Vinsamlegast athugið að þetta efni er eldra en 7 ára.
Stóra Kiwanis-hjálmamálið
Fréttir 2. maí 2016

Stóra Kiwanis-hjálmamálið

Höfundur: Hjörtur L. Jónsson
Það hefur varla farið fram hjá neinum sú umræða sem hefur komið í kjölfarið á að borgaryfirvöld í Reykjavík leyfa ekki Kiwanis-mönnum og Eimskip að gefa börnum í 1. bekk reiðhjólahjálma. Ástæðan er sögð vera til komin vegna þess að lítil auglýsing þar sem nafn styrktaraðila Kiwanis-manna, Eimskip, kemur fram. 
 
Á vefsíðum dv.is og mbl.is er vitnað í Sigrúnu Björnsdóttur, upplýsingafulltrúa skóla- og frístundasviðs hjá Reykjavíkurborg, þar sem hún bendir á að reglur borgarinnar um merktar gjafir til grunnskólabarna séu skýrar. „Börn eiga ekki að vera gangandi auglýsing,“ segir hún og bendir á að frjálst sé að dreifa slíkum gjöfum annars staðar en í skólum þegar skólastarfi lýkur. 
 
Hér er kolrangur hugsunarháttur stjórnenda Reykjavíkur. Sé hugsað til forvarna á frekar að hygla þeim sem borga fyrir forvarnirnar.
 
 Ef þetta er stefnan fást aldrei kostendur til forvarna
 
Í mörg ár hafa forvarnafulltrúar, félagasamtök og tryggingafélög kvartað undan því að erfitt sé að fá kostendur til forvarna. Í jafn mörg ár hafa þeir sem vinna á einn eða annan hátt við forvarnir bent á ágæti forvarna. Sjálfur hef ég komið að forvörnum bæði í starfi og leik í yfir 20 ár og ef sveitarfélög fara að taka upp þessu alröngu stefnu Reykjavíkur, sem virðist vera svo herfilega röng að halda mætti að Reykjavíkurborg sé á móti forvörnum. Þetta staðhæfi ég þar sem að skipulagsstjóri Reykjavíkur startaði átakinu hjólað í vinnuna hjálmlaus.
 
Bestu forvarnakennarar eru yngstu börnin
 
Í mörg ár hafa Kiwanis-menn í samstarfi við Eimskip gefið um 50.000 hjálma og það er öruggt að einhverjir sem hafa fengið þessa hjálma þakka fyrir að hjálmurinn frá Eimskip var á hausnum þegar þeir lentu í hnjaski. Að gefa börnum hjálma er hluti af uppeldi þar sem hjálmanotkun er brýnd og kennt hversu nauðsynlegt er að vera með hjálm á reiðhjóli. Þegar krakkarnir eru komnir með hjálm á hausinn finnst þeim að allir eigi að vera eins og þeir. Við fullorðna fólkið látum undan þar sem að fræðsluáróður barnanna er svo sterkur að annað er ekki hægt. Það er „töff“ að vera með hjálm, en púkó að vera hjálmlaus. Borgarstarfsmenn Reykjavíkur geta verið áfram „púkó“ og hjálmlausir, en endilega þiggið hjálminn frá Eimskip og Kiwanis því þeir klæða hausa vel og eru „töff“.
Gýgjarhólskot ræktunarbú ársins
Fréttir 16. apríl 2024

Gýgjarhólskot ræktunarbú ársins

Á fagfundi sauðfjárræktarinnar sem haldinn var á dögunum var Gýgjarhólskot í Bis...

Verulegur samdráttur í innflutningi á áburði
Fréttir 16. apríl 2024

Verulegur samdráttur í innflutningi á áburði

Matvælastofnun hefur birt leiðrétta skýrslu yfir áburðareftirlit síðasta árs.

Ísteka í yfirburðastöðu
Fréttir 15. apríl 2024

Ísteka í yfirburðastöðu

Í nýrri ályktun Samkeppniseftirlitsins kemur fram að Ísteka beiti sterkri stöðu ...

Hverfandi líkur á riðusmiti árið 2032
Fréttir 15. apríl 2024

Hverfandi líkur á riðusmiti árið 2032

Í nýrri landsáætlun verður stefnt að því að hverfandi líkur verði að upp komi ri...

Hrútaverðlaun fyrir Gullmola og Blossa
Fréttir 15. apríl 2024

Hrútaverðlaun fyrir Gullmola og Blossa

Á fagfundi sauðfjárræktarinnar sem haldinn var í Ásgarði Landbúnaðarháskóla Ísla...

Sláturhús brann til grunna
Fréttir 12. apríl 2024

Sláturhús brann til grunna

Sláturhúsið í Seglbúðum í Landbroti brann til grunna þann 1. apríl.

Ekki farið að lögum um útivist nautgripa
Fréttir 12. apríl 2024

Ekki farið að lögum um útivist nautgripa

Matvælastofnun lagði stjórnvaldssektir á þrjú kúabú á Vesturlandi á dögunum vegn...

Dregur úr kaupvilja
Fréttir 12. apríl 2024

Dregur úr kaupvilja

Niðurstöður tilboðsmarkaðar fyrir greiðslumark mjólkur í byrjun apríl sýna að ja...