Vinsamlegast athugið að þetta efni er eldra en 6 ára.
Stutt hettupeysa
Hannyrðahornið 25. júní 2015

Stutt hettupeysa

Stutt hettupeysa. Uppskrift frá KARTOPU TEKSTIL þýdd með leyfi frá þeim af Guðrúnu Maríu Guðmundsdóttur
 
Stærð: 4 ára.
 
Yfirvídd: 62 sm.
 
Garn:
Kartopu Basak nr K792 bleikur, 2 dokkur. Basak er til í 33 litum sjá nánar á www.garn.is
 
Prjónar: Hringprjónn 60 sm nr 4 eða sú prjónastærð sem þarf til að fá 23 lykkjur = 10 sm í sléttu prjóni
 
Perluprjón: Umferð 1: *1 slétt, 1 brugðin* endurtakið *-* út umferðina 
Umferð 2: *1 brugðin, 1 slétt* endurtakið *-* út umferðina 
Endurtakið þessar tvær umferðir
 
Aðferð: Peysan er öll prjónið fram og til baka, hvert stykki fyrir sig.
Bakstykki: Fitjið upp 70 lykkjur og prjónið stroff 2 slétt, 2 brugðið fram og til baka, 4 sm. Skiptið yfir í perluprjón og prjónið þar til stykkið mælist 15 sm (mælt með stroffi). Fellið af fyrir handvegi í annarri hverri umferð 2, 1, 1 lykkju. Prjónið áfram perluprjón þar til heildarlengd mælist 31 sm. Geymið stykkið.
 
Forstykki: Aukið er út jafnt og þétt þeim megin á framstykki sem er nær miðju að framan. Athugið að um leið og lykkjum fjölgar bætist við kaðall og perluprjón að honum loknum; 6 lykkjur perluprjón, 11 lykkjur kaðalmunstur, 17 lykkjur perluprjón eftir að útaukningu er að fullu lokið.
Fitjið upp 4 lykkjur og prjónið perluprjón 2 umferðir, aukið út í upphafi umferðar frá réttu: 3, 3, 3, 2, 2 lykkjur (munið eftir kaðli) og síðan 1 lykkju í annarri hverri umferð alls 17 sinnum. Þegar stykkið mælist 11 sm er fellt af fyrir handvegi eins og á baki 2, 1, 1 lykkjur. Prjónið áfram þar til stykkið mælist 27 sm fella þá af í hálsmáli 5, 3, 2, 1, 1 lykkjur = 18 lykkjur á öxl. Prjónið þar til stykkið mælist 31 sm. Prjónð annað framstykki en speglið.
 
Ermar: Byrjað er á að prjóna kaðalinn og lykkjur síðan teknar upp á hvorri langhlið fyrir stroff og ermi. Fitjið upp 13 lykkjur og prjónið kaðal, fram og til baka, 17 sm fellið af. Takið upp meðfram annarri langhliðinni 32 lykkjur og prjónið fram og til baka stroff (2 slétt, 2 brugðið) 4 sm. Fellið af. Takið upp meðfram hinni langhliðinni 48 lykkjur og prjónið perluprjón fram og til baka. Aukið út í 8. hverri umferð í upphafi og enda umferðar þar til 62 lykkjur eru á prjóninum. Prjónið áfram þar til ermin mælist 26 sm (stroff og kaðall mælt með). Fellið af fyrir handvegi og síðan með því að móta ermakúpul; 3, 2, 10x1, 2, 3, 4 lykkjur í upphafi hverrar umferðar. Fellið af þær lykkjur sem eftir eru. Prjónið aðra ermi eins.
 
Listi á framstykki: Takið upp 82 lykkjur (deilanlegt með 4+2) og prjónið stroff 2 slétt, 2 brugðið, 4 sm. Fellið laust af. Á hægra framstykki er gert ráð fyrir tveimur hnappagötum. 
Lykkið eða saumið saman axlir, saumið saman hliðar, saumið ermar í. 
 
Hetta: Takið upp lykkjur í hálsmáli (ekki lykkjurnar af listanum) 15 lykkjur af hægra framstykki, 26 lykkjur af baki, 15 lykkjur af vinstra framstykki. Prjónið slétt prjón fram og til baka, 2 umferðir, aukið út í 3. umferð í 72 lykkjur þannig; prjónið 1 lykkju slétt, (aukið út um 1 lykkju, prjónið 3 lykkjur slétt) x8, (aukið út um 1 lykkju, prjónið 2 lykkjur slétt) x3, (aukið út um 1 lykkju, prjónið 3 lykkjur slétt) x8, aukið út um 1 lykkju, prjónið 1 lykkju slétt. Haldið áfram að prjóna slétt prjón fram og til baka þar til hettan mælist 23 sm eða sú hæð sem þið viljið. Fellið af með þremur prjónum eða lykkið saman hettuna.
 
Frágangur:
Gangið frá endum og saumið tölur í. Þvoið flíkina og leggið til þerris.          

3 myndir:

Rökstuddur grunur um blóðþorra
Fréttir 3. desember 2021

Rökstuddur grunur um blóðþorra

Veira sem getur valdið sjúkdómnum blóðþorra í laxi, Infectious salmon anaemia, h...

Nýsköpunar- og þróunarsetur verði byggt upp á Vesturlandi
Fréttir 3. desember 2021

Nýsköpunar- og þróunarsetur verði byggt upp á Vesturlandi

Landbúnaðarháskóli Íslands og Háskólinn á Bifröst hafa tekið höndum saman um að ...

Ísland er enn í sérflokki þegar kemur að lítilli notkun sýklalyfja í landbúnaði
Fréttir 3. desember 2021

Ísland er enn í sérflokki þegar kemur að lítilli notkun sýklalyfja í landbúnaði

Samkvæmt skýrslu European Medicine Agency, sem kom út í síðustu viku, er sýklaly...

Landselastofninn við sögulegt lágmark
Fréttir 3. desember 2021

Landselastofninn við sögulegt lágmark

Hafrannsóknastofnun leggur til að beinar veiðar á landsel verði áfram takmarkaða...

Innflutningur á dönskum jólatrjám dregst saman en sala íslenskra eykst
Fréttir 2. desember 2021

Innflutningur á dönskum jólatrjám dregst saman en sala íslenskra eykst

Fyrsta helgin í sölu íslenskra jólatrjáa er nú fram undan í íslenskum jólaskógum...

Fjármálaráðherra vill skoða kaup á Hótel Sögu
Fréttir 2. desember 2021

Fjármálaráðherra vill skoða kaup á Hótel Sögu

Í frumvarpi fjármálaráðherra til fjárlaga fyrir árið 2020 er lagt til að skoða m...

Sauðfjárbændum hefur fækkað um ríflega þriðjung á 40 árum
Fréttir 2. desember 2021

Sauðfjárbændum hefur fækkað um ríflega þriðjung á 40 árum

Á síðasta ári voru sauðfjárbændur í landinu 2.078 samkvæmt haustskýrslum og höfð...

Sóknarmöguleikar sem verðskulda athygli og uppbyggingu
Fréttir 2. desember 2021

Sóknarmöguleikar sem verðskulda athygli og uppbyggingu

„Mér finnst ég standa inni í málaflokki sem er bæði tengdur sterkt inn í fortíð ...