Vinsamlegast athugið að þetta efni er eldra en 10 ára.
Stóra-Vatnshorn
Bóndinn 20. mars 2014

Stóra-Vatnshorn

Býli: Stóra-Vatnshorn.

Staðsett í sveit: Rétt innan við Haukadalsvatn í Haukadal, Dalabyggð.

Ábúendur: Valberg Sigfússon og Jóhanna Sigrún Árnadóttir.

Fjölskyldustærð (og gæludýra):
Við sjálf og synir okkar, þeir Vignir Smári bráðum 14 ára og Baldur 6 ára.

Stærð jarðar: 2.080 hektarar, ennþá að minnsta kosti en hér á óbyggðanefnd eftir að ljúka sér af.

Gerð bús: Sauðfjárbúskapurinn er fyrirferðarmestur en svo erum við líka með hross og ferðaþjónustu.

Fjöldi búfjár og tegundir: Um 570 fjár, innan við 20 hross, 2 hundar og 2 kettir.

Hvernig gengur hefðbundinn vinnudagur fyrir sig á bænum? Á virkum dögum fer húsfrúin til kennslu og strákarnir fara í skólann í Auðarskóla í Búðardal. Heima við fer það algerlega eftir árstíma hvað er í gangi og í raun er ekkert til hér á búinu sem heitir hefðbundinn vinnudagur. Yfir veturinn er til dæmis gefið hey í allar gjafagrindur á fjögurra daga fresti og ekkert þess á milli. Þá fer iðulega eftir veðri og dugnaði (eða leti) húsbóndans hvað gert er hina þrjá dagana.

Skemmtilegustu/leiðinlegustu bústörfin: Okkur leiðast yfirleitt ekki bústörfin en það verður að viðurkennast að húsbóndanum finnst sauðburðurinn leiðinlegastur en húsfrúnni finnst hins vegar sá tími skemmtilegastur ásamt leitum og réttum! Annars er þetta allt gott í bland og það er fjölbreytnin sem gerir búskapinn skemmtilegan.

Hvernig sjáið þið búskapinn fyrir ykkur á jörðinni eftir 5 ár? Með svipuðu sniði og vonandi betri hrossum.

Hvaða skoðun hafið þið á félagsmálum bænda? Það er margt gott fólk í bændastétt sem sinnir þeim málum vel og af krafti en fyrirkomulagið þarfnast að einhverju leyti endurskoðunar.

Hvernig mun íslenskum landbúnaði vegna í framtíðinni? Vonandi vel.

Hvar teljið þið að helstu tækifærin séu í útflutningi íslenskra búvara? Tækifærin eru sjálfsagt víða en við skulum ekki gleyma því að heimamarkaðurinn er okkar mikilvægasti markaður.

Hvað er alltaf til í ísskápnum? Mjólk, ostur, smjör, bjór, bláberja­sulta, egg og misgamalt grænmeti.

Hver er vinsælasti maturinn á heimilinu? „Ærfille“, grillað eða steikt á pönnu.

Eftirminnilegasta atvikið við bústörfin: Eftirminnilegasta og um leið erfiðasta stundin var flóðið í Efri-Haukadalsá haustið 2008. Féð var allt á túnunum sem fóru svo til alveg undir vatn. Við munum seint skilja hvernig það slapp allt saman til. Flest hefur samt verið skemmtilegt, t.d. var gaman að taka inn í nýja hesthúsið í lok febrúar 2010. 

3 myndir:

Fyrsti umplöntunarróbóti landsins
Fréttir 19. apríl 2024

Fyrsti umplöntunarróbóti landsins

Í maí í fyrra var settur upp umplöntunarróbóti á gróðrarstöðinni Sólskógum í Kja...

Ólöglegur frágangur á dýrahræjum
Fréttir 19. apríl 2024

Ólöglegur frágangur á dýrahræjum

Opinn gámur, yfirfullur af dýrahræjum, stóð á dögunum á steyptu bílastæði við in...

Verslunarrekstur í dreifbýli er samfélagsverkefni
Fréttir 18. apríl 2024

Verslunarrekstur í dreifbýli er samfélagsverkefni

Vegamót á Bíldudal er matvöruverslun og veitingastaður. Gísli Ægir Ágústsson, ve...

„Allt of fáar messur“
Fréttir 18. apríl 2024

„Allt of fáar messur“

Tryggvi Sveinn Eyjólfsson, sem er á sautjánda aldursári, hefur vakið athygli fyr...

Íslenskar sængur um allan heim
Fréttir 18. apríl 2024

Íslenskar sængur um allan heim

Íslenskur dúnn ehf. selur æðardúnsængur beint til viðskiptavina um heim allan. Þ...

Vörðust ásælni ríkisins í jarðareign
Fréttir 17. apríl 2024

Vörðust ásælni ríkisins í jarðareign

Kristín Lárusdóttir og Guðbrandur Magnússon, bændur að Syðri- Fljótum í Meðallan...

Breyttar reglur um flutning líflamba
Fréttir 17. apríl 2024

Breyttar reglur um flutning líflamba

Verklagsreglur hafa verið endurskoðaðar um flutning á lömbum með verndandi eða m...

Gýgjarhólskot ræktunarbú ársins
Fréttir 16. apríl 2024

Gýgjarhólskot ræktunarbú ársins

Á fagfundi sauðfjárræktarinnar sem haldinn var á dögunum var Gýgjarhólskot í Bis...