokar svart te
  • 4–6 svínakótelettur á beini
 
Gljái:
  • 1 msk. ristuð sesamolía
  • 3 msk. sojasósa
  • 1/2 bolli hvítvín eða eplasafi
  • 1 appelsína, börkur og safi
  • 1 msk. mirin (sætt edik)
  • 1 msk. rifinn ferskur engifer
  • 3 matskeiðar hunang
  • Salt og pipar
 
Fyrir saltlöginn: Sameinið 1/2 lítra af köldu vatni, salti, reyktu salti, piparkorn, lárviðarlauf, hunang og tepokum í stóran poka. Setjið svínakjötið í pokann og komið fyrir í kæli. Látið kryddleggjast í tvær klukkustundir. Fjarlægið kóteletturnar úr saltvatninu og þerrið með pappír. Undirbúið grillið eða grillpönnu á miðlungsháum hita. Setjið kóteletturnar á grillið og eldið í um 6–8 mínútur á hvorri hlið.
Fyrir gljáann: Sameinið sesamolíu, sojasósu, hvítvín, appelsínubörk og safa, mirin, engifer, hunang og salt og pipar í miðlungs pott yfir miðlungshita. Látið malla í um 10 mínútur.
 
Úðið um 3 msk. af gljáa á hverja kótelettu. Skerið í sneiðar og framreiðið með salsa og meðlæti að eigin vali.

3 myndir:

Erfðabreytt búfé
Fréttir 6. desember 2021

Erfðabreytt búfé

Erfðafræðingar binda vonir við að með aðstoð erfðatækni megi koma í veg fyrir al...

Íbúar hópfjármagna byrjun framkvæmda
Fréttir 6. desember 2021

Íbúar hópfjármagna byrjun framkvæmda

„Undanfarin ár hefur sveitarstjórn Húnaþings vestra lagt áherslu á að framkvæmdu...

Óviðunandi vetrarþjónusta við vinsæla ferðamannastaði
Fréttir 6. desember 2021

Óviðunandi vetrarþjónusta við vinsæla ferðamannastaði

Það er til mikils að vinna að koma á bættri vetrarferðaþjónustu á Norðurlandi. E...

Erlendir ferðamenn hafa greitt um 30 milljónir fyrir ferðir um Vaðlaheiðargöng
Fréttir 6. desember 2021

Erlendir ferðamenn hafa greitt um 30 milljónir fyrir ferðir um Vaðlaheiðargöng

Erlendir ferðamenn sem farið hafa um Vaðlaheiðargöng á þessu ári hafa greitt fyr...

Nýtt 450 íbúða hverfi byggt í Þorlákshöfn
Fréttir 6. desember 2021

Nýtt 450 íbúða hverfi byggt í Þorlákshöfn

Framkvæmdir eru hafnar við uppbyggingu fyrsta áfanga Móabyggðar, nýs 450 íbúða h...

Rökstuddur grunur um blóðþorra
Fréttir 3. desember 2021

Rökstuddur grunur um blóðþorra

Veira sem getur valdið sjúkdómnum blóðþorra í laxi, Infectious salmon anaemia, h...

Nýsköpunar- og þróunarsetur verði byggt upp á Vesturlandi
Fréttir 3. desember 2021

Nýsköpunar- og þróunarsetur verði byggt upp á Vesturlandi

Landbúnaðarháskóli Íslands og Háskólinn á Bifröst hafa tekið höndum saman um að ...

Ísland er enn í sérflokki þegar kemur að lítilli notkun sýklalyfja í landbúnaði
Fréttir 3. desember 2021

Ísland er enn í sérflokki þegar kemur að lítilli notkun sýklalyfja í landbúnaði

Samkvæmt skýrslu European Medicine Agency, sem kom út í síðustu viku, er sýklaly...