Vinsamlegast athugið að þetta efni er eldra en 5 ára.
Aðstandendur Spuna frá Vesturkoti munu hampa Sleipnisbikarnum í sumar. Spuni vann A-flokk á Landsmóti hestamanna árið 2014 undir stjórn Þórarins Ragnarssonar.
Aðstandendur Spuna frá Vesturkoti munu hampa Sleipnisbikarnum í sumar. Spuni vann A-flokk á Landsmóti hestamanna árið 2014 undir stjórn Þórarins Ragnarssonar.
Fréttir 20. júní 2018

Spuni frá Vesturkoti hlýtur Sleipnisbikarinn

Höfundur: Guðrún Hulda Pálsdóttir
Við uppfærslu á alþjóðlegu kynbótamati fyrir íslensk hross sem gerð var í byrjun vikunnar varð ljóst hvaða stóðhestar hafa kost á að að hljóta afkvæmaverðlaun á Landsmóti hestamanna í Reykjavík í sumar. Fjórir hestar hafa lágmörk til heiðursverðlauna en tólf hestar til fyrstu verðlauna fyrir afkvæmi. 
 
Spuni frá Vesturkoti stendur efstur afkvæmahesta til að fá heiðursverðlaun en hann er með 129 stig í kynbótamati og mun því hljóta Sleipnisbikarinn. Auk hans eru Kiljan frá Steinnesi (125 stig), Ómur frá Kvistum (122 stig) og Aðall frá Nýja-Bæ (121 stig) með lágmörk til heiðursverðlauna.
 
Tólf stóðhestar geta hlotið fyrstu verðlaun fyrir afkvæmi samkvæmt uppfærslu kynbótamatsins. Þar stendur efstur Skýr frá Skálakoti með 128 stig. 
 
Auk hans uppfylla Arion frá Eystra-Fróðholti (126 stig), Óskasteinn frá Íbishóli (125 stig),  Hákon frá Ragnheiðarstöðum (124 stig), Eldur frá Torfunesi (124 stig), Trymbill frá Stóra-Ási (124 stig), Jarl frá Árbæjarhjáleigu II (123 stig), Lukku-Láki frá Stóra-Vatnsskarði (122 stig), Hrannar frá Flugumýri II (122 stig), Sjóður frá Kirkjubæ (121 stig), Blær frá Hesti (119 stig) og Stormur frá Herríðarhóli (118 stig) lágmörkin.
 
Skýr frá Skálakoti og Arion frá Eystra-Fróðholti öttu kappi í úrslitum A-flokks á Landsmótinu árið 2016 en lutu þá í lægra haldi fyrir Hrannari frá Flugumýri II sem sigraði greinina. Í sumar munu þeir allir hljóta fyrstu verðlaun fyrir afkvæmi, en hin rauðblesótti Skýr fær Eyfirðingsbikarinn þar sem hann stendur með flest stig í kynbótamati.
 
Allar nánari tölfræði-upplýsingar um afkvæmahestanna má nú nálgast á WorldFeng en þar er m.a. hægt að fletta upp á meðaleinkunnum afkvæmanna og kynbótamati hestanna fyrir alla eiginleika. 
 
Athygli vekur að flestallir afkvæmahestarnir hafa sýnt vasklega framgöngu í ýmsum keppnisgreinum á undanförnum misserum en nokkrir þeirra munu vera skráðir til leiks á Landsmót í sumar.
Breyttar reglur um flutning líflamba
Fréttir 17. apríl 2024

Breyttar reglur um flutning líflamba

Verklagsreglur hafa verið endurskoðaðar um flutning á lömbum með verndandi eða m...

Gýgjarhólskot ræktunarbú ársins
Fréttir 16. apríl 2024

Gýgjarhólskot ræktunarbú ársins

Á fagfundi sauðfjárræktarinnar sem haldinn var á dögunum var Gýgjarhólskot í Bis...

Verulegur samdráttur í innflutningi á áburði
Fréttir 16. apríl 2024

Verulegur samdráttur í innflutningi á áburði

Matvælastofnun hefur birt leiðrétta skýrslu yfir áburðareftirlit síðasta árs.

Ísteka í yfirburðastöðu
Fréttir 15. apríl 2024

Ísteka í yfirburðastöðu

Í nýrri ályktun Samkeppniseftirlitsins kemur fram að Ísteka beiti sterkri stöðu ...

Hverfandi líkur á riðusmiti árið 2032
Fréttir 15. apríl 2024

Hverfandi líkur á riðusmiti árið 2032

Í nýrri landsáætlun verður stefnt að því að hverfandi líkur verði að upp komi ri...

Hrútaverðlaun fyrir Gullmola og Blossa
Fréttir 15. apríl 2024

Hrútaverðlaun fyrir Gullmola og Blossa

Á fagfundi sauðfjárræktarinnar sem haldinn var í Ásgarði Landbúnaðarháskóla Ísla...

Sláturhús brann til grunna
Fréttir 12. apríl 2024

Sláturhús brann til grunna

Sláturhúsið í Seglbúðum í Landbroti brann til grunna þann 1. apríl.

Ekki farið að lögum um útivist nautgripa
Fréttir 12. apríl 2024

Ekki farið að lögum um útivist nautgripa

Matvælastofnun lagði stjórnvaldssektir á þrjú kúabú á Vesturlandi á dögunum vegn...