Vinsamlegast athugið að þetta efni er eldra en 8 ára.
Verðandi bændur á Mýrum í Álftaveri, Pálína Pálsdóttir og Rúnar Þorri Guðnason,  í grunninum að nýja íbúðarhúsinu sem þau eru að byggja á jörð foreldra Pálínu.
Verðandi bændur á Mýrum í Álftaveri, Pálína Pálsdóttir og Rúnar Þorri Guðnason, í grunninum að nýja íbúðarhúsinu sem þau eru að byggja á jörð foreldra Pálínu.
Mynd / Áskell Þórisson
Fréttir 9. nóvember 2015

Stefna á að taka við fjárbúskapnum og fara einnig út í nautgriparækt

Höfundur: Hörður Kristjánsson
Endurnýjun í sveitum er greinilega ekki búið spil og víða um land má sjá ungt bjartsýnt fólk vera að hasla sér völl í búskap. Sú er einnig að verða raunin á Mýrum í Álftaveri. 
 
Þar eru Pálína Pálsdóttir og Rúnar Þorri Guðnason að byggja sér nýtt íbúðarhús á jörð foreldra Pálínu, Páls Eggertssonar og  Margrétar Harðardóttur.
 
„Við vinnum bæði utan búsins. Annars er ég þó fyrst og fremst í námi í búvísindum við Landbúnaðarháskóla Íslands á Hvanneyri. Þá er ég í hlutastarfi á Systrakaffi á Klaustri og maðurinn minn er sjálfstætt starfandi húsasmíðameistari. Síðan er ætlun okkar að koma inn í búskapinn smátt og smátt,“ segir Pálína. 
 
Töluverð endurnýjun í sveitinni
 
Hún segir að töluverð endurnýjun sé að verða þar í sveit eins og reyndar víðar um land.  
„Við erum mörg hér á svipuðum aldri að byrja í búskap svo þetta er mjög spennandi.“
 
− Nú heyrir maður stundum í umræðunni svartsýnistón og tal um hnignandi byggð í sveitum. Þið eruð samt hvergi bangin að fara út í búskap?
„Ég held að þetta hafi alltaf verið svona. Ég hef enga trú á að búskapurinn lognist alveg út af. Þetta gengur í hringi, fólk eldist og yngra fólk tekur við.  
 
Þetta er draumurinn og leggst því bara vel í okkur. Það er spennandi og frábært að fá svona tækifæri. 
Jörðin er um 2.710 hektarar og hér á Mýrum eru tæplega 450 ær. Svo erum við með um 25 hross. Þá erum við að byrja með nautgripi og erum komin með þrjár holdakvígur. Svo erum við að fikra okkur meira áfram og erum þegar búin að kaupa nokkra kálfa.“
 
Stefna hátt
 
− Eruð þið þá líka að velta fyrir ykkur að fara út í mjólkurframleiðslu? 
„Já, ég held að við stefnum á það,“ segir Pálína. Hún segir að til þess að slíkt verði að veruleika á Mýrum þurfi þó að bæta húsakostinn og byggja fjós. Greinilegt er því að mikill hugur er í unga fólkinu. 
„Við stefnum hátt – kannski verður ekkert úr öllum okkar áformum, en það sakar ekki að reyna,“ segir Pálína Pálsdóttir.

2 myndir:

Heitt vatn finnst á Ströndum
Fréttir 1. desember 2023

Heitt vatn finnst á Ströndum

Heitt vatn fannst nýlega við borun á Drangsnesi á Ströndum.

Tímamót í baráttunni gegn riðuveiki
Fréttir 1. desember 2023

Tímamót í baráttunni gegn riðuveiki

Tímamót eru í baráttunni gegn riðuveiki í sauðfé með nýrri nálgun stjórnvalda þa...

Birgðir kindakjöts aldrei minni
Fréttir 1. desember 2023

Birgðir kindakjöts aldrei minni

Birgðir kindakjöts í lok ágústmánaðar hafa aldrei verið minni en á þessu ári.

Samningaviðræðum við Miðfjarðarbændur ekki lokið
Fréttir 30. nóvember 2023

Samningaviðræðum við Miðfjarðarbændur ekki lokið

Í umræðum á Alþingi á mánudaginn um riðuveiki í sauðfé og bætur vegna niðurskurð...

Sala sýklalyfja dregst saman
Fréttir 30. nóvember 2023

Sala sýklalyfja dregst saman

Sala sýklalyfja fyrir búfé og eldisfiska í Evrópu dróst saman um 12,7% milli ára...

Stefnir í að tap verði 525 krónur á kílóið
Fréttir 30. nóvember 2023

Stefnir í að tap verði 525 krónur á kílóið

Í nýlegri skýrslu Ráðgjafar­miðstöðvar land­búnaðarins um rekstrarafkomu nautakj...

Kortlagning ræktunarlands
Fréttir 30. nóvember 2023

Kortlagning ræktunarlands

Gert er ráð fyrir að þings­ályktunar­tillaga um nýja lands­skipulagsstefnu til 1...

Fagstaðlaráð í umhverfis- og loftslagsmálum
Fréttir 27. nóvember 2023

Fagstaðlaráð í umhverfis- og loftslagsmálum

Nýtt fagstaðlaráð hefur verið stofnað undir hatti Staðlaráðs Íslands. Það verður...