Vinsamlegast athugið að þetta efni er eldra en 8 ára.
Frá undirritun samnings um ljósleiðaravæðingu í Húnaþingi vestra, Blöndu­ósbæ og Húnavatnshreppi annars vegar og fjarskiptasjóðs hins vegar.
Frá undirritun samnings um ljósleiðaravæðingu í Húnaþingi vestra, Blöndu­ósbæ og Húnavatnshreppi annars vegar og fjarskiptasjóðs hins vegar.
Fréttir 25. maí 2016

Styrkir til ljósleiðaravæðingar í dreifbýli

Höfundur: Margrét Þóra Þórsdóttir
Húnaþing vestra, Blönduósbær og Húnavatnshreppur eru á meðal fjórtán sveitarfélaga sem fá 450 milljóna króna styrk til uppbyggingar ljósleiðara í sveitarfélögunum til að efla fjarskiptasamband í dreifðum byggðum sem markaðurinn sinnir ekki. 
 
Fulltrúar fjarskiptasjóðs, nokkurra sveitarfélaga og innanríkisráðherra hafa skrifað undir samning um styrkinn. 
 
Alls fá 14 sveitarfélög styrki til að tengja um 900 staði með ljósleiðara og um 200 staði með ídráttarröri fyrir ljósleiðara sem kosta mun alls 450 milljónir króna. Meðalkostnaður ríkisins á hvern stað eru rúmar 400 þúsund krónur. 
 
Sveitarfélög sem fá styrk eru Borgarbyggð, Húnaþing vestra, Súðavíkurhreppur, Eyja- og Miklaholtshreppur, Sveitarfélagið Skagafjörður, Blönduósbær, Húnavatnshreppur, Norðurþing, Fljótsdalshérað, Svalbarðshreppur, Þingeyjarsveit, Rangárþing eystra, Rangárþing ytra og Kjósarhreppur.
Styrkupphæðir til hvers og eins sveitarfélags eru mjög misháar, allt frá rúmum fjórum milljónum króna og upp í yfir 100 milljónir og markast af fjölda staða sem tengja á og umfangi verkefnisins. Gert er ráð fyrir að vinna við tengingarnar fari fljótlega af stað enda hafa sveitarfélögin þegar undirbúið verkið að nokkru leyti.
 
Ólöf Nordal innanríkisráðherra, Arnbjörg Sveinsdóttir, formaður fjarskiptasjóðs, og þingmennirnir Haraldur Benediktsson og Páll Jóhann Pálsson voru viðstaddir undirritun samningsins. Haraldur og Páll Jóhann voru í starfshópi ráðherra um alþjónustu í fjarskiptum og útbreiðslu háhraða nettenginga og var sá fyrrnefndi formaður hópsins.
 
Átakið hafið með krafti
 
Innanríkisráðherra sagði við þetta tækifæri að uppbygging fjarskiptakerfa utan markaðssvæða og þá einkum ljósleiðara í dreifbýli væri eitt af markmiðum stjórnvalda sem fram koma í stefnuyfirlýsingu ríkisstjórnarinnar. Undirbúningur þessa verkefnis hefði staðið yfir í nokkur misseri og nú hæfist átakið af krafti. Ljósleiðaravæðing tryggi íbúum í dreifbýli netaðgang, styrki þróun byggðanna, efli atvinnulíf og geri þau betur í stakk búin til að rækja hlutverk sitt. Ráðherra sagði ljósleiðaratengingu hluta af nútímanum og nauðsynlegt að landsmenn geti setið við sama borð í þeim efnum. Með ljósleiðara væri grunnkerfi fjarskipta endurnýjað og þakkaði ráðherra fulltrúum sveitarfélaga fyrir þátt þeirra og áhuga á verkefninu.
 
 
Netsamband ráðandi þáttur í vali um búsetu
 
Fram hefur komið í samskiptum við sveitarstjóra í tengslum við undirbúning verksins að áframhaldandi ljósleiðaravæðing um land allt hefði jákvæð áhrif á byggðaþróun og atvinnulíf, ýtti undir fjölgun starfa og dragi úr fækkun fólks í dreifbýli. Þannig væri unnt að auka fjölbreytni atvinnutækifæra og styrkja sveitarfélög og gera þau betur í stakk búin til að sinna hlutverki sínu. Einnig kæmi æ skýrar í ljós að netsamband væri ráðandi þáttur í vali um búsetu og hefði einnig áhrif á verð eigna í dreifbýli.
Við athöfnina sögðu þeir Haraldur og Páll að þessi aðferð, að úthluta fjármagni eftir samkeppni, tryggði að hægt væri að ná stórum áföngum og hraða uppbyggingunni og lýstu þeir ánægju með samstarfið við fjarskiptasjóð og innanríkisráðuneytið. Fram undan væri að ræða reynsluna af útboðsferlinu, ræða við sveitarfélög og landshlutasamtök og auglýsa næstu áfanga í verkefninu. Frá þessu er sagt á vefnum huni.is. 
Þurfum við tolla á íslensk matvæli?
Fréttir 21. maí 2025

Þurfum við tolla á íslensk matvæli?

Samhliða umræðu um aukinn innflutning á kjöti og osti hafa komið fram áhyggjur a...

Unnt að draga úr lykt af kúamykjuáburði
Fréttir 21. maí 2025

Unnt að draga úr lykt af kúamykjuáburði

Unnt er að blanda kúamykju með hreinsiefnum og nýta sem áburð. Lyktin er minni, ...

Nám í skapandi sjálfbærni á háskólastig
Fréttir 20. maí 2025

Nám í skapandi sjálfbærni á háskólastig

Námi í skapandi sjálfbærni á Hallormsstað verður frá og með næsta hausti haldið ...

Stuðlagil fékk hæsta styrkinn
Fréttir 20. maí 2025

Stuðlagil fékk hæsta styrkinn

Alls hlutu 28 verkefni styrk úr Framkvæmdasjóði ferðamannastaða en heildarupphæð...

Hátt hlutfall óholls matar
Fréttir 20. maí 2025

Hátt hlutfall óholls matar

Næstum helmingur orkunnar í fæðu fullorðinna Íslendinga á aldrinum 18–80 ára kem...

Nýr forstöðumaður byggingarsviðs
Fréttir 19. maí 2025

Nýr forstöðumaður byggingarsviðs

Límtré-Vírnet ehf. hefur ráðið Gísla Símonarson sem forstöðumann byggingarsviðs....

Eftirlitsnefnd vegna Hvammsvirkjunar
Fréttir 19. maí 2025

Eftirlitsnefnd vegna Hvammsvirkjunar

Sveitarstjórnir Skeiða- og Gnúpverjahrepps og Rangárþings ytra hafa ákveðið að s...

Sólarselluvaraafl á Grund í Eyjafirði
Fréttir 19. maí 2025

Sólarselluvaraafl á Grund í Eyjafirði

Nýlega var sett upp sólarorkukerfi á kúabúinu Grund I og II í Eyjafirði, sem mun...