Vinsamlegast athugið að þetta efni er eldra en 8 ára.
Stöndum í lappirnar
Skoðun 5. janúar 2015

Stöndum í lappirnar

Höfundur: Hörður Kristjánsson

Þegar Íslendingar hætta að þora að vera Íslendingar vegna ótta við að verða að skotspæni skoðanakúgara háværra hags­munahópa er illa komið fyrir þessari þjóð.

Þá gildir einu hvort verið er að tala um tungumál, trúarbrögð, innleiðingu reglugerða eða umræðu um atvinnugreinar á borð við landbúnað eða sjávarútveg. Ef menn þora ekki að standa á rétti sínum og verja sína tilvist og menningararfleifð, þá geta menn allt eins pakkað saman.

Vanmáttur gagnvart öllu sem útlenskt er, hefur verið lenska hér sem virðist vera að færast í vöxt ef eitthvað er. Við kolföllum fyrir tilskipunum og tökum umyrðalaust upp alls konar dynti erlendra skriffinna þótt við þurfum þess alls ekki. Svo fáum við jafnvel svokallaða innlenda sérfræðinga til að bæta um betur og krydda erlendar tilskipanir enn frekar. Ágætt dæmi um slíkt er íblöndun etanóls og baneitraðs og tærandi metanóls í eldsneyti sem er beinlínis runnið undan rifjum hagsmunaaðila í slíkri framleiðslu. Allt kokgleypa íslensk stjórnvöld  eins og þeim sé borgað fyrir það.

Annað ágætt dæmi sem komið hefur til tals hér á landi er reglugerðarsmíð Evrópu­sambandsins um að takmarka afl í ryksugum til að spara raforku úti í orkusveltri Evrópu. Enginn nefnir að með aflminni ryksugum þurfi kannski að hafa ryksugurnar í gangi mun lengur til að ná sama árangri og sóa þar með mikilli orku. Það virðist engu máli skipta, bara ef umbúðirnar utan um reglugerðarruglið koma frá útlöndum. Sparperufárið er enn eitt dæmið þar sem venjulegum glóperum er skipt út fyrir rándýrar „sparperur“ sem innihalda auk þess kvikasilfur sem veldur náttúrunni skaða. 

Ótal önnur dæmi má tína til, en erum við virkilega svo aum og sljó í þessu landi að við getum ekki hugsað sjálfstæða hugsun og látum umyrðalaust  matreiða okkur á hverju sem er? Erlendir skriffinnar eru ekkert heilagri en íslenskir skriffinnar og það er algjör óþarfi að gera þá að leiðtogum lífs vors.

Þar sem þetta er síðasta blað ársins 2014 vil ég nota tækifærið og þakka öllum velunnurum og lesendum Bændablaðsins fyrir frábær samskipti á árinu sem er að líða. Með von um að þið getið öll notið friðar og átt gleðileg jól, óska ég ykkur farsældar á komandi ári.

Heitt vatn finnst á Ströndum
Fréttir 1. desember 2023

Heitt vatn finnst á Ströndum

Heitt vatn fannst nýlega við borun á Drangsnesi á Ströndum.

Tímamót í baráttunni gegn riðuveiki
Fréttir 1. desember 2023

Tímamót í baráttunni gegn riðuveiki

Tímamót eru í baráttunni gegn riðuveiki í sauðfé með nýrri nálgun stjórnvalda þa...

Birgðir kindakjöts aldrei minni
Fréttir 1. desember 2023

Birgðir kindakjöts aldrei minni

Birgðir kindakjöts í lok ágústmánaðar hafa aldrei verið minni en á þessu ári.

Samningaviðræðum við Miðfjarðarbændur ekki lokið
Fréttir 30. nóvember 2023

Samningaviðræðum við Miðfjarðarbændur ekki lokið

Í umræðum á Alþingi á mánudaginn um riðuveiki í sauðfé og bætur vegna niðurskurð...

Sala sýklalyfja dregst saman
Fréttir 30. nóvember 2023

Sala sýklalyfja dregst saman

Sala sýklalyfja fyrir búfé og eldisfiska í Evrópu dróst saman um 12,7% milli ára...

Stefnir í að tap verði 525 krónur á kílóið
Fréttir 30. nóvember 2023

Stefnir í að tap verði 525 krónur á kílóið

Í nýlegri skýrslu Ráðgjafar­miðstöðvar land­búnaðarins um rekstrarafkomu nautakj...

Kortlagning ræktunarlands
Fréttir 30. nóvember 2023

Kortlagning ræktunarlands

Gert er ráð fyrir að þings­ályktunar­tillaga um nýja lands­skipulagsstefnu til 1...

Fagstaðlaráð í umhverfis- og loftslagsmálum
Fréttir 27. nóvember 2023

Fagstaðlaráð í umhverfis- og loftslagsmálum

Nýtt fagstaðlaráð hefur verið stofnað undir hatti Staðlaráðs Íslands. Það verður...